AYUB 22:13 - Allah Wene Fano Wene Hupla Inane

¹³ A'nogo werek oba nen haren ikhi logolik he, ”At he nena mene elu a?” At ebe anggulok ambol fikhit andoma were'ma re, Aren nit faget ayo wurogo pilingninabu lek hak,” ikhi lagen.

AYUB 22:13 ပူးပေါင်းရင်းမြစ်များ

AYUB 34:22

O mum se'maba nen ogore, it afuni weak hilingitarek mene re hina'lasu lek hak?

MAZMUR 10:11

Iren anggikhi logolik he, ”Allah re mondogat onggot were'ma re fut ninobagali'lago lek, hobuk andoma ogore Aren ekhe nisagain legat!” iluk anggikhi logolik hilingitarek.

MAZMUR 139:11

Nen an nen o mum mene nen salnabi wesuageluk yagasigin halok inom, nen an nera'lukwe selek logogin mene a'nogo o mum mene nen sali wesigin halok inom,

MAZMUR 139:7

An nen ikhi logolik, ”Hat homame hokho andiba, fetnarek logogin lek,” iluk a'nogo igi halok, an heise koma lagain nogo? Hat hebe herakhobagaluk an heise re koma lahak nogo?

MAZMUR 59:7

O hu'mo asi lagunem he it omanogo nekhengge lagokhogo we'luk, o kota kwe omanogo maserik nikhi logolik he mene nen hakhogo kouwarik nikho.

MAZMUR 64:5

It inebe hinagoma logolik he wene ineranen wene wulabi wagaikharek, nen inailo higi'lek, afuni weak hilingitarek lek mene inenu weak peakhogo hilingfisagarek.

MAZMUR 73:11

Iren ikhi logolik he, At Allah re onggoro, Lego Mondok welagarek mene andi re futfili'lago lek, iluk it ekhe yagaisagarek.

YESAYA 29:15

Ap ekhe nen hilingisigin iluk anggikhe mene Tuhan nen hanogoluk hinakfikhe halok ap andi re alomat lakhoago! Iren anggikhi logolik aben ekhe nisili'lagwi lek athe niren hilingiti lago mene fut ninobagali'lagwi legaro iluk anggikhi logolik a'nogo hilingitarek.

YEREMIA 23:24

An he yi kwe ti kwe pogoroba inom, kweangma inom welagirek enek hilingi'mo re, ap misigen ekhe An nelokhoma nen hina'lasumo re elo'lek.

YEHEZKIEL 8:12

Were'ma Allah nen an noba ikhi logolik, ”Afuni wa'lagaikharek mene yi re, afuni Israel mene melalinafarek mene nen hinak-hinak hilingiri'lagwi mene andoma hegen a? Iren he, An nebe o kweang yiba nen herakfuluk wilife, nen iren hilingiri'lagwi mene andoma An nen nisili'lago lek anggikhi logolik he iren o senggelek tugwi kembu nen enek hoporogo hilingik awi andiba obaget hilingiri'lagwi mene andoma heilenggen isegen a?” iluk ikhe.

YEHEZKIEL 9:9

A'nogo igimo nen Allah nen onggo yaganeti logolik, ”Afuni Israel mene inom, Yehuda mene inom he, weak mondok hokho mene hilingiti lagaikha. Iren o ekhema-ekhekma afuni inoati logolik o Yerusalem yi mondogat weaget faga. Iren ikhi logolik An Tuhan nen o kweang yi re mondogat herakfisigimo re, niren hilingiti lago mene omanogo re eilenggen nisili'lago lego, ili'lagwi.

AMOS 9:2

It andi ekhe heise poloksek kweangma afuni wa'la'luk lagaikharek oba andoma eberogoat logoin oba nen ogore, An nen inambotkwe liakfisa wesigin o. Nen, heise poloksek pogoroba elok logoin oba nen ogore, An nen it andoma nen pelakfisa wesigin aro.

AMOS 9:3

It heise poloksek tom Karmel ungguloba lagambik hina'lasugun mene ogore, An nen it inebe heraginabimbik inebe fakfisagain o. Nen, it inebe i laut yenggelek a'ma ma'lima hina'lasi pugun mene ogore, An nen kisu Naga i laut oba welagarek mene aigen palinabuageluk yagasigin o.

ZEFANYA 1:12

Linggene andi sambul An nen esage ibilogo re o Yerusalem fasimbik it afuni Yerusalem mene inendawimo nen anggikhi logolik, ”At Tuhan nen he yi'nogo ti'nogo hilingisu lek hak iluk anggigik, inendawimo seramet figik, it inebeba hilingik mene faget higit hilingik welago iluk anggigik, anggagarek mene andoma re wene inoba fisagain o.