AYUB 20:7 - Allah Wene Fano Wene Hupla Inane

⁷ wulage sogoiyen furogo lagarek hak at ebe mondok-mondok legasigin. A'nogo legasumo it afuni ap andi inelu logogun mene nen heinok wanhi logolik he, ”Yago at a'nogo re koma laga?” Ikhi logogun.

AYUB 20:7 ပူးပေါင်းရင်းမြစ်များ

1RAJA-RAJA 14:10

Arigini'mo re. An nen hat heisok erokwe mene inoba alomat fisagain o. Hat hagainafuri ap mene inebe abirengge ineabu ningginik mene werek mene oba nen ogore, inebe mondogat inoasigin enego. Afuni nen sabul horogo hugisagarek hak, An nen heisok erokwe mene andi mondogat leget fisagain o.

2 RAJA-RAJA 9:37

nen, Izebel ebe warek andi ando re, wam yi mene ti mene al kweang muli lakfagarek hangge were'ma, ap misigen ogo at oak siling iluk fut fogoin mondok lego, iluk isikhe higithogo hilinglaga andi o,” iluk isikhe.

AYUB 14:10

A'nogo meneat he, afuni inebe wa'lagunem he, mondok-mondok lek agaikharesik he, koma lagaikha heat longgogarek andi.

AYUB 14:14

A'nogo meneat he, nit afuni re, wa'laluk hobuk ninambotkwe ineluk agaikharek nogo? Hobuk ineluk asugun logoumo re, an yoma noba weak welagi yi hobuk fanotnabigin iluk hundik-handik kagalek mondok logoile.

AYUB 14:20

Haren inebe mondok-mondok mabenet fisaluk, inelokhe munenogo inebe lani iluk lakfisegendek.

AYUB 21:28

Hiren heinok wanhi logolik he, ”Ap along werek agun a'nogo koma werek? Enggin fenggin inoba fikherek agun a'nogo ebe werek oba re koma he,” iluk heinok wanhi lagep.

AYUB 27:19

At he ap enggi werek mene hakhogo wengik logolik werek, oba nen he aren nekhengge oak waganogo hilingisu lek hak. At ebe nogoguba omanogo nen menlagunemen he at angge yi mene ti mene omanogo mondogat linggi-longgo ugunem hikherek.

AYUB 4:20

Ap andi re we hubet enek eluk welagaresigen he, o hu'mokwe agu kwelek aremnogo re hesanggema teisa-teisa wa'lagunem he afuni nen inenggi hokhorogo andoma ap andi oba ekhe ebesu lek hak.

AYUB 8:18

Oba nen he enggangge andi yogondak walhogo sanokhano, sanok hugunemen he at ebe andem wulibik welaga lek mene hak hilingi'mo hogoin.

MAZMUR 112:10

Ap weak hilingitarek mene nen ineilenggen haluk he ina'mage lagaluk, ina'makwe heren inaik kilit mati logogun. A'nogo hilingiti la'luk it inebe legasi logoin, iren inendawimo eberek logogun mene omanogo re mondok-mondogat legasi lagain.

MAZMUR 41:5

An nen ikhi logolik he, ”Tuhan neisena, an he Hat hoba weak hilingiti lagimo re, Haren hendawi nealuk an nebe fano hilingnabin o,” iluk ikhi lagi.

MAZMUR 83:10

It andi re afuni Midian mene higit hilingfisano o, it hun Sisera inom Yabin inom, i Kison ima nen hilingfisegenma,

YESAYA 41:12

Haren he, ap hat hinom walhogoin iluk hilingiri'lagwi mene omanogo heraginabigin oba nen he, it inebe hinom ambi asugun lek. Ap hat hinom weim yabugun iluk mene re yogondak lek agaikhasik mondogat longgo aga.

YEREMIA 8:2

andi re kaboget fuluk nekhengge salugun mene faget he fuk, athe alalengge weak mene hakhogo kweangma herakfisamo logouwageluk hilingisugun. Ap inoak lolo andoma re herakfisamo iren inanggembu dewa ap-ap hilingfuluk inendawi hundik hilingitik, obaget hilingitik, apne wanhik, yaganisoageluk kinotik, hilingitungge mo inom, tugi inom hesagalenggen inom andoma inelokhoma logogin.

OBAJA 1:4

A'nogo anggikhi lagen oba nen he, hat haiba sue fogonoe awi mondok pulema wuterek andi hak inom, nen pogoroba hesagalenggen werek oba walek po'lima inom, wusigin meneba nen ogore, An nen hat pelakhabi wesigin aro.