AYUB 20:5 - Allah Wene Fano Wene Hupla Inane

⁵ it ap kwanirogo hilingitu mene nen inagaiyek hili'lagwi andi re we elama faget, nen ap wene sagalharek mene nen inamolorogo hilingitarek mene andi re we misigam faget hilingitarek.

AYUB 20:5 ပူးပေါင်းရင်းမြစ်များ

2 SAMUEL 18:14

A'nogo yagatikhemo at Yoab en he, ”Arat egen. hat nemberek andi faget ninane uanhogo lirik louwok lek,” iluk isikhe. A'nogo isikhesik at Yoab a'nogo nen he arige kabelek ebe henagan mene wanhikhesik he at Absalom a'nogo re ebe elugengge e enggiba a'nogo hobalek logolik eiselogo pore'ma hilingitunem amigenggen tulem tanghogo wat fesikhe.

2 SAMUEL 18:15

A'nogo hilingfesikhemo at Yoab agoromi tentara mene inebe 10 nen omanogo nen he at Absalom a'nogo yei warogo ebe pinggi wat fesukwa.

ESTER 7:10

Andi yagaisasikhemo re, iren hun Haman a'nogo e hilingik hun Mordekhai warogo fuguba iluk fougetikhe mene a'nogoba paku warogo fei lagaukwa. A'nogo hilingitukwama nek he raja a'mage lagasikhe mene a'nogo lombuk isikhe.

AYUB 21:28

Hiren heinok wanhi logolik he, ”Ap along werek agun a'nogo koma werek? Enggin fenggin inoba fikherek agun a'nogo ebe werek oba re koma he,” iluk heinok wanhi lagep.

AYUB 27:8

At Allah nen ap obabut mondok weak mene ebe eluk faget awene umo nen he, at oba inendawinggen eberek logou mene ekhe logou hak nogo a?

AYUB 34:30

A'nogo hilingi'mo re ap inalong logolik, inomameba sebelinarek mene a'nogo hak weak mene omame a'luk sebelinarek were'ma re, Afuni inunggulenu ekhe mene-ekhe mene omanogo nen andi mene legabesugun iluk hilingisumo nen he ebe asu lek hak.

AYUB 5:3

Ap kembu mene ekhe yi'nogo were'ma hasigi. Ap andi ebere omame mondok hokho agun welaga, oba nen he, aremnogoat an nen at ebe welagaba aremnogo homan potfisigimo re,

AYUB 8:19

It ap weak enek hilingitu mene nen inagaiyek hagarek mene re we andem higithogo nek hilingitarek, ap amu mene we'luk he at a'nogo obali'mo asi wagarek.

MAZMUR 37:10

It afuni inobabut weak hilingitarek mene andi, inebe weak-weagat legasumo, heraginabugun mene re inebe isogoin mondok lek.

MAZMUR 94:3

Tuhan neisena, afuni inobabut weak mene andoma re ki huli nen inagaiyek hikhi logolik logogun nogo? Tuhan neisena, ki huli nen logogun abi?

MAZMUR 94:4

Iren he inaneba mondok weak mene nek wulabi wagik, nen iren weak hilingiri'lagwi mene a'nogo faget foget fakhigik hilingitu werek.

MATIUS 7:21

A'nogo yagaisasikhesik, ekhe mel yagaisasikhe: ”Hit afuni nen, an yaganeti logolik he, Ninoe, ninoe, iluk ikhi lagep andiba hinebe mondogat, an Neisena Allah pogoroba mene awe a'ma fisikhere'ma andoma kugun lego. We, it ekhe, neisena Allah endawimo anggikherek mene higithogo hilingiri'lagwi mene andi nek kwi logoin o.

GALATIA 6:4

Hinebe lombok hinonggwaregenat, ”An fano hilingiti lagi a? Weak hilingiti lagi a,” iluk, hinobabut palikhi logolik he, ”Fano hilingiti lagi,” iluk, anggegep halok he, elok fogerakhogoin aro. A'nogo meneat he, nit hilingiti lago mene andi, ninonggwarek ninoba lombogenat ugun andi nen he, ”It ekhe hilingiri'lagwi andi weak. Nen, an hilingiti lagi nek he, esin,” iluk ugun lego.

YAKOBUS 4:16

hinonggwaregen fogerakhigik, agaugwerakhigik, ilik nikhi lagep andi ri! A'nogo fogerakhikhi lagep andi re, wesa aro.