AYUB 20:26 - Allah Wene Fano Wene Hupla Inane

²⁶ Angge yi mene ti mene andogoterek mene omanogo mondogat he wolelenggen tagalogo legasigin, at inom nen at eisok erokwe mene inom he endu afuni nen nonggalharek lek meneba nagain.

AYUB 20:26 ပူးပေါင်းရင်းမြစ်များ

AYUB 15:30

O mum meneba nen he at waganogo lagain lek, endu nen he asimit wulibigin mene omanogo nolinabigin. At ebere Allah eleage nen warogo lakfisagain.

AYUB 5:14

O lingge werek kwelek meneat he, it ineilmo re hubanggo higit hilinglagunem he, inenggi ya fak ta fak hilingitarek andi.

MAZMUR 120:4

Ap weim aninirogo yafarek mene nen sige kabelek meneba inom, endu enggen amulok kulung hikherek meneba inom hinoba fagain o!

MAZMUR 21:9

Aren he afuni mondogat at inom inaseleirogo werek mene omanogo hele warogo fisigik, it afuni Tuhan oba inabit anggagarek mene halok senfisigik, ikherek

YESAYA 30:33

O attagenat raja Asyur mene ebe noligin oba re foukhogo fesikhemo werek. Obalik andi re eil uanhogo ma'limaba hilingi'mo elonggo wogole'ma re noligin mene eilem warogo liagaisogo fikhemo werek. Tuhan nen At onggwarek set meneba futhamo re i eil mep mene enu belerang meneba fisagaisogo kwelakfoumo re amulok kulunghogo uan-horok lagagin.

YESAYA 8:22

pogot liakhigik kweangma pelakhigik hilingisugun oba nen he, amu mene ekhe hogoin lego, we yi enggin ti enggin inom sumburu ouwak agarek mene inom, o mum mene hilingi'mo inendawinggenmaet yegelik ikherek mene inom enek were'ma hikhi logogun o. A'nogo hikhi logolik were'ma hobuk it inebe o mumse'ma andoma hugisa lagain.

MATIUS 3:12

Gandum enggen folugun mene faget garpu hangge meneba fologo lakfagain mene at eisewerek mene enggimo werek andi. Tegeligin oba higit asi waga halok, fano mene halok, tegelogo fikherek oba fanoma figik, afulfulengge mene halok endu nagulagarek le'ma a'nogoba lakfisigik, igin o,” iluk yagaisasikhe.

MATIUS 8:12

Mene re, it afuni Israel mene andi re, o andoma irat eisewerek asugun meneat he, enda'ma o mum hikhakse'ma andoma lakfisamo re, inaik himbirogo li ago le ago mondok logogun o,” iluk yagaisasikhe.

YUDAS 1:13

Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.