A'nogo yagatikhemo, at he a'nogo nen e a'nogo eilenggen kwelakhasikhe re, fano mondok were'ma hasikhe. A'nogo hasikhesik, endawimo nen he, ”E ari enggen inendawinggen palu hak werek ari re, afuni inobabut hebelinabu hak higi,” iluk anggasikhesik, e enggen a'nogo palhikhesik he, nasikhesik, fena agun wogetikhemo nasikheat.
AYUB 20:12 - Allah Wene Fano Wene Hupla Inane12-13 It afuni kwanirogo hilingiterek mene andi at ambeba re enduk mondok mitsek werek! A'nogo were'ma re weak-weak pilhare abiragunen he, aninurogo fethaluk logolik enduk mikhikhi logogin nen iluk he amelinggen a'ma mumunghogo fisogo logolik werek. အခန်းကိုကြည့်ပါ။ |
AYUB 20:12
10 ပူးပေါင်းရင်းမြစ်များ
A'nogo yagatikhemo at Daud en he, ”Wene arat egen o. Hat o yogondak yoma set warogo logoin o. Nen ohealek hubet halok enek he lakhobagagin o,” iluk yagatikhe. A'nogo yagatikhemo, at Uria andi sambul o Yerusalem welagaikhe. A'nogo were'ma, ohealekwe re at Daud en sumburu ninom nogoin iluk ayonggo fesikhe.
Hat ap alage souge yi re, hebe souge logolik andem he hendawimo anggagain mene hilingirikhi logoino! Hebe elama sougerek logolik andem he hagaiyek hokhorogo hugu nogo. Hat hendawimo nen wenggelhu mene andoma re tiphogo nek hilingiti logoino, nen hendawimo hilingisigin iluk anggagain mene andoma higithogo nek hilingirikhi logoino. Oba nen he helurogo! Haren hilingiti logogin mene andoma mondogat he, At Allah nen hobuk wene inoba figik kotik igin oba andoma wokharek lambik katokhogo ayo wut habigin oba werego.
Hat hobabut mondok weak hilingiti lagen andi nenat, wene hoba fakhegen o. An heisena Tuhan Allah hambotma nobagegen andi nen, yi enggin ti enggin hoba fakhegen o. An nebe hambotma fanhendik An hailorogo hilingnafi lagen lek andiba re mondok wiik-weakhogo fakhegen andi hegen. An heisena Tuhan Allah nen nane arat igi o. An he Tuhan Allah Lego Mondok logolik Nomame Mondok Hokho mene a'nogo aro,” iluk ikhe.
ကြော်ငြာတွေ