AYUB 2:5 - Allah Wene Fano Wene Hupla Inane

⁵ Halok he, haren at ebe oba yi enggin ti enggin foumo nek he, aren, Allah weak. Ebe an nabit, iluk eberogoat kofologo hobagagin werego,” iluk yagatikhe.

AYUB 2:5 ပူးပေါင်းရင်းမြစ်များ

1 TAWARIKH 21:17

A'nogo hilingitukwasik at Daud en samban ikhi logolik mel isikhe, ”Allah neisena, anat weak hilingiti o. An en enek afuni inenu palogo wenaginabuageluk miminginafi o. It afuni inunggulenu yi nen he weak hilingita lego! Tuhan Allah neisena, we an inom an neisok erokwe inom enek unggum ninoba fuluk he, it Hat hagainafuri ariba nen enggin mene andi inoba asinogo re yatma lakfisan o, neisena,” iluk samban isikhe.

AYUB 1:11

Oba nen he, at angge yi mene ti mene andoma mondogat Hat helamo nen he, aren, Hat helokhoma nenat Allah hebe nabit iluk ane hombuk palogo herakhobagau hak werego,” iluk yagatikhe.

AYUB 1:12

A'nogo yagatikhemo, At Tuhan nen Iblis afuni inendawimo kagalik nikherek mene a'nogoba re mel yagatikhe: ”Fano. Harenat. Hat hendawimo anggegen higithogo hilingi'nogen iluk, at Ayub angge yi mene ti mene mondogat henggiba figi o. A'nogo meneat he, at ebe nek he, henggi fakhagain mondok lego,” iluk yagatikhe. A'nogo yagatikhemo, at afuni inendawimo kagalik nikherek mene a'nogo Tuhan elokhoma aremnogo nen wulibi wagaikhesik lagaikhe.

AYUB 1:5

A'nogo hilingitunem, ap Ayub endawimo nen he, ”An nagainafuri a'nogo hilingiti logolik, ineranen hilingiti'lek meneat he, ekhe weak hilingitasik Allah enu weagetfaga he a,” iluk endawimo anggikhi lagaikhe andi nen he, againafuri pesta a'nogo hilingiti lagaukwa mene omanogo ebe lombok faget, mondogat hilingitu halok he, Ayub ebe huberat siakhogo, it weak hilingitu mene andi nineisena Tuhan nen sebelogo leget fisoageluk, inebe lombok faget wam Allah warogo noleti lagaikhe.

AYUB 2:4

A'nogo yagatikhemo, at Iblis afuni inendawimo kagalik nikherek mene a'nogo nen he, ”A'nogo egen meneat he, afuni inonggwarek inagap telagarek andi re mondok esin o. Andi nen he, afuni inebe ineluk logouwogeluk halok he, inangge yi mene ti mene re elok herakfisagarego.

AYUB 2:6

A'nogo yagatikhemo, Tuhan nen afuni inendawimo kagalik nikherek mene a'nogo mel yagatikhe: ”Fano. Harenat. Hat hendawimo anggegen higithogo hilingi'nogen iluk, hat henggiba figi. A'nogo meneat he, at ebe mondok pinggi watun o,” iluk yagatikhe.

AYUB 2:9

A'nogo kibilhu were'ma, at agwe nen he, mel yagatikhe: ”Hat he, Allah oba lombokhogo mondok logogiluk hilingiti lagen a? Elo'lego. Haren he, Allah weak. Ebe nabit, iluk kofologo herakfisaluk he, hebe wa'lakhan o,” iluk yagatikhe.

MAZMUR 39:10

Hat honggwaregen komotnafi lagenma re, an nane igi'lek nambe to'morogo logogin o.

YESAYA 65:3

Iren hundik-hundik tugwi kembu inobaget wam warogo yabukwe omanogo nen noletik, mezbah wurikwe omanogo bene amben fano mene kemenyan nolhik, hilingiri'lagwi andiba re An na'mage kwela'nabi'lagwi o.

YESAYA 8:21

Afuni ekhe yi enggin ti enggin inoba agik, sumburu nele agik, hilingisugun mene andi re o kweang andomaba ya lagik ta lagik, hilingiti logolik logogun. It a'nogo hilingiti logolik inamburu nele nen ina'makwe het periluk he inoe raja oba inom it ineisena Allah oba inom homan fisikhi logogun. A'nogo hilingiti logolik he ineil nayo hayo yi kwe ti kwe kumuthigik,

IMAMAT 24:15

A'nogo hilingi'luk afuni Israel mene mondogat inoba wene yagaisikhi logolik, ap ekhe An Allah homan nobagagu halok he ambisangma re,

WAHYU 12:10

A'nogo mabenet fisaluk, pelakfisa wagama, pogoroba nen inane hokhorogo mel ugunem holhi: ”At andi nen Allah eilhanem eranenat it ninerugwi ninagaila'lak linggene hubanggo wene inoba fugu mondok welagarek mene a'nogo arat mabenet fisaluk ebe wulakfisaga andi fano o. Nineisena Allah Enupogot ebe kain logolik, telninabuageluk Kristus menfesikhe a'nogo, yi mene ti mene mondogat eisewerek logolik, emberek inomame agaikhasik telninafasik, inawe a'ma arat ninobagaga yi o.