AYUB 2:4 - Allah Wene Fano Wene Hupla Inane

⁴ A'nogo yagatikhemo, at Iblis afuni inendawimo kagalik nikherek mene a'nogo nen he, ”A'nogo egen meneat he, afuni inonggwarek inagap telagarek andi re mondok esin o. Andi nen he, afuni inebe ineluk logouwogeluk halok he, inangge yi mene ti mene re elok herakfisagarego.

AYUB 2:4 ပူးပေါင်းရင်းမြစ်များ

KEJADIAN 47:17

A'nogo yagaisasikhemo, it mene inanggo kuda inom, domba inom, kambing inom, sapi inom, keledai inom, sumburu onggo Yusuf wogetukwama, aren inanggo obali'mo sumburu wogisasikhe. Tahun andiba re, it afuni omanogo nen sumburu onggo inanggo at Yusuf wogetukwama, aren sumburu wogisasikhe andi.

KEJADIAN 47:19

Nit ninebe wa'lagik, nineabukwe yi mene ti mene mondok lek agik, inogo nen he, herakninobagagun o. Sumburu onggo re, nit ninebe inom, ninanggweang inom, at raja Firaun a'nogo mene asuagen he, onggo palninabin o. Onggo palninabimbik he, ninebe nineluk logouwageluk, gandum nogoin mene inom, awi feik yabukwe lakfogoin mene inom, ekhe wo'nisan o,” iluk yagatukwa.

1RAJA-RAJA 20:31

A'nogo hinago were'ma re. at agoromi sikhe fisogo mene omanogo ekhe wagaukwasik yagati logolik he, ”Ap inane nen ikhi logolik, it Israel mene inogogwi raja andoma re afuni inendawirinafarek mene werego. Enggere, niren ap raja Israel mene andi a'ma sebe ikhi lago iluk he hele ninalonggopma kelhik, nen fong warogo ninasu karung mene sambunetik, imbik ambit louwogen he fano lani iluk yaganisan. A'nogo hilingisugun halok aren neisena hat hebe hoasigin lek logou hak,” iluk yagatukwe.

AYUB 2:3

A'nogo yagatikhemo, Tuhan nen heinok wokhikhi logolik he, An namingmingengge Ayub he arat futfegen a, lega? ”Afuni o kweangma yi awi ti awi welagaikharek mene inobabut he an namingmingengge Ayub ebe an nebe endawirogo logolik noba lombokhogo werek andi hak he ekhe werek lek, at andi re haren wene ero lek kwelegat weaget fagain iluk an nendawimo kagalhen meneat he aren An kofologo herak nobagagi'lek noba lombokhogo mondok werek a'naga heilenggen hegen a, lega?” iluk yagatikhe.

AYUB 2:5

Halok he, haren at ebe oba yi enggin ti enggin foumo nek he, aren, Allah weak. Ebe an nabit, iluk eberogoat kofologo hobagagin werego,” iluk yagatikhe.

AMSAL 13:8

Afuni inebe kain inangge yi mene ti mene hokhorogo werek mene andi re inebe elelerogo inauang wulak fuluk ineluk fano welagaikharek, oba nen ap ineilmo lek mene andi re yi wene ti wene inoba legengge welagaikharek.

MATIUS 16:26

Ap sa nen yi mene ti mene kweangma mene mondogat eise asigin meneat he, hobuk ebe eluk faget nong asigin halok, aren he, ”An ekhe elok saburogo fakhigi ugun nogo?” Mondok lego. Ebe nong asigin andi obali'mo re, nena mene oba oasigin nogo. Elo'lego.

MATIUS 6:25

An nen a'nogo yagahisigi andi nen, hit hinendawimo nen he, Nineluk logouwogeluk he, sumburu inom, i inom, nangge nogoin. Nen, ninebe su ki mene laberogoin, iluk hinendawinggen firogo menenei uan horok ebeti logoinogo iluk yagahisigi. Nenggarek mene andi esin nogo? Hineluk welagep andi esin anggigi. Su labetarek mene andi esin nogo? Hinebe andi esin anggigi.

LUKAS 12:23

Nenggarek mene andi esanggoma meneat he, esin he, hinebe hineluk logogun andi aro. Nen, su labetarek mene andi esanggoma meneat he, esin he, hinebe andi aro.

YOSUA 9:24

A'nogo yagaisasikhemo iren onggo ikhi logolik he, ”Nineisena, niren a'nogo hilingito andi re, nit ninesanggo holho re, Tuhan Allah hat nineisena nen apne wanhi lagen mene andi nen Musa at amingmingengge andi mimingiti logolik he, nineisena hat hebe nen o kweang yi sebeli kwi waga logolik afuni yoma werek mene mondogat inoatik, nen kweang yi abirengge nineisena hat wokhetik, hilingisuageluk mimingite mene andi faget ninesanggo holhosik he, nit ogo ninomat ninoasugun hea iluk ninailo nen a'nogo hilingito andi.