AYUB 2:3 - Allah Wene Fano Wene Hupla Inane

³ A'nogo yagatikhemo, Tuhan nen heinok wokhikhi logolik he, An namingmingengge Ayub he arat futfegen a, lega? ”Afuni o kweangma yi awi ti awi welagaikharek mene inobabut he an namingmingengge Ayub ebe an nebe endawirogo logolik noba lombokhogo werek andi hak he ekhe werek lek, at andi re haren wene ero lek kwelegat weaget fagain iluk an nendawimo kagalhen meneat he aren An kofologo herak nobagagi'lek noba lombokhogo mondok werek a'naga heilenggen hegen a, lega?” iluk yagatikhe.

AYUB 2:3 ပူးပေါင်းရင်းမြစ်များ

KEJADIAN 6:9

Nuh nen hilingitikhe re, yi'nogo. At Nuh againafuri ap inebe henagan mene taginafikhe. Inenu re, Sem inom, Yafet inom, Ham inom. Nen, at Nuh ebe obabut he, at Allah inom horokhogo hundik logolik, weak ekhe hilingiti'lek higithogo nek hilingiti lagaikhe. Andem sambul he, at amunek fano hilingiti lagaikhe.

2 SAMUEL 20:20

A'nogo yagatikhemo re at Yoab en ikhi logolik he, ”We ibi-eberogo nen he mondok lego! An nen hit hinawi kota ari weaget figik, wolelenggen hogo figik igin iluk he eberogo nen anggigi lego!

AYUB 1:1

O Us andoma ap ekhe enu Ayub welagaikhe. Ap andi ebe Allah ailorogo logolik, oba lombokhogo mondok welagaikhe. A'nogo logolik, wene oba mondok legengge, weak endebat iluk ogo ekhe hilingiti'lek, obabut higit mondok welagaikhe.

AYUB 1:11

Oba nen he, at angge yi mene ti mene andoma mondogat Hat helamo nen he, aren, Hat helokhoma nenat Allah hebe nabit iluk ane hombuk palogo herakhobagau hak werego,” iluk yagatikhe.

AYUB 1:6

A'nogo hilingitu kwelek, it Allah nen elalinafikhemo pogoroba welagaikharek mene nineisena Tuhan oba andogotukwama, at Iblis afuni inendawimo kagalik nikherek mene a'nogo it andi inoba kwisikhesik andoma welagaikheat.

AYUB 1:8

A'nogo yagatikhemo, At Tuhan nen heinok wokhikhi logolik he; An namingmingengge Ayub he futfegen a, lega? ”Afuni o kweangma yi awi ti awi welagaikharek mene inobabut he, an namingmingengge Ayub ebe An Nebe endawirogo logolik noba lombokhogo werek andi hak he ekhe werek lek. At andi re An nobaget fogetnafu logolik weak endephogo iluk ogo ekhe hilingiterek mondok lek.

AYUB 13:15

An nen nendawinggen mondok warikhi logolik he, a'nogo hilingisigin anggigirik hilingiti lagi. Nen, At Allah nen an pinggi noasigin anggili'lago halok ogore noasuageluk herakfagain, oba nen he an nobabut hilingiti lagi mene faget he, At elokhoma andoma nen ogo nalong palagain.

AYUB 2:2

A'nogo were'ma, at Tuhan nen, Iblis afuni inendawimo kagalik nikherek mene a'nogo mel yagatikhe: ”Hat hebe o koma nen wagen?” iluk heinok wokhasikhemo, aren he, ”An he, o kweangma yi awi ti awi neil kogolik ya lagik, ta lagik, nikhi lagarik wagi o,” iluk yagatikhe.

AYUB 2:4

A'nogo yagatikhemo, at Iblis afuni inendawimo kagalik nikherek mene a'nogo nen he, ”A'nogo egen meneat he, afuni inonggwarek inagap telagarek andi re mondok esin o. Andi nen he, afuni inebe ineluk logouwogeluk halok he, inangge yi mene ti mene re elok herakfisagarego.

AYUB 9:17

Aren wene yi'nogo ti'nogo lek kwelek oba nen enggin-fenggin ekhe inom noba fugunem, an nebe sogoi hokho mene anggele'ma al perelogo nobagaikhemo welagi.

AYUB 9:20

An nen tiphogo nek hilingiti logolik weak ekhe hilingiti'lek iluk ikhi lagiba nen nambeba nen he agaumsek mene wulibi weri'lago. An nane igin iluk nambeba nen ikhi lagi mene andoma re, At Allah weaget fikhi logolik hakhogonek ikhi lagi.

MAZMUR 26:1

Tuhan neisena, an he nendawinggenma nen mondok higithogo welagimo re, Haren katokhogo nek hilingnobagain o. An he Tuhan hoba nek nendawimo eberek mondok logolik he, we endebengge iluk ogo nendawinggen ekhe pire pare ili'lago mondok lek.

MAZMUR 37:37

It afuni inobabut enago lioksek mene andi, hobuk inebe ineluk logolik fano logogun andi nen he, afuni inobabut weak hilingiti'lek higithogo nek hilingitarek mene andi re, hineil woginafi logoino o.

MAZMUR 41:12

Nen an nebe it naselei mene nen mabenet nobagagu lek halok he, andiba Haren an hendawi hundik hilingnarek welagen mene a'nogo nelu asigin o.

AMSAL 11:8

Ap fano hilingitarek mene andi re inoba nonghonghogo hilingi'mo telogo fisikherek, afuni weak hilingitarek mene andi re yi enggin ti enggin inoba agu mondok welagaikharek.

AMSAL 13:6

It afuni ekhe higithogo hilingiri'lagwi mene andi, inobabut higithogoat hilingiri'lagwi andiba re, fano higithogo ferinarek werek andi. Nen, it ekhe inobabut weak mene re, weagat hilingitarek andi nen he, afuni inebe weak hilingisogo fisikherek.

AMSAL 14:2

Ap higithogo hilingitarek mene nen he Tuhan Allah faget inailo anggikhi logolik legeisogo fagarek, oba nen ap higithogo hilingitarek lek mene nen he At ebe sebelogo fagarek.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

AMSAL 16:17

Ap higithogo hilingiterek mene re weak mene agaiseraterek, ap ineluk werek mene faget fut fikherek mene andi re at ebe eluk a'nogo halogo fakhikherek.

YOHANES 9:3

at Yesus nen he, mel yagaisasikhe: ”Ero ap yi inom, eisena agaisa inom, weak hilingitukwaba eilenggen mum ta'lagaikhe fuk. Athe, Allah nen ap yi higitunem afuni nen ineilenggen haluk, At Allah nen hilingiterek mene inelu asuageluk ta'lagaikhemo o,” iluk yagaisasikhesik,

FILIPI 3:12

Menere, an yogondak ya, nendawinggen mondok wurik agik, ebe fano mene andi arat heligik, igi fuk. Oano. Fano mene andi an heloageluk, Yesus Kristus nen nebe wo'nafikhe andi nen, ebe hela lageluk nomamerogo hilingiti lagi.

YAKOBUS 1:12

Hit ekhe Iblis nen hinendawimo kagaligeluk yi enggin ti enggin hinoba fugu kwelek, hinafe morogo logogun halok, hinendawimo hinagaiyekhogo logoguno. A'nogo hinafe morogo logogun halok, Allah nen he, ”An nebe hinendawi mene halok hineluk mondok logogun mene wokhisagain o,” iluk, abok yaganisasikhe a'nogo hit hinobabut palogo nenat wokhisagain o.

1 PETRUS 1:7

Emas onggo hokho palharek mene andi, ’Fano a? Weaga,’ iluk endu oba obabut palharek andi hak, Allah nen he, ”It inendawinggen an noba eberogoat himbirik werega? Lega,” iluk, enegat asuageluk anggugunem hinoba yi enggin ti enggin hikhi lagep andi. Emas andi re, we tulemat lek asigin meneat he, ebe esin he, hinendawinggen Allah oba eberogoat himbirik welagep andi aro. Hit hinendawinggen at oba himbirik logogun halok he, aren hinobabut palhi logombik Yesus Kristus weinamhogo lakfei wesigin andi sambul, fogethinafik, agaugwethinafik, esinethinafik, igino.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.