AYUB 19:7 - Allah Wene Fano Wene Hupla Inane

⁷ An weak noba ari'lago andi nenahalok, iluk nane hokhorogo kwe igirek meneat he, afuni ekhe nen nane futnobagau re elo'lek. Wene higithogo pilingisogo leget fagarek mene andi faget nane kweti lagi meneat he, afuni ekhe nen nane inesanggo holi'lagwi lego.

AYUB 19:7 ပူးပေါင်းရင်းမြစ်များ

AYUB 10:3

Haren ebeti logolik he, An nonggwarek nenggi nen elalhi mene ari re enggin-fenggin oba fou higit obaat fikhi lagi iluk anggikhi logolik hilingiti lagen a? Nen it ap weak hilingiri'lagwi mene inoba re Haren fanot fisikhi logolik meneat.

AYUB 16:21

Ap ekhe we it inagaila'lak eberogo mene nen inendawi fanoba inebikhit agaikharesik telinafarek hak he, we At Allah amu nen enek At onggwarek elokhoma nenat nebikhit a'luk nili wo'nabuak agwi!

AYUB 21:27

Eberogo nen hiren wenggelhi lagep mene andi re an ogo nelurek, nen hiren an noba weak mene fouwogeluk wenggelhi lagep mene andoma ogore, an ogo nelurego.

AYUB 30:20

Neisena Allah o, an he Hat hoba nane kwetunem he, Haren nane onggo yaganeti lagen lek, nen an samban hoba ugunem he Haren futnobagakhi lagen lek.

AYUB 30:24

Ap inebe mondogat alomat la'luk logolik, yi mene ti mene hilingisu elo'lek were'ma inendawi neelep agwi, iluk anggikhi logolik werek kwelek oma re, nenahalok Haren enggin mene nek it inoba lagen?

AYUB 30:28

O selek le'ma mondok mum hikhaksek werek kwelek he, kwe lagik-wagik ikhi lagi, an nebe it afuni hokhorogo kabokse'ma inelokhoma menla'luk lebetnea'ni iluk yagaisugu welagi.

AYUB 34:5

At Ayub en ikhi logolik he, ”An noba weak mene ekhe werek lek, oba nen he, At Allah nen an noba katukhogo mene re yi iluk wo'neri'lago lek.

AYUB 40:8

An fano igi mene, iluk hoba nonggologo re, An higithogo hilingitirek mene andi seramet fanhendik, Wene weak ikhi lagen, iluk yaganeti lagen a?

AYUB 9:24

Kweang yi re At Allah nen it afuni kwanirogo hilingitarek mene inoba wogisasikhe, nen it ap wene katokhogo pilingitarek inap hakim omanogo re Aren ineilenggen pukhogo fisikhe. Nen At Allah nen hilingi'lep lek halok he, ap sa nen ekhe hilingi'lep anggegep?

AYUB 9:32

We At Allah andi afuni higit logoumo re an nen at oba onggo yagasilesik he, nemberegat wene katukhogo pilingitarek oba omanogo nit ninom minggirik welago mene andi faget pilingisogo leget nisoageluk kwi lelo.

MAZMUR 22:2

Allah neisena, an neisena Allah re Hat hebe welagen, nenahalok Haren oboget neegen nogo? An nen Henu hombuk palhi lagiba nen he, Hat hebe yatma logolik nane hesanggo holhi lagen lek?

MAZMUR 22:3

Neisena Allah, o linggene re an nane humeti lagi, oba nen he Haren nane onggo yaganeti'lek aloksek mondok welagen, nen o hubanggo samban hoba yagaheti lagiat, oba nen nendawinggen hambugili'lago legat.

YEREMIA 20:8

Hundik-handik an nane igiluk he, ”Inanini mene nek! Mondok enggin tungsek mene nek!” hilinglagunem, ningginik-ningginik he nane omameba hum ngai eti lagi. Tuhan neisena, an he Haren ino iluk ugu mene omanogo yagaisikhi lagiba nen, an hundik-handik puliapnafik, li'norogo hilingnobagagik ugu mondok werego.

RATAPAN 3:8

An lebetnabuageluk neneik yabati logolik kinoti lagiba nen Allah nen an nane esanggo holu re abit.