AYUB 18:8 - Allah Wene Fano Wene Hupla Inane

⁸ At eisok anggwe folelogo wepsek meneba filik laga logogin, nen at onggwaregen elema ke'nok ikhi logogin,

AYUB 18:8 ပူးပေါင်းရင်းမြစ်များ

ESTER 3:9

Nen neisena haren hendawinggen enggin hafu lek halok he, it afuni andi inebe mondogat leget fisoageluk wene melalogo wilabin. Nen neisena haren ambi an hamingmingengge wene hoba igi mene andi fano anggaluk hilingitu halok he, an hamingmingengge nen he neisena haren mene hangge yi mene ti mene fikhi lagen mene omanogoba perak mene re 340.000 kilogram en kwelakhesi wesigin.” iluk yagatikhe.

ESTER 6:13

Lagaikhesik he aren agwe inom agaila'lak inom inoba re wene agaikhe mene omanogo mondogat tindelisasikhe. A'nogo tindelisasikhemo it at agwe inom nen agaila'lak inafe hebelek inap omanogo inomen ikhi logolik he, ”Hun Mordekhai andi re, Yahudi agun hilingik enggere haren at sebelogo fou lek hak, aren hat halong legaphogo hobagau hak. Nen eberogo nen he aren hat homame leget hobagau hak andi,” iluk yagatukwa.

ESTER 7:10

Andi yagaisasikhemo re, iren hun Haman a'nogo e hilingik hun Mordekhai warogo fuguba iluk fougetikhe mene a'nogoba paku warogo fei lagaukwa. A'nogo hilingitukwama nek he raja a'mage lagasikhe mene a'nogo lombuk isikhe.

ESTER 7:5

Andi isikhemo raja Ahasyweros nen ratu Ester oba heinok wokhikhi logolik he, ”Andi re ap sa nen ambong serogo hilingisu hak nogo? Nen ap andi re ebe koma werek?” iluk heinok wokhasikhe.

AYUB 18:9

eisok unggut yetfet ugunem he at ebe elema ke'nok ikhi logogin.

AYUB 19:6

A'nogo anggikhi lagep halok he, wene yi futfeni. At Allah nenat yi enggin ti enggin noba fikhesik, heina su elema kwalharek andi hak, At elonggoma nobagaikhemo welagi o.

AYUB 22:10

A'nogo nek hilingiti lagen andiba re, it hat sen habuogeluk haningisogo kwelakhafunem he, ferekhogo aremnogoat hat hendawimo hailo mene asi weri'lago andi.

AYUB 5:5

It ineabumo inangge yi mene ti mene yakfakhaluk enggen palogo fugu mene omanogo re, it ap inamburu ouwak inelokhoma hoporek mene nen inenggi abisak helaluk nunggu welagik, Nen gandum e alok agayo anggelekwe yago mene ogore, it ap sumburu nele mene andi nen felelenghogo nunggu welagik, ikhi logogun o. Nen, it inangge mene andoma inom, yi mene ti mene inenggi werekhogo werek mene andoma inom he, it ap, ninangge yi mene ti mene logoilebe, iluk anggili'lagwi mene andi nen ineilenggen lourek mondok logogun.

MAZMUR 35:8

It inoba a'nogo asigin iluk wenggelek le'ma ferekhogoat inebe weagerinabi wesuak. It inonggwaregen yebet fakhili'lagwi mene andoma bene inebe lugut lagik, saluk igik, ikhilik lambik ineiloak lek akhoak.

MAZMUR 9:15

Andiba re, an nen it afuni Yerusalem mene inelokhoma nen Hat fogethafi logogin. Haren an nagap telnafi logogin oba re, an nagaiyegen foget fakhikhi logogin o.

AMSAL 29:6

Ap higithogo hilingitarek mene re inagaiyek oba fanorogo welagaikharek, oba nen he ap inanini weak mene re inaweak oba inonggwarek yebet fakhagarek.

AMSAL 5:22

Ap weak mene nen aweak hilingiterek mene andi re onggwarek faget wephogo fakhili'lago.

YESAYA 24:17

Hit kweangma welagep mene mondogaren hinesanggo holini o! Elema ke'nok ugun mene inom, yebet lasugun mene inom, hinoak leigesugun mene inomen nenangot hinafu werek.

YESAYA 24:18

Ap inoak leigeti logolik heise lagaikharek mene re sapnaba alperelaga logogun, nen ap sapna ambisangma agu mene andi re hele yepse'ma ke'nok ikhi logogun. Meiso hokho mene re pogoroba nen pelabi wesigin, nen kweang timuk warek mene re leik waririm eti logolik abolok igin.

YEHEZKIEL 32:3

Yi afuni ti afuni inunggulenu lombok andoma kabogesugun sambul andi re An nen hat su ikan kwalharek asu meneba kwalhobagambik it ap inunggulenu andi nen litharek esanggoma hobagai wulibi wesuageluk herakfisagain.

1 TIMOTIUS 3:7

Nen, ap Allah againafuri kwelaginarek logogun mene andi, it afuni endakwe mene nen abok weak pali'lagwi mene menfogoin halok, at ebe inendawimo sebelfuluk ineilenggen inabithogo kwelakhigik, paik hele fugunem ke'nok ikherek hak, Iblis nen endawimo kagalimbik ebe fakfigik inogo iluk, abok fano ili'lagwi mene halok menfogoino.

1 TIMOTIUS 6:9

A'nogo meneat he, afuni nen he, ”Esin uang andiat,” iluk inendawinggen tulemet fuluk he, o wurep oba yi weak ti weak hilingiri'lagwi andi, ero andi aro. It ekhe nen uang andi mene herasuogeluk, inendawinggen Allah oba himbirik welagaikharesigenat he, herakfisaluk hobuk eba salukhogo waragarek hak, it inonggwarek inendawimo wiik-weakhogo hilingiri'lagwi andi. Andi nen he, afuni ekhe nen, ”Yi mene ti mene hokhorogo helaluk ninebe kain logoilo e,” iluk anggili'lagwi andi re, paik hele fugunem ke'nokhogo wa'lagarek hak, Iblis nen inendawimo kagalhunem, yi mene ti mene inamolo anggogoin lek meneat he, weagerinabigin mene inamolo iluk anggili'lagwi andi nen he, inebe weaget fakhigik, nonget fakhigik, agarek andi.

2 TIMOTIUS 2:26

A'nogo komorinafunem, at Iblis endawimo anggikherek mene hilingiti logouwageluk inebe paik hele fugunem ke'nok ikherek hak ke'nok uba nen, hobuk inobabut hebelumo Allah nen fikhalogo wulakfisagain aro.