AYUB 18:4 - Allah Wene Fano Wene Hupla Inane

⁴ Hawene weak andiba re honggwaregen hebe ouap erikhi lagen. Hat hendawimo anggikhi lagen mene andoma higit asuageluk o kweang yi lek agik, o tom oma higilogo lagik igin anggikhi lagen a?

AYUB 18:4 ပူးပေါင်းရင်းမြစ်များ

AYUB 13:14

An he nebe mondogat wa'lasigin anggigirik hilingiti lagi andi.

AYUB 14:18

Hobuk tom ekhema-ekhema mondogat sinuk-sanakhogo lobaget fisigik, nen tom hokho helep isa meneba himbirik mene ogo werek oba andoma nen higilogo lakfigik igin werego.

AYUB 16:9

Allah aniniba an nagap mondok pil-palhogo nobagaikhe. Nen, At a'mageba an eil kwelakniugu werek.

AYUB 18:3

Nenahalok haren nit wam sapi ninom higirapninafi logolik, it he, ap kembu mene hak anggikhi lagen?

AYUB 18:5

Wene ebe weinamhogo re, ”Ap kwanirogo hilingiri'lagwi mene andi inaesage re ombak-bak eti'lek welagik, nen inagandou amulok he ibilagi'lek welagik, ikhi logogin.

AYUB 40:8

An fano igi mene, iluk hoba nonggologo re, An higithogo hilingitirek mene andi seramet fanhendik, Wene weak ikhi lagen, iluk yaganeti lagen a?

AYUB 5:2

We ap mondok kembu mene nek he, inendawi ou ikhi la'luk wa'lagaikharek andi.

YESAYA 54:10

Tom-tom andoma inom punu-punukwe andoma inom leigesigin oba nen he, An nen hit nendawi hundik hilinghinafu aple andi palfagain mondok lego. Hinendawimo serogo hilinghinobagagin o, iluk wene isigi mene andi re An nen obokhigi'lek fago mondok logogin o,” iluk Tuhan hat hebe endawi hundik hilinghabi'lago mene a'nogo nen ikhe.

YEHEZKIEL 9:9

A'nogo igimo nen Allah nen onggo yaganeti logolik, ”Afuni Israel mene inom, Yehuda mene inom he, weak mondok hokho mene hilingiti lagaikha. Iren o ekhema-ekhekma afuni inoati logolik o Yerusalem yi mondogat weaget faga. Iren ikhi logolik An Tuhan nen o kweang yi re mondogat herakfisigimo re, niren hilingiti lago mene omanogo re eilenggen nisili'lago lego, ili'lagwi.

YUNUS 4:9

A'nogo isikhemo, At Allah nen he, ”Hat he hele ari faget hendawimo weak a'luk logou re lek meneba nen hilingiti lagen o,” iluk yagatikhemo, at Yunus nen he, ”Nenahalok lek nogo? An na'mage lagau obaat lagaikhemo re, nebe wa'lasigin namolo o,” iluk yagatikhe.

MATIUS 24:35

Pogot inom, kweang inom, legasigin meneat he, an nane andi legasigin mondok lego,” iluk yagaisasikhe.

MARKUS 9:18

Munggwarengge obabut weak mene andi endawimo kuluk he, ebe kweangma tamakhogo pelafunem ambelekwe wesilagap peterogo aik himbirogo, enggi eisok ning pururumhogo wa'lari'logo. Andi nen he, hat hagoromi hane wanharek mene yoma nen henegeisogo wulabuageluk inayonggo figi mene re, iren ninggi'nogo henegeisogo wulabu heat hilinglaga,” iluk yagatikhe.

LUKAS 9:39

At andi munggwarengge obabut weak mene endawimo kwi wagaresik he, enggi eisok senap kolukhogo hilingiti logolik wesilagap ambelekwe sararuphogo hilingitik, ngai ilik-ilik kweangma talorogo pelafik, ikhi logolik he, yenggerek andi endawimo nen munggwarengge obabut weak mene andi hela wulifi'legat logolik ebe weaget fili'logo.