AYUB 18:18 - Allah Wene Fano Wene Hupla Inane

¹⁸ O selek oba omanogo nen at a'nogo silogo o mum oba wulak fisagain, ap ineluk logogun oba omanogo nen at a'nogo hambokhogo hugisagainat.

AYUB 18:18 ပူးပေါင်းရင်းမြစ်များ

AYUB 10:22

O hik weak hilingi'mo mondok nong-hongsekma andoma re, o selek werek oba nen he selek a'nogo mum hangge hilingi'mo andoma lagain,” iluk ikhi laga.

AYUB 11:14

Hat hendawimo weak werek mene andi leget figik, hat haiba oma nen kwanirogo hilingiti lagen mene andi herak fisigik in o.

AYUB 18:11

It ap kwanirogo hilingiri'lagwi andi re, inabel fena-fena inamel-mel aple nek hilingigen he youk lagaikharek, nen it laga logolik he inamel-melhogo nek lagaikharek.

AYUB 20:26

Angge yi mene ti mene andogoterek mene omanogo mondogat he wolelenggen tagalogo legasigin, at inom nen at eisok erokwe mene inom he endu afuni nen nonggalharek lek meneba nagain.

AYUB 20:8

At ebere afuni inabi wokhaluk longgo ikherek a'nogo hak, nen hubanggo inabikanggoba hagarek a'nogo hak longgo ugunem he,

AYUB 27:21

Sielu mo ero fikhit en funha waga logolik he at ebe ailoba were'ma omanogo nen funhogo waluk lagarek.

AYUB 27:23

At ebe watu mene a'nogo faget he afuni nen agaiserogo inenggi tabetarek. Ekhema-ekhema nen he at a'nogoba inane weak oba fagarek,” iluk sikhe.

AYUB 3:20

Afuni yi enggin ti enggin hikhi logouwagaluk, tagaisogo sele'ma fisagarek andi ninggi'nogoluk nogo. Inendawimo mondok weak logouwagaluk, ineluk taginafarek andi nahalok nogo.

AYUB 5:14

O lingge werek kwelek meneat he, it ineilmo re hubanggo higit hilinglagunem he, inenggi ya fak ta fak hilingitarek andi.

AMSAL 14:32

Ap obaharo weak mene alomat lakhagain andi re onggwarek aweak oba, ap fano hilingiterek mene inili waganogo logogun andi re it fano hilingisugun oba.

DANIEL 4:33

Wene a'nogo yagatu kwelegat hilinglagaikhemo re ebe agaikhe. At ebe afuni inoba nen mugusogo lakfesukwama, engga wam sapi nen ninggerek andi hak ninggi lagaikhe. A'nogo nunggu werek kwelek, meiso henanggikil pogoroba nen ebene wasi pi wagik, esi hugubi esi hangge uan-awan hilinglagik, enggi a'lip sue pim enggi a'lip hangge hilinglagik, isikhe.

DANIEL 5:21

At ebe afuni inoba nen mugusogo wulakfisasukwama, obabut wam obabut hangge hilinglagaikhe. At ebe wam keledai maro mene inom enggama andoma welagik, sapi nen engga ninggerek hak ninggik, hilingiti logolik, enda'ma nogo ugu mondok were'ma henanggaluk pogoroba nen ebene sali pi waga lagaikhe. A'nogo welagaikhesigen, aren ikhi logolik, Ap inenupogot logolik afuni ferinarek welagaikharek andi re, at Allah Lego Mondok welagarek mene enggiba welagaikhare'ma higi. A'nogo enggiba logolik Aren, At andi hak ebe raja logouwak, iluk anggikherek higithogoat ebe kain inoe raja logouwageluk menfisikhere'ma higi o, iluk ambeba nen fakhogo isikhe.

YUDAS 1:13

Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.