AYUB 18:14 - Allah Wene Fano Wene Hupla Inane

¹⁴ At ebere awi sabu sale'ma omanogo abolo'lek were'ma nen hambokhogo waluk he, wa'lagu mene inoe enupogot a'nogoba waganogo elokhoma omanogo fei wagama werek.

AYUB 18:14 ပူးပေါင်းရင်းမြစ်များ

AYUB 11:20

Oba nen he ap weak hilingitu mene re, it faget leberinabu mene ekhe werek le'ma re, inendawi suk-sakhogo logolik kwelakhiikhi logogun. It he we weak-weak wa'la'lo ago iluk we misik andi faget enek nenangot hikhi logolik logogun,” iluk isikhe.

AYUB 15:21

Weak mene ane inesanggolema houwakhogo kwili'lagunem he, fano welago heaba were'ma nen he it ap hinatarek mene omanogo ferekhogo inoba kwi waga logogun o.

AYUB 18:6

Awi sabu sale'ma esage ibilik mene a'nogo re nagul-nagul kwikhi logogin, lampu oak ombak-bakhogo werek mene a'nogore ekhe inom selegabeti logogin lek.

AYUB 20:25

At ebe tok watfoumo re oba oumo asigin, tok ambisang werelek kabuk enggeba re at ebe agaukhwe furulhogo wasumo re at endawimo ailo mene oba asi wesigin.

AYUB 24:17

Ap ariginik mene andi re o wei ugu halok he ailo mondok, oba nen he o mum oba re inailo mondok legat andi,” iluk isikhe.

AYUB 27:18

Ap kwanirogo nek hilingitarek mene inawi re agelesangge eluk-elugengge awi wuriksek le'ma weak-weak forogo lagarek andi hak tendelogo lili'lago, o we elama faget aben o sabu wutarek hakhogo wurik.

AYUB 41:34

Aren he, wam, mene, sue, paik, yi mene ti mene fano logolik, endawimo fogerakhikherek mene mondogat he, endawimo nen sebel fisikherek enek. Andi nen he, wam maro mene inom, mene olo mene ekhe inobabut weak mene mondogat he, inoe kain mene raja re at amuat welagarek andi,” iluk yagatikhe.

AYUB 8:14

Yo omosi lekhogo eil sakho meneba endawi tebet fikherek, kimalin agalesanggeba wurogo endawinggen yamuk ikherek.

AYUB 8:22

It afuni hat inambit hafarek mene re inenggali a'luk nit sebelek mene hak anggogoin, nen it afuni weak hilingitarek mene inaiba andoma re mondok meisalisamo legasigin,” iluk isikhe.

MAZMUR 112:10

Ap weak hilingitarek mene nen ineilenggen haluk he ina'mage lagaluk, ina'makwe heren inaik kilit mati logogun. A'nogo hilingiti la'luk it inebe legasi logoin, iren inendawimo eberek logogun mene omanogo re mondok-mondogat legasi lagain.

MAZMUR 55:4

It afuni naselei mene nen an noasuogeluk nanggomo palik nikho andi inom, nen it afuni weak hilingitarek mene nen enggin mene noba fili'lagwi andiba inom, an nendawinenggen mondok fit lari'lago o. Iren he an noba enggin mene nek hilingnobagali'lagwi, it ina'mageba re an ninom weim palek mene hilingnobagali'lagwi o.

AMSAL 10:28

Ap fano mene re endawinggen eberek logogin a'nogoba ambisangma tip ugunem agaiyek asigin, Ap ina'mage weak mene re inendawimo eberek logogun mene a'nogo we alomarogo hilinglasumo legasigin.

AMSAL 14:32

Ap obaharo weak mene alomat lakhagain andi re onggwarek aweak oba, ap fano hilingiterek mene inili waganogo logogun andi re it fano hilingisugun oba.

IBRANI 2:15

nit afuni ninebe ta'lagoresik nineluk logolik, wa'lasugun ninailo nen ninenggi hele warek hangge welagagu mene fikhalogo ninobagagik, igeluk, nit wa'lagorek mene ninobabut waganogo wa'lagaikhe andi.