AYUB 17:9 - Allah Wene Fano Wene Hupla Inane

⁹ Ap higithogo hilingitarek mene inom, nen ap weak hilingitarek lek mene inom, nit At Allah endawimo agaiyek anggikherek higithogo welago iluk, it inebe werek mene faget ekhe inom omamet fakhikhi logouwak.

AYUB 17:9 ပူးပေါင်းရင်းမြစ်များ

KEJADIAN 20:5

At Abraham onggwaregen ikhi logolik he, he ari re an nagot ikhe, nen at he andi onggwaregen ogo re, an he Abraham agot ikhe andi nen he, wene andi faget an nendawinggen fanoba weak hilingiti fuk iluk anggikhi lagi o,” iluk yagatikhe.

2 SAMUEL 3:1

It a'nogo asi lagaukwama nen he afuni it Saul ebikhit aga lagaukwa mene inom, Daud ebikhit aga lagaukwa mene inom, omanogo nen he weim a'nogo palfigi'legengge yafu mondok welagaukwa. At Daud fikhit mene a'nogo re inomame ekhe inomat hokho agunem he at aselei mene fikhit he maben aga lagaikhe.

AYUB 22:30

Haren weak hilingiti'lek welagik, At anggikherek mene nek higithogo hilingitik, ikhi logogin halok he, At Allah nen elok lebethiikhi logogin o,” iluk yagatikhe.

AYUB 27:5

Arigini'mo re an nen hit eberogo mene iluk u lek hak, an neluk logogin huli andi re an nen weak ekhe hilingiti lek iluk ninghikhi logogin.

AYUB 27:6

An he nendawinggenma nen ogore mondok selekse'ma re, an ogo eberogo anggaluk senek welagi mene andi re a'nogo nek senek mondok logogin.

AYUB 31:7

An higithogo hilingitarek mene andi herakfigirik, weak hilingitimo halok, athe nendawinggen weak mene nen nunggunem hilingiti lagi halok, athe weak an nenggiba nen yogot ekhe wanhi mene werek halok,

AYUB 33:9

Haren ikhi logolik he, ”An he wene ekhe taganhogo hilingiti lagi le'ma nebe nagap horek welagi. Nen An nen weak mene ekhe hilingiti mene ekhe werek lek, an nebe selekhogo welagi.

MAZMUR 11:3

Wene melalek afuni nen yi'nogo hilingi'no ti'nogo hilingi'no iluk werek mene andi furogo halfigi'legengge logoumo nen he, afuni fanorogo hilingitarek mene re ningginugun iluk nonghong u hago.

MAZMUR 24:4

It inobabut hilingitarek oba inom, inendawinggen wenggelharek oba inom kwanirek mene hilingiti'legengge werek halok inom, it inaneba hesangge hombuk palogo agarek lek halok inom, it tugwi kembu fogeratarek lek mene halok inom enek he elok kugun.

MAZMUR 26:6

An weak hilingiti lagi lek iluk enegenggerogo re nebe horaluk, wuni Hat fogethafu awuni watik,

MAZMUR 73:13

An nendawimo fano horek logogin iluk tegelikhi lagi andi re we tulemat hilingiti lagi o, weak meneba nen agaiserati lagi andi re we elalinat hilingiti lagi o.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

MAZMUR 84:7

O Baka tonggwe iringik weakwe andoma laga logolik, iren i elesi wulifukwe yenggelhigik fouwogeluk hilingitunem, attak meiso oba heilarogo pelagisa wagunem inendawimo fanorinafi lagagin andi.

MAZMUR 84:8

It inebe tom Sion Allah ebe welagarek oba, Ebe menlasi wagarek oba andoma laga logolik he, it a'nogo ekhe inom inomame agaikharek.

AMSAL 10:25

Sogoi sielu funha wagunem he ap ina'mage weak mene omanogo legetfisikherek, oba nen ap higithogo hilingitarek menere hambukhogo mondok-mondok logogun.

AMSAL 10:30

Ap inobabut higithogo nek hilingiterek mene re hobuk ineluk fano liokhogo logogun, oba nen he, ap ina'mage weak mene re it inanggweang wogisikheba andoma logogun mondok lek.

AMSAL 14:16

Ap hebelek mene nen he hundik ogal fakhikhi logolik weak mene herakfisagarek, oba nen ap kembu mene nen he ina'mage lagagu mene a'nogo hilingfuluk enek he inoba lombuk ikherek.

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

MARKUS 7:2

Lagai wagaukwasik logolik, it Yesus agoromi ane wanhi lagaukwa mene omanogo ekhe, afuni inenggibene sobalharek andi hak sobalhi'lek sumburu hesanggeat nunggunem he, ineilenggen isasukwa.

YAKOBUS 4:8

Hit Allah oba lomborogo lagep halok he, at ogo re, hinoba lomborogo wesigin aro. Hit weak hilingiti lagep mene andi, hinenggibene horogo hebisikhi logoino o. Hinendawinggen pire aksek mene andi, hinendawinggenma weak mene horogo lakfisikhi logoino o.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.