AYUB 17:5 - Allah Wene Fano Wene Hupla Inane

⁵ Suetninung ekhe ikhi logolik he, ap ekhe an ambisangma helagain anggaluk agailak inom yei liafu halok he, at hilingisigin onggore ambisangma againafuri inoba agunem hogoinat.

AYUB 17:5 ပူးပေါင်းရင်းမြစ်များ

1RAJA-RAJA 11:12

A'nogo hilingisigin oba nen he, hat heisena Daud a'nogo alisikhogo re, An nen andi hilingisigin mene andi re hat hebe heluk logogin oba re hilingisigin lego. We hat hamlogo nen melalinafi logogin oba nek he. An nen a'nogo hilingisigin o.

AYUB 11:20

Oba nen he ap weak hilingitu mene re, it faget leberinabu mene ekhe werek le'ma re, inendawi suk-sakhogo logolik kwelakhiikhi logogun. It he we weak-weak wa'la'lo ago iluk we misik andi faget enek nenangot hikhi logolik logogun,” iluk isikhe.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

AMSAL 20:19

Ap ekhe nen it ekhe inabok palhu aple inagaiyek werek mene nen he wene ekhe hinago mene sebel fou lek hak, ma re, ap ane hokhorogo yugunat ikherek mene inom he sebesu fuk.

AMSAL 29:5

Ap ekhe nen agaila'lak ekhe legeisogo fisagain iluk agaugwerasigin, oba nen he, at onggwaregen yebet fakhagain.

RATAPAN 4:17

Niren koma nen telninabi wesugun iluk nenangorogo were'ma nen enek he nineil ou eri'lago, niren he it inunggulenu misik ekhe furogo lebetnisa lek meneba nen iren lebetninabuageluk alomarogo inoba eberek logolik weri'lago.

IMAMAT 19:13

Hiren afuni hinom welagep mene, hinane ninghogo wo'nom, iluk lalinafik, inangge telogo heligik, ugun mondok lego. Ap ekhe nen onggo wo'nesuageluk yabu hilinghinobagagun mene andi, inenggi onggo wogisigi'lek sebelogo fuluk hinenggi hup misigat halok ekhe nogo ugun mondok lego.

IMAMAT 19:16

Hineisena Tuhan he, Anat andi nen, hit hinobabut hilingisugun oba nen afuni hinom welagep mene ekhe wa'lasinogo iluk, afuni hit mene ineilhanem at ekhe abok weak ilik-ilik wialogo fogoin mondok lego.

ULANGAN 28:65

Afuni inunggulenu amu mene inanggele'ma andoma nen he hit hinoba hambukhogo welagaikharek mene ekhe hilingi, logogin lek, nen hiren obalik yare nit ninonggwarek en mene ugun oba ekhe logogin legat. At hineisena Tuhan nen he hit hinoba liliap iluk hinendawimo weakhogo, hinendawi firogo, hiren hinendawimo eberek engge ekhe le'ma logouwageluk hilinghinobagagin.

1 TESALONIKA 2:5

Nit he, ninendawimo nen, yi mene ti mene ninalegat ninoba logoilep, iluk anggikhi logolik, ninaneba nen agaukhogo yagaisikhi lago lek mene andi re, hirogo hineluaro. Nen, Allah eluatma re, arenat: ”Andi eberogoat,” iluk igin andi.