AYUB 17:4 - Allah Wene Fano Wene Hupla Inane

⁴ We Haren it inendawinggen mondok abirengge mene hilingfisegenma re, iren yogondak an sebelogo nobagai nogo.

AYUB 17:4 ပူးပေါင်းရင်းမြစ်များ

2 SAMUEL 15:31

A'nogo lagakhi logolik, afuni nen he, Daud mel yagatukwa: ”Ahitofel ogo re, Absalom en, Daud nabit, noe Absalom aro, iluk uagaluk endawimo kagalhemo aro,” iluk yagatukwama, at Daud en he, samban mel isikhe: ”Neisena Allah. At Ahitofel en wene komorinafi logogin mene andi, ekhe ebe aga logoinogoluk hilingfikhi logoino o, neisena,” iluk yagatikhe.

2 SAMUEL 17:14

A'nogo yagatikhe andi, Tuhan endawimo nen he, ”Absalom mondok weak asuagen he, Ahitofel en wene ebe asigin ikhe mene andi Husai nen sebeluak,” iluk anggasikhebaat yagatikhemo, at Absalom ebe inom agoromi Israel mene mondogat inomen he, mel isukwa: ”Wene Ahitofel en ikhe andi weak ikhe meneat he, Husai nen ikhe andi nek he, fano mondok ikhe o,” iluk isukwa.

2 TAWARIKH 25:16

At Amazia nen ikhi logolik he, ”Hat he raja komotu mene logoinogoluk hobagogo re fuk! Hane lek ame. Nen hat hane igin halok he niren hebe hoasuogeluk welago,” iluk yagatikhe. A'nogo yagatikhemo re at nabi a'nogo ane lek agaikheba nen he oan ane lek agi'lek logolik he mel yagatikhe, ”An nen komothafi mene andi hol fegen leksik hun haren hobabut hilingiten mene andiba re At Allah nen hat hebe weaget hobagagiluk fik-foukhogo hilingfikhesik werek andi,” iluk yagatikhe.

AYUB 12:20

Ap inane mondok senggerogo nek agarek mene omanogo inambe to'mot fisigik, it ap yaman mene nen hebelogo wenggelharek mene omanogo henogo wanhik ikherek.

AYUB 17:5

Suetninung ekhe ikhi logolik he, ap ekhe an ambisangma helagain anggaluk agailak inom yei liafu halok he, at hilingisigin onggore ambisangma againafuri inoba agunem hogoinat.

YESAYA 19:14

Iren komo wene inendawinggen nonghongsek mene yagaisili'lagwi andoma re Tuhan nen hilingfisugunem hilingiri'lagwi. Andiba re Mesir he ap lugu-lugwi palhi logolik talo-talonggerik lagunem inonggwaregen hebak wutu meneba ineisok peikhogo waragarek a'nogo hak hilingiri'lagwi andi o.

MATIUS 11:25

A'nogo yagaisasikhesik he, o andi sambul he, at Yesus nen samban oba eisena Allah yagati logolik he, ”Allah Neisena o! Pogot kweang eisewerek menere hararo! Wene mondogat andi re, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi hendawimo hamolo anggegendigenat yagaisegen andi nen hai wathafi lagi o, Neisena,” iluk yagatikhe.

MATIUS 13:11

at Yesus nen he, ”Allah nen awe a'ma fisikherek wene andi, at endawimo hinago welagaikhe mene, hit enek he, hinelu asubagaigeluk, fakhogo yagahisagain anggasikhe meneat he, it afuni ekhe andi nek he, fakhogo yagaisagain lek, anggasikhe.

ROMA 11:8

Andi faget he Allah nen mel isikhe: ”Ineilenggen higik, inesanggo holhik, inogo iluk, inafekwe wongetfesigimo, yogondak a'nogo werego,” iluk isikhemo lisu palogo fesukwa.

1 KORINTUS 1:20

Afuni inendawimo kagalek mene andi inom, afuni yi wene ti wene ero inelu mene andi inom, afuni wene palhi logolik inane omame agaikharek mene andi inom, we, tulemat werego. At Allah nen he, ”Afuni inawene inendawimo kagalogo agarek mene andi re, afuni inendawinggen wenggelek lek mene nen agarek hak ili'lagwi o,” iluk isikhe lek nogo?