AYUB 17:15 - Allah Wene Fano Wene Hupla Inane

¹⁵ Andi nen he an neluk mondok logogin oba re koma werek? Nagaiyek ikhi logogin oba andi ap sa nen ekhe hikhe mene werek?

AYUB 17:15 ပူးပေါင်းရင်းမြစ်များ

AYUB 13:15

An nen nendawinggen mondok warikhi logolik he, a'nogo hilingisigin anggigirik hilingiti lagi. Nen, At Allah nen an pinggi noasigin anggili'lago halok ogore noasuageluk herakfagain, oba nen he an nobabut hilingiti lagi mene faget he, At elokhoma andoma nen ogo nalong palagain.

AYUB 14:19

Nen i fu hokho mene aninirogo laga logolik, helep i esanggokwe werek mene hinim warik lagik, nen meiso sogenggen mene ninggi logolik, kweang i nen waluk lagik, ikherek andi hak, afuni nen he, Hobuk yi'nogo hilinglasigin, iluk inendawimo hairogo eberek welagaikharek mene andi haren legetfisagain werego.

AYUB 19:10

Aren he, kwe fena nen noatik, fena nen noatik, mondok noatemo re elo'lek welagi. Afuni nen yi mene ti mene awi yago mene omanggen inom mondok feisalogo lakfisaluk, herakfisugunem wela'luk, sawet agarek andi hak an nendawimo nen fano asigin iluk anggikhi lagi mene mondok leget fisikhemo welagi.

AYUB 4:6

Hat hebe Allah oba lombokhogo welagen le'nogo? A'nogo were'ma, weak mene ekhe hilingiti'le'maat, hoba asuhak nogo? Hat hebe Allah oba lombokhogo welagen halok he, hendawinggen At oba himbiret fuluk, hobakheindok palagi'lek hambukhogo logou meneat.

AYUB 6:11

An nomame kiba nen neluk welagi nogo? An neluk mondok aninurogo logogin iluk ebet-ebet hilingitu mene ekhe werega?

AYUB 7:6

An nebe neluk welagi mene yi yi'nogo asigin iluk mel eberek legengge logolik weak-weakhogo nek ambisangma asi lili'lago. It afuni nen su selebeneti logolik, su selebenetungge kwaniterek mene andi re aninurek hanggeba nen he we weak-weakhogo nek lili'lago.

YESAYA 38:10

”An nen ikhi logolik, nebe umur tulem hilingik kwelek lagain andi re, nebe neluk ambisangma logogin iluk mene andem he, afuni wa'la'luk lagaikharek oba omanogo nen, legasi lagain anggigi o.

RATAPAN 3:18

An nebe nomame welagi mene a'nogo mondogat lek aga, An nendawinggen Tuhan oba eberek welagi mene a'nogo longgo ikhe.

YEHEZKIEL 37:11

Allah ane an noba ikhi logolik, ”Afuni wa'lagaikharek mene yi, ap oak andoma ebere it inunggulenu Israel mene faget ilirenggerogo hilingik. Iren ikhi logolik he nit he iringik welago, ninendawinggen wenggelek mene werek lek, nen hobuk ekhe logogun legat, iluk inane ikho wikho werek.