AYUB 16:21 - Allah Wene Fano Wene Hupla Inane

²¹ Ap ekhe we it inagaila'lak eberogo mene nen inendawi fanoba inebikhit agaikharesik telinafarek hak he, we At Allah amu nen enek At onggwarek elokhoma nenat nebikhit a'luk nili wo'nabuak agwi!

AYUB 16:21 ပူးပေါင်းရင်းမြစ်များ

AYUB 13:22

Hane yaganesumo re an nen ogo onggo yagahesigin, athe, an nane umo re Haren ogo onggo yagane'no!

AYUB 13:3

Oba nen he, an nen At Mondok Omame Hokho mene a'nogoba nane ikhi lagi. An he At eilhanem andem an nawene hilingik mene andi nalong palagain iluk hilingiti lagi.

AYUB 16:20

An nagaila'lagen noba weagerogo puliap nobagakhi logolik endo ya'nafunem he, le yakhikhi logolik At Allah nen lebetneoageluk oba yagati lagi.

AYUB 16:22

Tahun an nebe neluk logogin oba re hokhorogo werek legenggere, we eil misik taba an nebe mondogat lambik he hobuk nambotkwe wesigin lek.

AYUB 31:35

An nane ikhi lagi andi, afuni ekhe inesanggo holugun mene inebe logoilebe. An nen mondogat igi andi eberogoat igi, iluk Allah enu hombuk palogo igi o. Neisena Allah Omame Hokho mene a'nogo nen nane onggo uago Ap ekhe wene noba fili'lago mene andi nen, wene andi an neilenggen hoagaluk mondogat lisu paluago.

PENGKHOTBAH 6:10

Yi mene ti mene yogondak weregengge andoma re o attak ogo welagaikhe meneat. Ap ekhe omame werek mene faget at a'nogo hilingik iluk wene onggo lagalu elo'lek mene andi re nit mondogaren ninelu o.

YESAYA 45:9

Ap ekhe Walhasikhe ane oak sagalogo hilingiti logolik werek mene re alomat lakhogoin o, at andi re iwak kweang tangge meneba hilingik mene nen ap puguneterek mene a'nogoba ane weak ikherek andi higit werek. Kweang tangge mene omanogo nen ap waruk hilingiterek meneba ikhi logolik, ”Hat he ningginhi lagen?” iluk ekhe ikherek nogo? athe warugen ap puguneterek mene a'nogoba fanorogo pugunetu lek, iluk wene ikherek nogo?

ROMA 9:20

Eige! Nagot yi. At Allah ane ugunem, haren at ane oak lagaligin nogo? Elo'lego. Afuni nen iwak temul mene hilingitunem kweang temul andi nen he, at hilingite mene andi yagati logolik: ”Haren an yi'nogo nenahalok hilingnafen,” iluk yagasigin nogo? Elo'lego.