AYUB 16:17 - Allah Wene Fano Wene Hupla Inane

¹⁷ Oba nen he an nen nobabut kwanirogo ekhe hilingiti lek, andiba re Tuhan oba samban igi mene andi re nendawi fanoba igiri'mo re obabut enek ari'lago.

AYUB 16:17 ပူးပေါင်းရင်းမြစ်များ

AYUB 11:14

Hat hendawimo weak werek mene andi leget figik, hat haiba oma nen kwanirogo hilingiti lagen mene andi herak fisigik in o.

AYUB 15:20

It ap kwanirogo hilingitarek mene nen inagaila'lak sebelinarek logolik enggin-fenggin inoba fugu werek mene andoma re, inendawimo yegelik eti logolik enek logogun.

AYUB 15:34

Afuni kwanirogo hilingitarek mene halok he iren tagomangge mene ekhe logogun lek, nen afuni inenggi a'makwe nen helaluk inawi wutarek mene andi re endu nen altamukhogo nagain.

AYUB 16:18

Hat kweang yi, an noba wiik-weakhogo hilinglari'lago mene andoma re hinasu fuk, nen an nen wene katukhogo piling nesugun iluk kinoti lagi mene andi re sebelogo fuluk logou fuk.

AYUB 27:4

an nambeba nen neranen wene ekhe wulabi wesigin mondok lego, nen namelinggen nen ap lalinafarek awene ekhe igin legaro.

AYUB 33:9

Haren ikhi logolik he, ”An he wene ekhe taganhogo hilingiti lagi le'ma nebe nagap horek welagi. Nen An nen weak mene ekhe hilingiti mene ekhe werek lek, an nebe selekhogo welagi.

MAZMUR 17:1

Wene eberogo mene nek hilingnobagain, iluk henu hombuk palhi lagi mene andi hesanggo holnafi logoin o, Neisena Tuhan, an nendawinggen mondok pikhithogo hilingik logolik samban hoba kino yagaheti lagi mene andi re futnobagakhi logoin o.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

YUNUS 3:8

Ninggi'lek logolik he, afuni inom, wam inom, su karung mene labesugun o. Labesimbik he, afuni inebe lombok inobabut weak hilingitik, it ekhe inendawirinafi'lek weagarinafik, agarek mene andi herakfisaluk, ninane ninelagaik ninaneba Allah ayonggo fouwogo.

1 TIMOTIUS 2:8

Nen, o yi awi ti awi samban ikhi logolik, it aben he, inenggi nen ekhe weak hilingiti'lek, ina'mage lagagi'lek, wene palhi'lek, tegelek mondok logolik, samban ikhi logouwageluk, yagaisagain iluk nendawimo namolo anggigirigen yagaheti andi.