AYUB 15:31 - Allah Wene Fano Wene Hupla Inane

³¹ Aren we elama meneba endawinggen tibet fuluk logogin halok he, at ebe onggwaregen lalogo fakhagain andi, nen aren onggo ambisangma helagain mene ogore at oba agu mene ekhe logogin lek.

AYUB 15:31 ပူးပေါင်းရင်းမြစ်များ

AYUB 12:16

At Allah andi re, mondok omame logolik along-palonghogo werek! It ineranhogo wene lalinafarek mene inom it lalogo fisagarek mene inom mondogat he At omame a'ma nek werek.

AYUB 31:5

Nen, an nen afuni neranen wene lalinafik, weak inoba hilingisogo figik, igirek mondok legaro, iluk hombuk palogo igi o.

AYUB 35:13

At Omame Lego werek mene a'nogo eilenggen isigi'lek, esanggo holhi'lek werek kwelek he, iren inane omameba kweri'lagwi mene andoma re we alomarogo kwetu werek.

AYUB 4:8

An nelu re, afuni nen yabu waganogo, awi weak mene yatunem, hobuk ebe weak meneat tatik, palhik, agarek hak, weak hilingitunemat wene weak mene inoba agarek andi, nelu o.

MAZMUR 62:10

Afuni re, we set misigam lek agagarek andi higit welago, afuni inenu werek mene inom, inenu lek sebelek mene inom he we higit elo'lek enek welago. Nen, inebe enggin walisamo nen he mondok inagut siserek lagou hak, set misigam furogo lagarek andi endep ekhe enggin hak oba nen, it inagut he se fulung falangsek logou hago.

AMSAL 22:8

Ap awi weak mene yasigin halok he ambisangma re enggen weak meneat paligin, hobuk at omameba yagaisikhi logombigen mondogat legasigin.

AMSAL 24:20

It inobabut a'nogo hilingitarek mene andoma re it inerembul oba inom, ineluk hobuk logogun mene inom ekhe logogun mondok lek.

YESAYA 44:20

A'nogo hilingiri'lago mene andi re wul age nenggarek andi hakhogo hilingiri'lago. Ap andi re onggwarek weakhogo wenggeli'lago andiba lalfakhugunem he at oba lebetha lekhak ari'lago. Aren he e alik waganogo enggiba werek mene andi re lalnabi'lagongge werek iluk he fut fili'lago lek.

YESAYA 59:4

Hiren wene ero lek kwelek hinane hokho a'luk katokhogo hilingiti'legengge aiyo wurogo eneti lagep. Hiren he, hineranhogo wene ikhi logolik, ebe lek mene omanogoba himbirik welagep, hiren ap amu mene alomarogo fisogoin iluk wenggelogo figik, hinaniniba nek hilingitik, hilingitu welagep.

YEREMIA 37:9

An Tuhan nen hat heluabet fikhi lagi yi re, hat honggwarek hebe lalogo ap Babel mene re mondok-mondogat lagaikhanggere hobuk inambotkwe wesugun lego iluk wenggelhi lagen andi re wenggelu fugo. It he eberogo nen nekhengge wesugun.

HOSEA 8:7

An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.

YUNUS 2:8

It afuni ekhe tugwi kembu ebe lek meneat fogerati logouwogeluk, hoba lomborogo welagi'lek herakhobagaluk wulifukwa andi.

GALATIA 6:3

Mene re, hat ekhe henu lek logoligat he, ”An kain,” iluk, hendawimo nen anggikhi lagen halok he, honggwaregen lalikhi lagen andi.

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.