AYUB 15:21 - Allah Wene Fano Wene Hupla Inane

²¹ Weak mene ane inesanggolema houwakhogo kwili'lagunem he, fano welago heaba were'ma nen he it ap hinatarek mene omanogo ferekhogo inoba kwi waga logogun o.

AYUB 15:21 ပူးပေါင်းရင်းမြစ်များ

2 RAJA-RAJA 7:6

Andi re Tuhan nen ap tentara Siria mene inoba, ap tentara esa hokho logalek misik, kuda ba inom kereta ba inom lagaluk afuni inoasuogeluk lagunem ineisok abolok ikherek hak inesanggo holuageluk hilinginafikhe andi nen, it inesanggoma a'nogo holhukwasik he, inendawimo nen mel anggasukwa: ”Afuni Israel mene inoe raja nen inom, afuni Het mene inoe raja nen inom, Mesir mene inoe raja nen inom, inagoromi tentara mondogaren nit ninoasuogeluk inayonggo fikhemo ninoasuogeluk weri'lagwi higi,” iluk anggasukwa.

ESTER 7:6

Andi isikhemo Ester en onggo ikhi logolik he, ”Hun Haman anini mondok weak agun ari re nit ninaselei mene logolik, nit ninoasigin iluk hilingiri'lago mene werego!” iluk yagatikhe. Andi isikhemo at Haman a'nogo nen endawimo ailo inom-inom hun raja inom at raja agwe inom kwelagisasikhe.

AYUB 15:24

Enggin mene andi re raja mondok along mene hakhogo, inoasi kwigin iluk fik-fouksek logolik werek.

AYUB 18:11

It ap kwanirogo hilingiri'lagwi andi re, inabel fena-fena inamel-mel aple nek hilingigen he youk lagaikharek, nen it laga logolik he inamel-melhogo nek lagaikharek.

AYUB 18:14

At ebere awi sabu sale'ma omanogo abolo'lek were'ma nen hambokhogo waluk he, wa'lagu mene inoe enupogot a'nogoba waganogo elokhoma omanogo fei wagama werek.

AYUB 20:21

Aren mondogat nunggu sambul he omanogo ekhe figi'lek mondogat ninggi laga. Ap inoba re enggi werek welaga mene a'nogo re aninurogo welagi'lek weak-weagat lek aga laga.

AYUB 22:10

A'nogo nek hilingiti lagen andiba re, it hat sen habuogeluk haningisogo kwelakhafunem he, ferekhogo aremnogoat hat hendawimo hailo mene asi weri'lago andi.

AYUB 24:17

Ap ariginik mene andi re o wei ugu halok he ailo mondok, oba nen he o mum oba re inailo mondok legat andi,” iluk isikhe.

AYUB 27:20

I fu founalogo sebeli wagarek hak inailo mene oba asi weri'lago. Sogoi o hubanggo waga logolik he funhogo lisogo waluk lagarek.

MAZMUR 92:7

Afuni morue mene nen he futfou lek hak, afuni kembu mene nen he wenggel hare elo'lek.

AMSAL 10:24

Ap higithogo hilingiterek mene re inendawimo inamolo anggagarek mene higithogoat helogoin, oba nen he, ap ina'mage weak mene andi re mondok inailo nen inamelmel eterek mene omanogo helogoin.

AMSAL 28:1

Ap inanini weak mene andi re it ekhe nen muginarek lagi'le'maat heise lagaikharek, oba nen he ap higithogo hilingiterek mene re mene singa nen hilingiterek hak inafe hibilik hebelekhogo nek welagaikharek.

YEREMIA 6:26

A'nogo hilinglaga andi nen, At Tuhan nen againafuri faget mel ikhe: ”Hit hinaselei mene nen hinoasugun mene andi re, hit hinobakhe palek were'ma hinoasi wesugun andi nen he, hinasu karung su laberogo wulkwe limbik lambak laga logolik, inagainafuri manggusa mene wa'lagunem, fong watu logolik le mondok weakhogo agaikharek andi hak, li le aga logoino o,” iluk ikhe.

IMAMAT 26:36

Nen, It hinagaila'lak ap hinaselei mene nen hugisa lamo logogun mene andoma re, An nen inailo mondok hokho mene hilingfisamo e engga sogoi en fun hugunem abolok lelok ugungge faget he inailo nen heise wulifi logogun. It afuni inaselei mene hinera'lu horokhogo werek lek oba nen ogore, it inaselei mene nen weim oba mukhinarek wagunem hak hit hinailo nen yawarilik laga logolik longgo ikhi logogun.

1 KORINTUS 10:10

Nen, afuni it mene ekhe nen pou iluk lagaukwama re, malaikat pogoroba mene inoaterek mene Allah nen lakfei wagaikhemo, afuni inebe hokhorogoat inoatikhe andi hak, nit ninoasinogo iluk, pou-pou enek ugun lego.

1 TESALONIKA 5:3

Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.

WAHYU 9:11

Nen, it andi inoe kain enupogot ferinarek welagarek mene malaikat kweang a'ma welagarek mene a'nogo, at enu re, nit ninaneba, weagerinaferek u hak, it afuni Ibrani mene inaneba re, enu Abadon igik, nen, it afuni Yunani mene inaneba re, Apolion igik, agarek mene a'nogo yethigi.