AYUB 14:5 - Allah Wene Fano Wene Hupla Inane

⁵ Afuni inebe lombok umur inenggi yi huli logogun, iluk andi re Haren wenagaisogo fesiginmo werek, tugi huli taba foleligin iluk andi re tukhumhogo fesiginat, ap misigen iluk ogo huli warek mene andi taganhogo ineluk ekhe inom logogun mondok lego.

AYUB 14:5 ပူးပေါင်းရင်းမြစ်များ

AYUB 12:10

Aren enek yi mene ti mene ineluk werek mene andoma faget halogo fisikherek, afuni inebe nineluk welago mene andi re, at omame a'ma nek welagorek.

AYUB 14:14

A'nogo meneat he, nit afuni re, wa'laluk hobuk ninambotkwe ineluk agaikharek nogo? Hobuk ineluk asugun logoumo re, an yoma noba weak welagi yi hobuk fanotnabigin iluk hundik-handik kagalek mondok logoile.

AYUB 16:22

Tahun an nebe neluk logogin oba re hokhorogo werek legenggere, we eil misik taba an nebe mondogat lambik he hobuk nambotkwe wesigin lek.

AYUB 21:21

Ap ekhe kweangma ineluk wela'luk wa'lasugun halok, Aren at onggwarek eisok erokwe mene faget ninggi'nogoluk inoba eberek logou hak nogo?

AYUB 7:1

Nit afuni andi re afuni inomameba hilingi'ni, iluk yagaisugunem hilingitarek hakhogo wiik-weakhogo welago. Nit nineluk welagorek mene andi re ap ekhe onggo helagain iluk yabu nek hilingitu mondok welagarek higit welago.

MAZMUR 104:29

It Haren elalinafigin mene andi, Hat helokhe kwani ugunem he, inailo mondok agarek. Nen Haren set it mene andi wanhunem he, inebe mondok wa'lagaikharek. Inebe kweang aling mene nogo nen he, inambotkwe kweang alingat agaikharek.

MAZMUR 104:9

I andi hetokhogo, huli warek mene afane wulibinogoluk, ambotkwe lagai waga logolik, kweang sebeli wesinogoluk, huli warogo fesigin.

MAZMUR 139:16

An nagaisa alabutmo nen, nebe oan werek kwelek, Hat heilenggen neasigin, An hilingnafigin mene andoma mondogat he, Hat hambuku ba lisu palogo fesigin. An nebe elalnafi'lek logolik, An neluk ti huli nen logogin iluk andi re Haren yi mene ti mene misik iluk ogo oan elalhi'lek logolik mondogat wenagaisogo fesiginmo welagi.

MAZMUR 31:15

Oba nen he Tuhan neisena, Hat hebere an neisena Allah welagenma re, an he Hat hoba nek eberek mondok welagi.

MAZMUR 39:4

Nen an nendawimo enggin hokho mene fitlasi weri'lago. Hilinglagu mene a'nogo wenggelhagain iluk hilingitunem he, nendawimo ekhe inom enggin mene nek asi weri'lago, a'nogo nek agu nen he ambisangma an nen ikhi logolik he,

PENGKHOTBAH 3:2

At Allah nen he, At ebe o ti sambul ta'lasuwak, nen, ti sambul wa'lasuwak, anggigik. Nen, yi mene ti mene, o ti sambul awi yasuwak, nen, ti sambul ero henogo wulakfisoak anggigik,

PENGKHOTBAH 8:8

Ap misik ekhe nen wa'lagu mene faget oanma iluk senfigik, higilogo fei lagik u lek hak, Andi re afuni mondogaren inebe lombok hogoin enek hilingi'mo re, We ineranen wene agarek oba inom henarogo wene agarek oba inom, wa'lagaikharek mene andiba nen ogalogo la lek hak.

DANIEL 11:36

Raja utara fikhit mene a'nogo nen he, at endawimo anggikherek mene nek hilingiti logogin. A'nogo hilingiti logolik awonok oba aren ikhi logolik he, ”Dewa amu mene ogo werek oba nen, Allah Mondok Lego mene andi werek oba nen, an enek he mondok hokho nagun welagi o,” iluk ikhi logogin. Aren a'nogo ugu mondok were'ma nen he Allah anini a'nogo mondogat wurep kobok i lagain. Andi re Allah nen hilingisigin iluk foukhogo fikhe mene andi re mondogat asi lamo nen asigin.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

DANIEL 5:26

Wene ebe re, yi'nogo hilinglasigin mene faget: Wenakhigik, iluk palek werek andi re, ”Noe haren ferinarek logolik welagen mene a'nogo re Allah nen wenatesik arat wure'ma elugun warogo fikhemo werek.

DANIEL 5:30

A'nogo yagaisasikhesik were'ma, o hubanggo andi sambul, it afuni Babel mene inoe raja Belsyazar a'nogo ebe watukwa.

DANIEL 9:24

Inenggi yi teng ti teng kofokhogo wenatarek hak, 7 kali 70 tahun logogun andi ebe re, Afuni hat hinom hinunggulenu misigat mene hinebe o kota Allah onggwarek awi hat were'ma andoma logolik, Allah ane sagalogo hilingitik, weak hilingitik, ikhi lagep mene andi, Allah nen herakfisigik, sagalogo legetfisigik, higithogo hilingitu mondok logouwageluk esinet figik, ugunem he, Yi'nogo hilinglasigin, iluk habikanggo oba yethegen mene andi ebe agik, Allah onggwarek awi tegelek mondok welagaikhe mene weaget fesukwa mene andi hobuk fanot figik, igin mene faget, Allah nenat huli warogo fesikhesik hobuk ebe andi huliba hilingisigin mene faget hegenma o.

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

KISAH PARA RASUL 17:26

At Allah nenat, yi afuni ti afuni o inawi lombok logouwageluk, o hulithigik, Tahun yiba logombik, tiba lek asuak, iluk hulithigik, endawimo tak anggasikhesigen, yi afuni ti afuni inunggulenu lombok mondogat wialarik loageluk, eroba re, ap misigat ekhe elalhikhe.

IBRANI 9:27

Nit afuni misigam faget wa'lagunem en, hobuk wene ninoba figik, kotik, igin iluk, at Allah nenat isikhe andi hak,

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

WAHYU 3:7

A'nogo yaganetesik hobuk yaganeti logolik he: ”An weak hilingiti'lek, tegelek logolik, nane eberogoat enek igirek mene nen kwe hutarek mene Daud mene waluk kwe huti halok, afuni ekhe nen yagasugun elo'lego. Nen, kwe yagati halok, afuni ekhe nen husugun elo'legat mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Filadelfia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino.

1 SAMUEL 26:10

Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.