AYUB 14:18 - Allah Wene Fano Wene Hupla Inane

¹⁸ Hobuk tom ekhema-ekhema mondogat sinuk-sanakhogo lobaget fisigik, nen tom hokho helep isa meneba himbirik mene ogo werek oba andoma nen higilogo lakfigik igin werego.

AYUB 14:18 ပူးပေါင်းရင်းမြစ်များ

AYUB 14:17

Haren an weak hilingiti mene sagalogo legetfisambik, su unggum warogo fagarek andi hak, endamat weak hilingitigi mene andi sebelogo feino o, neisena.

AYUB 14:19

Nen i fu hokho mene aninirogo laga logolik, helep i esanggokwe werek mene hinim warik lagik, nen meiso sogenggen mene ninggi logolik, kweang i nen waluk lagik, ikherek andi hak, afuni nen he, Hobuk yi'nogo hilinglasigin, iluk inendawimo hairogo eberek welagaikharek mene andi haren legetfisagain werego.

AYUB 18:4

Hawene weak andiba re honggwaregen hebe ouap erikhi lagen. Hat hendawimo anggikhi lagen mene andoma higit asuageluk o kweang yi lek agik, o tom oma higilogo lagik igin anggikhi lagen a?

YESAYA 40:12

Ap sa hagen i laut yagamaksek mene ari enggi agut oba ilirenggerogo walesu hak nogo? Athe pogot honggolek kweang honggolek tulem oma enggi si misik oba walesu hak nogo? Ap sa nen kweang oma enggin walhugu meneba walesu hak nogo? Athe tom inom punu inom obabut palhagarek meneba palu hak nogo?

YESAYA 54:10

Tom-tom andoma inom punu-punukwe andoma inom leigesigin oba nen he, An nen hit nendawi hundik hilinghinafu aple andi palfagain mondok lego. Hinendawimo serogo hilinghinobagagin o, iluk wene isigi mene andi re An nen obokhigi'lek fago mondok logogin o,” iluk Tuhan hat hebe endawi hundik hilinghabi'lago mene a'nogo nen ikhe.

YESAYA 64:1

Tuhan neisena, pogot heal hambik he hebe pime o, tom-tom andoma re Hat helokhoma nen erak kwerak isoageluk hilingfein.

YEREMIA 4:24

O tom-tom uandek omanogo inom punu punukwe omanogo inom neilenggen yethugunem he, mondok wesa polanhogo yelandi-kwelandit hugunem higi.

MATIUS 27:51

Wa'lagunem, Allah awi wuri'mo su kain mene o senggelek ti'mokwe palek welagaikhe mene a'nogo tulem heirogo pelangerik pi wagik, lugul langethigik, helep heirogo kagalagik, isikhemo re,

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

WAHYU 6:14

pogot andi re, lisu palek yinggilik mene andi hak, yinggilogo legagik, tom unggul inom, i enggen kwe inom, welagarek kwe omanogo lombogen higilogo amumu lagunem yethigik, ugunem yethigi o.

WAHYU 8:8

Andi hak, at malaikat attak ambinggong anet hasikhemo nen, hobuk at ekhe ambinggong anet hugunem he, tom hangge hokho mene ekhe endu amulok wulifunem he, hambokhogo i laut yenggele'ma pelabi wagunem, i laut inom, Allah nen elalhikhe mene i laut elonggoma welagarek mene inom, kapal hokhondek mene inom, andoma mene henagan oba minggilogo fuluk, pire herakfikhi logolik, ekhe weagetfugunem he, i elokhonggen mep agik, yi mene ti mene ima mene ekhe wa'lagik, kapal weagerogo figik, ugunem yethigi o.