AYUB 14:13 - Allah Wene Fano Wene Hupla Inane

¹³ An nebe afuni wa'la'luk lagaikhare'ma andoma hinakfanino o. Hat ha'mage lek agi'lek werek kwelek, hawe a'ma hinakfanino o. A'nogo meneat he, hobuk an noba ebesigin oba huli warogo fembik wene wa'ne'no o.

AYUB 14:13 ပူးပေါင်းရင်းမြစ်များ

KEJADIAN 8:1

Allah nen a'nogo inoati logolik, at Nuh ebe inom, wam, sue, paik, yi mene ti mene inom, kapal a'nogo elema kwisukwa mene inom, enek he, inoba inonggot agi'lek eberek mondok welagaikhesik, Allah nen sogoi funhoageluk hilingitikhemo, funhikhi logolik, i a'nogo pi wesigiluk isikhe.

AYUB 14:14

A'nogo meneat he, nit afuni re, wa'laluk hobuk ninambotkwe ineluk agaikharek nogo? Hobuk ineluk asugun logoumo re, an yoma noba weak welagi yi hobuk fanotnabigin iluk hundik-handik kagalek mondok logoile.

AYUB 7:9

Ohena nen elokhe mumetha wagaresigen palogo lek agarek andi higit, afuni andi ogore mondogat wa'lagunem he nekhengge sugulogo inaiba wesu lek hak. It afuni at enggawerogo logogun mene omanogo nen ogore at oba ekhe ebethogoin mondok lek.

MAZMUR 106:4

Tuhan neisena, Haren it hagainafuri inobaget mondok fano aple nek hilingfisikhi lagen a'nogoba an ogo ebetneano o, nen Haren it hagainafuri andoma inagap telhi logolik halok he an ogo telnabino aro.

KELUARAN 12:23

A'nogo watfuluk were'ma, nineisena Tuhan afuni Mesir mene inoasigiluk eilenggen kogolik waga logolik, domba amep hit hinaiba kwe ambe fana-fena e liabek meneba inom, e kwe ambe ambolkwe meneba inom, warek were'ma eilenggen haluk he, hit hinaiba ogalhisaluk pikhit laga logolik, malaikat afuni inoaterek mene hit hinaiba hinoasi kwigi'lek pikhit loageluk yagasigin o.

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

MARKUS 13:32

At Yesus nen a'nogo yagaisasikhesik wene ekhe mel yagaisasikhe: ”Hilinglasigin andi, o yi sambul, jam tiba hilinglasigin iluk, nit mondogat ninonggot enek. It malaikat Allah nen yonggo pelakfisa wagarek mene omanogo inonggorat. Nen an nebe at Allah amlogo meneat he, nonggoraro. We an neisena alegat elu o.

LUKAS 23:42

hobuk, at Yesus mel yagatikhe: ”Noe e! Hat kain henupogot logoigeluk waga logolik, an noba ebe'no o,” iluk yagatikhemo,

KISAH PARA RASUL 1:7

Yagatukwama re, aren mel yagaisasikhe: ”Wene egep andi, an neisena eiseweregen anggasikhe higithogoat hilinglasigin andi nen he, hiren he, Huli ti huliba logombik hilinglasigin, iluk hinelurogo logogun elo'lego.