AYUB 14:10 - Allah Wene Fano Wene Hupla Inane

¹⁰ A'nogo meneat he, afuni inebe wa'lagunem he, mondok-mondok lek agaikharesik he, koma lagaikha heat longgogarek andi.

AYUB 14:10 ပူးပေါင်းရင်းမြစ်များ

KEJADIAN 49:33

At Yakub en againafuri wene a'nogo yagaisasikhesik he, nogo ikhi lagaikheba weing lagaikhesik ebe arat wa'lagaikhe andi.

1 TAWARIKH 29:15

Nineisena Tuhan, Hat he mondogat helu o, nit ninambu ninombalak hakhogore nit ogo nineluk welago yi re ap pok hakhogo inom nogoukmo lagaikharek hakhogo inom welago. Nit nineluk yi re afumagengge attak hilinglagu mene wenggelhagarek andi higit hilingi'mo re, wa'lagu meneba nen hobuk ineluk asu lek hak.

AYUB 10:18

Nenahalok Haren an o kweangma yoma ta'lasuageluk hilingnafigin? Afuni ineilenggen oan niigi lek kwelek wa'la'le'ma nen he fano agi!

AYUB 11:20

Oba nen he ap weak hilingitu mene re, it faget leberinabu mene ekhe werek le'ma re, inendawi suk-sakhogo logolik kwelakhiikhi logogun. It he we weak-weak wa'la'lo ago iluk we misik andi faget enek nenangot hikhi logolik logogun,” iluk isikhe.

AYUB 13:9

At Allah nen hit hinebeba kwelakhisamo nen he, hit hinebe fanore'ma hisa haga? Afuni lalinafarek hakhogo hiren Allah lalumo higira?

AYUB 14:12

afuni inebe wa'lagaikharek he andi higit aro. Andi nen he, wa'lasimbigen hobuk ineluk asugun lego. Pogot lek agi'lek werek kwelek, menlasugun legaro. Nogo ugu were'ma hobuk inelugerinabugun legaro.

AYUB 14:9

oba nen he, omanggen i min meneba lagaresik, hobuk asimit fulelogo engga weinam agarek.

AYUB 19:26

An nagap arat weaget nobagagin meneat he, hobuk wurep oba nareagun selokhogo Allah elokhoma lamo eilenggen hagain werego.

AYUB 20:7

wulage sogoiyen furogo lagarek hak at ebe mondok-mondok legasigin. A'nogo legasumo it afuni ap andi inelu logogun mene nen heinok wanhi logolik he, ”Yago at a'nogo re koma laga?” Ikhi logogun.

AYUB 3:11

An nebe nagaisa alabutmo nen waregengge ta'nafik, nen nendawinggen lebekhogo wa'lagik, uwem, ta'lagagi andi nenahalok he?

AYUB 3:13

Andem sambul an nebe wa'la'lesik lelema nen he, nabolok lek logolik set walikhi logouwem agwi,

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

AMSAL 14:32

Ap obaharo weak mene alomat lakhagain andi re onggwarek aweak oba, ap fano hilingiterek mene inili waganogo logogun andi re it fano hilingisugun oba.

PENGKHOTBAH 3:20

Nit andi ninebe ero misik, kweang alolong engge mene hilingi'mo re, kweang alolong enggeat hilinglagaikharek. A'nogo agaikharesik niret iret ninebe pirenet enggere obalik we misi'moat lagaikharek.

PENGKHOTBAH 3:21

Nit afuni ninebe wa'la'luk ninareagun selokhogo kwe ponggwe lagogorek, nen, it wa'la'luk inareagun selokhogo kweangma pagarek, iluk nit tukumhogo ninonggoro.

MATIUS 27:50

A'nogo isukwama, at Yesus hobuk ane misik oba hokhorogo isikhesik he, arat lebekhogo wa'lagaikhe.

KISAH PARA RASUL 5:10

A'nogo yagatu kwelek aremnogoat Safira a'nogo abisagat Petrus era'lu talorogo lagaikhesik ebe wa'lagaikhe. Wa'lagaikhesik were'ma, it ap alage omanogo kwisukwasik, ineilenggen hasukwasik he, ebe warek waluk agun warek sali lagaukwaba era'lu sali lagaukwa.