AYUB 14:1 - Allah Wene Fano Wene Hupla Inane

¹ At Ayub en he, Allah mel yagatikhe: ”Afuni inebe inagaisawi inalabutmo nen ta'la'luk he, inebe ineluk horogat logolik, enggin-fenggin hokhorogoat hugu welagaikharek.

AYUB 14:1 ပူးပေါင်းရင်းမြစ်များ

KEJADIAN 3:17

A'nogo yagatikhesik, Tuhan nen ap a'nogo mel yagatikhe: ”Hat he, hagwe ane holhendik he, E enggen na fuk, iluk wene palhi mene a'nogo nenggen andi. A'nogo hilingiten andi nen, kweang yi arat homan tekhogo figi o. Yabu set kwil-kwalhogo kweangma mene waganogo nen ninggi logogin.

KEJADIAN 47:9

Heinok wokhasikhemo, at Yakub en he, ”An hamingmingengge yi, o fuluk pugulogo nikhi logolik, huli yogondak nebe umur 130 tahun welagi. An nombalak o pugulogo nikhi logolik inebe umur uanat welagaukwa andi, an welagirek mene emberek walhamo re, an mondok wiik-weakhogo nikhi logolik, nebe umur horogat welagi o, noe,” iluk yagatikhe.

2 RAJA-RAJA 4:19

A'nogo lagaikhesik were'ma, aremnogoat ane hokhorogo eisena mel yagatikhe: ”Eige, an nunggul ou e, nunggul ou e!” iluk yagatikhe. A'nogo yagatikhemo, eisena nen he, amingmingengge mene ekhe mel yagatikhe: ”Yenggerek yi agaisa wogosi lan o,” iluk yagatikhe.

AYUB 10:20

We horok eil misik wela'luk he wa'lasigin hilingi'mo re, an namu nek logoiyogen heraknobagani, nenggi we endebengge yaba fanorogo logoiyogen he.

AYUB 15:14

Afuni andi re weak hilingiti'legengge ekhe werek anggegen? Weak hilingitarek enek. Ap ariginik mene andi Allah elokhoma fanot fisa hak nogo a?

AYUB 25:4

At Allah eilhanem he afuni ekhe inaweak lek mene mondok fanorogo nek logou hak anggegen a?

AYUB 25:5

At Allah eilhanem tugi re eil seleksek lek. Nen hesagalenggen he eil mumsek.

AYUB 5:7

Lego! We, endu enggen talelogo inoba lagarek andi hak, afuni ta'lagaikharesik oba nen yi weak ti weak andi inoba agarego.

AYUB 7:1

Nit afuni andi re afuni inomameba hilingi'ni, iluk yagaisugunem hilingitarek hakhogo wiik-weakhogo welago. Nit nineluk welagorek mene andi re ap ekhe onggo helagain iluk yabu nek hilingitu mondok welagarek higit welago.

AYUB 7:6

An nebe neluk welagi mene yi yi'nogo asigin iluk mel eberek legengge logolik weak-weakhogo nek ambisangma asi lili'lago. It afuni nen su selebeneti logolik, su selebenetungge kwaniterek mene andi re aninurek hanggeba nen he we weak-weakhogo nek lili'lago.

AYUB 8:9

Nit nineluk welago mene arem he mondok horokse'ma re, yi'nogo ti'nogo iluk inom mondok ninonggot. Nit nineluk welago mene andi re inafumagengge palogo lagarek a'nogo hakhogo welago.

AYUB 9:25

Linggene an neluk welagi yi re, afuni kwe funget hagarek hak ferekhogo nek lagunem he, we nagaiyek endep ekhe higi'le'ma longgo nek i lili'lago.

MAZMUR 39:5

”Tuhan neisena, an nebe neluk welagi mene yi huli kiba werek iluk nelu asuageluk he, an nebe kiba legasigin andi yaganom o,” iluk ikhi lagi.

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,

MAZMUR 89:47

Neisena Tuhan, henggi miren oba hinago logombigen weinam asigin nogo? Hat ha'mage endu amulok lagaikherek hangge lagali'lago mene andi henggi miren hak logombigen lek asigin nogo? Neisena.

PENGKHOTBAH 2:17

Andi faget he ineluk welagaikharek andi ambisangma an nobaget ekhe werek lek, amu mene ogo legat. Mondogat andoma re we alomarogo hilingi'mo re an he sogoi murok laga-lagi.

PENGKHOTBAH 2:23

At eluk logolik ninggi'nogo hilingisigin meneba, oba enggin mene inom, endawimo ou mene inom kwikherek. O hubanggo meneba nen ogore inendawimo wenggelhi logolik he fenggek-fenggek enek ikherek. Arigini'mo re mondogat andoma re we alomarogo nek hilingik.

YEREMIA 20:18

Nenahalok an ta'nafa nogo? An wiik weakhogo hikhi logolik, nendawinggen warikhi logouwageluk ta'nafa nogo a? Nen, an nebe neluk welagi mene yi nenggali-penggalirogo hugu wela'luk loageluk ta'lagagi hea?

MATIUS 11:11

Halok he, an nane eberogoat yagahisak. Afuni mondogat inagaisalagen taginabik wagaukwa meneat he, inenu we endep hak werego. Meneat he, at Yohanes ima pelaginaferek mene andi nek he, enu lego werego. A'nogo meneat he, at Allah awe a'ma fisikhere'ma andoma, at Yohanes enu endep hak meneat he, it afuni ekhe inenu lek mene andi re inenu legoat werego.