AYUB 13:26 - Allah Wene Fano Wene Hupla Inane

²⁶ An nebe souge logolik weak hilingiti lagagi mene omanogo faget Haren onggo noba fegen. An nebe neluk welagi mene yi nambisangma asi loageluk he nendawimo mondok heiselek mene foukhogo fegen.

AYUB 13:26 ပူးပေါင်းရင်းမြစ်များ

1RAJA-RAJA 17:18

A'nogo wa'lagaikhemo, at he sogwe mene a'nogo nen Elia mel yagatikhe: ”Allah amingmingengge yi. An yi'nogo hilingnafen andi nenahalok? Allah nen an weak hilingiti lagi mene weinamhogo fak ugunem herakfisamo an neak ebe wa'lasuageluk noba wagen andi nenahalok?” iluk wenagetikhe.

AYUB 20:11

At ebe agap eluk logolik oba re along palonghogo werek oba nen he, we horok yogondak ya at ebe kweang age mene asigiluk werek.

AYUB 3:20

Afuni yi enggin ti enggin hikhi logouwagaluk, tagaisogo sele'ma fisagarek andi ninggi'nogoluk nogo. Inendawimo mondok weak logouwagaluk, ineluk taginafarek andi nahalok nogo.

AYUB 9:18

Aren an eil misik set waloageluk hera'nobagali'lago mondok lek. Aren aleweak mene mondogat hil-halhogo noba fugunem welagi.

MAZMUR 25:7

An nebe souge logolik naweak hilingiti mene inom, kwanirogo hilingiti mene inom, Haren leget nobagambik he, Hat hobabut fano logolik, hendawi hundik hilingiti lagen andiba an noba ebetniugu nogo.

YEREMIA 31:19

Niren Hat herakhobagaluk mondogat wilifugu meneba nen Haren komotninafi lagen andiba re, niren hilingito mene andi faget ninendawimo warikhi lago. Haren nit unggum wo'nisegenma re nit ninendawinggen heiselhu nen ninunggul wamborogo welago. Nit ninebe alageba nenat weak hilingiti lagoma re, nit ninenggali nen sebel fakhogosik welago o, nineisena,” ugunem holhi.

YOHANES 5:14

A'nogo hilingitukwasik oba nen, hobuk at Yesus Allah awi wuri'mo ap a'nogo emberek ambi agaukwasik he, mel yagatikhe: ”Neisena. Yogondak hat hoba arat fano agen andi re, hobuk weak hokho mene ekhe hoba asinogo nen he, weak mene ekhe hilingitun o,” iluk yagatikhe.

YOHANES 5:5

A'nogo nenangorogo welagaukwa mene ap ekhe re, ou warek werek kwelek 38 tahun hilinglagaikhe mene inom inebe andoma wengik were'ma, Yesus eilenggen hasikhesik he, ”Ap yi endamat en yi'nogo welagare'ma higi,” iluk eilenggen enegat hasikhesik he, mel yagatikhe: ”Neisena. hat fano hilinghasigin hamolo a? Habira?” iluk yagatikhemo,

RUT 1:20

A'nogo isukwama, at Naomi nen he, ”Nendawimo hai higirek mene u hak, an nenu Naomi iluk yaganeti logogubo. An he, Nineisena Allah Omame Mondok Hokho mene a'nogo nen he, nendawimo mondok alepalerogo hilingisogo nobagaikhemo wagi andi nen he, nenu Mara iluk yaganeti logoino.