13 Andi halok he an nane igin mene andi ambisangma ninggi'nogo asigin andi hilingik kwelek he, an nane igin enggere hinane legengge logoni.
An neluk welagiba re mondok nabit ari'lago. A'nogo logolik nendawimo anggikhi lagi mene andoma mondogat wulak fisikhi logogin. Nendawimo a'nogo weakhogo logolik alepalerogo hikhi lagi mene andem nambeba nen mondogat wulakfisikhi logogin.
Hiren komo wene ikhi lagep mene andoma re wul age mondok weak mene omanogo hangge hilingik, nen hiren hinonggwarek hinili helikhi lagep mene andoma re kweang tangge mene hilingik engge misigam halokhogo lagarek hakhogo hilingik.
Nen, hiren hinane a'nogo ikhi logou le'ma re, hit hinebe re ap hebelek mene angga hak.
Hit anggegep mene andoma ubagaigen he po'logoni o, an nane mondogat igi halok enek he hiren li'notnafi lagep mene andoma ubagaigo!
Andiba re, an nane legengge logou lek hak! Nendawimo heiseli'lago mene inom, ale palerogo hikhi lagi mene inom arem faget he sebelha mondok elo'lek agunem he, an nane wulagaisogo nendawimo anggikhi lagi mene andem wulakfisa waga lagi andem.