AYUB 12:9 - Allah Wene Fano Wene Hupla Inane

⁹ It inebe mondogat andoma inanggele'ma nen he, Allah nit ninebe elalninafikhe mene iluk anggagarek enek.

AYUB 12:9 ပူးပေါင်းရင်းမြစ်များ

KEJADIAN 1:20

Hobuk Allah nen he, mel isikhe: ”Yi mene ti mene ima ineluk logogun mene inom, yirue-tirue inesi yinik-hunik kweang honggolek pogot honggolek tulemkwe tarogo nikhi logogun mene inom mondok hokhorogo hilinglasuago,” iluk isikhe.

AYUB 12:3

An ogore, ap nendawinggen werek nagun hilingi'mo re, hiren mondogat egep mene andoma re an ogo mondogat futfigiat. Nen, andem he sa onggoren iluk ikhi lagep? We, ninelu nek. Ariginikmo re, hiren anggikhi logolik, athe maben hak, nen nit he lego welago u lek hak!

AYUB 12:8

Eluk-elugengge kweangma yoma werek mene inom ima werek mene inom oba heinok wanumo mene ogore, iren wene ebe yi'nogo iluk yagahisogoin weregat.

AYUB 13:1

Mondogat andoma re an nonggwarek neil hasigisik, nesanggo mel holhigi mene o, nen ebe yi'nogo iluk andi re mondok futfesigi.

AYUB 22:18

Meneat he, At Allah nen it inenggi werek logouwageluk hilingitu kwelegat. Ibi-eberogo nen it ap mondok morue ariginik mene nen eberi'lagwi mene andi re an he futfikhi lagi lek!

YESAYA 41:20

A'nogo hilingfoumo re afuni mondogaren ineilenggen haluk he, ”At Tuhan nen hilingite o, iluk inelu aga logogun. Allah Israel mene ineisena Horek Mondok welagarek mene a'nogo nen hilingiteba hilinglaga o, iluk ineilenggen higik, futfigik, ikhi logogun o,” ikhe isikhe.

DANIEL 5:18

At Allah Lego Mondok werek mene a'nogo nen hat heisena Nebukadnezar ebe kain enupogot logouwagaluk menfesikhesik afuni at enggiba ferinarek logouwagaluk wogotik, enu hokho were'ma fogerati logouwagaluk hilingisogo figik, isikhe andi.

DANIEL 9:17

Allah neisena. An nen hayonggo figi mene inom, kino yagaheti mene inom, nane hesanggo holin o, neisena. Hawi arat weaget fisasukwa mene andi afuni mondogaren nineisena Allah ebe yi aro, iluk inelu asuakhogo re, hoba liok imbik ambotkwe fanot feino o, neisena.

KISAH PARA RASUL 19:35

A'nogo ikhi lagaukwama re, at ap wene halhunem lisu palhi lagaikhe mene nen, it afuni hokhorogo omanogo inane legetfesikhe. Legetfesikhesik he, mel yagaisasikhe: ”Hit afuni o Efesus mene yi sani. Ninombalo Artemis hokho andi awi wurik andi inom, helep horek mene pogoroba nen pi wagaikhe mene afuni-afuni ilirengge hilingiti lagaukwa andi inom, nit afuni o Efesus mene yoma fisogo welagorek andi sani inonggot nogo? Afuni o yi awi ti awi mondogat inelu nego.

ROMA 11:36

Eroba, yi mene ti mene mondogat he, at Allah nenat elalhikhemo, at enggiba welagarek. Logombik he, wurep oba, aren at hilingisigin. Halok, at enek fogeratu mondok logouwogo, iluk igi andi, ebe asuak u hak, ”Amin,” igi andi.

1 SAMUEL 2:7

Nen, Haren, afuni inenggi lek hilingisogo fisigik, nen inenggi werek hilingisogo fisigik, egendego. nen, it ekhe sebelfisigik, ekhe legetfisigik, egendegaro.