AYUB 12:23 - Allah Wene Fano Wene Hupla Inane

²³ It afuni inunggulenu lombok werek mene omanogo re Aren inebe hokhorogo sagat fisigik, inangge yi mene ti mene kabokhogo nek wogisigik, hilingfisalugen he, Aren it inebe mondok wolelenggen tagalogo leget fisikherek.

AYUB 12:23 ပူးပေါင်းရင်းမြစ်များ

MAZMUR 107:38

At Tuhan nen, it inagainafuri hokhorogo wogisikhi lagaikhe. Inanggo lek agi'lek logouwageluk, eagwi sik-pikhogo wogisikhi lagaikhe.

MAZMUR 107:39

A'nogo meneat he, it ekhe nen weagarinafi logolik, yi enggin ti enggin hilinginafukwama, endebat enek ineluk were'ma,

KELUARAN 1:20

It hemi omalik tatunem leberisikhi lagaukwa mene andi, Allah inailorogo hilingiti lagaukwa andi nen, Allah nen inebe fanorinafik, iren tagongge mene wogisigik, ikhi lagaikhe. Nen, afuni Israel mene ogore, inebe mondok hokhorogat aga logolik, inomame hokho aga lagaukwa.

KELUARAN 1:7

A'nogo wa'larik lagaukwa meneat he, afuni Israel mene nen taginafukwa mene inombalak inebe mondok hokhorogo ta'larik lagunem he, inebe weak-weagat sik-pik ikhi lagaukwa. Inebe a'nogo hokhorogo hilinglagaukwa andi nen, o Mesir oba andoma it enek saga ikhi logolik inomame agaukwa.

YESAYA 26:15

Tuhan nineisena, Haren he nit ninagainafuri mene inebe ekhe inom sik pikhogo hilingninobagagik, nit ninaiba wilayah ekhe inom wogolhigik, hilingninobagasigin andi nen he Hat legeisogo hobagakhi lago.

YESAYA 27:6

Lingge hobuk wesigin meneba re it inunggulenu Israel mene andi re, e omanggen pelagaisogo fano wiliferesik enggen hokhorogo igisogo sagaikherek andi hak o kweangma yoma mondogat saga ugun o.

YESAYA 51:2

Hinambu-hinomba Abraham inom Sara inom hit takhinafa mene aremnogo inoba ebethani o, An nen Abraham ayonggo fesigiba andem he at omalik ekhe welagaikhe lek anggigi, ariginik welagaikhemo re An nen at fanot fesigisik at ambisangma mene hokho-pokhorogo hilingisogo fisasigi.

YESAYA 60:22

Nen we it afuni ineisok erokwe inebe endebengge hilingik were'ma wenagisikhi logogun oba nen, hobuk inunggulenu hokho mene asimbik inomame mene logogun, Nen inenggi ekhe higit asi wesigin oba re, An Tuhan nen weak-weak hilingisigin o,” iluk ikhe isikhe.

YESAYA 9:3

Harenat it inoba enggin mene waganogo figik, it inomoloba e ha'luk lagaikharek mene korogo figik, ikhi lagen. Haren o attak andoma ap tentara Midian mene mabenet fisasigin hak, it inunggulenu ekhe mene nen hat hagainafuri yi enggin ti enggin inoba fikhi logolik were'ma haren mabenet fisambik telinabigin o.

YEREMIA 30:19

Afuni andoma logogun mene nen he, wuniba An foget nafik, inagaiyegen inanggilugetik hilingiti logogun. An nen it inalong anggaluk legeisogo fisikhi logouwageluk hilingfisamo re, iren ekhe li'norinafi logogun lek, it inebe re ekhe inom oba louk ikhi logogun.

YEREMIA 33:22

An nen he namingmingengge Daud ambisangma mene inom, imam inunggulenu Lewi mene inom he inebe iren tagomangge mene ekhe inom sebet fisugunem he, it inebe hilingik logoggun mene re ial i laut esanggokwe welagarek andi hak inom, nen hesagalenggen pogoroba liakhugunem werek andi hak hilingi'mo inenggi wenasu mondok elo'lek logogin.

ZAKHARIA 10:8

An nagainafuri andoma re An nen wolinabimbik misi'mo andogorogo fisa wesigin. It inebe re An nen lologo fisambik attak inebe sik-pikhogo hilingik welagaukwa hakhogo hilingisogo fisagain.

KISAH PARA RASUL 17:26

At Allah nenat, yi afuni ti afuni o inawi lombok logouwageluk, o hulithigik, Tahun yiba logombik, tiba lek asuak, iluk hulithigik, endawimo tak anggasikhesigen, yi afuni ti afuni inunggulenu lombok mondogat wialarik loageluk, eroba re, ap misigat ekhe elalhikhe.