AYUB 12:21 - Allah Wene Fano Wene Hupla Inane

²¹ Ap inogogwi kaindek-kaindek omanogo Aren inenggaliet fisigik, it inebe inalong logolik inomamerogo melalinafarek mene a'nogo lisogo wanhik ikherek.

AYUB 12:21 ပူးပေါင်းရင်းမြစ်များ

AYUB 12:18

Aren he it a'nogo ineabu sebel fisigik, it inebe hele warinafik ikherek,

AYUB 3:15

athe ap raja inamlogomi nen inailoba perak inom, emas inom, mondok pete tunghogo hilingfuluk werek andoma hakhogo nabolok lek nogokhi logolik logouwem.

AYUB 30:11

At Allah nen noba lebelekhogo nomame lek mene hilingnobagaikhemo re, iren ina'mage lagagu mene a'nogo mondogat hilingisi weri'lagwi.

AYUB 34:19

At Allah nen enek it ap raja inom, inenggi werek mene inom, inenggi lek mene inom, elalinafikhemo re, Aren he it ap raja halok enek inebikhit agik, nen it afuni inangge lek mene halok herakfisikhi logolik he it inenggi werek mene halok enek elokhomarogo hilinginafik, hilingiterek lek.

MAZMUR 107:40

At Tuhan nen, it weagarinafi lagaukwa mene omanogo, inogogwi kaindek sebelogo fisasikhesik, o leimo afuni le'ma andoma, ebekwe mondok yago lekwe omanogo nikhi logouwageluk, yagaisasikhe.

KELUARAN 16:24

A'nogo yagaisasikhemo, Musa nen, yi'nogo hilingi'no iluk yagaisasikhe higithogoat, tindelagaikhe mene ohealek faget fakhikhi lagaukwa. A'nogo fugunem he, amben a'luk soborenggen figi'legat fano welagaikhe.

KELUARAN 8:2

Meneat he, haren lakfisigi'lek halok, An nen wene hinoba fembik he, yagaise mondok hokhorogo hilingisogo foumo, o Mesir elonggo yi awi ti awi andoma mondogat saga igin o.

YESAYA 11:5

Yi'nogo ti'nogo hilingiti logolik, Aren higithogo hilingitik, tiphogo hilingitik, ikhi logogin.

YESAYA 22:21

A'nogo wolesimbik su hat kain logolik labeti lagen mene inom, ban inom, andoma An nen waganogo re at puget fagain. Nen yi mene ti mene hat eiserogo logolik welagen mene omanogo waganogo re at mondogat wogosigin. At he afuni Yerusalem mene inom Yehuda mene inom faget ineisena logogin.

YESAYA 23:9

Tuhan Omame Mondok Hokho mene a'nogo nen wene andi hilingisigin iluk Arenat sikhiphogo ikhe. Aren he it inenggingge helugu meneba wonoget fakhagarek mene inom, afuni o kweangma kaindek welagaikharek mene inom, seberogo fisagarek awene andi wurep kobokhogo huli andiba leget fisagain anggikhe.

YESAYA 37:38

Linggene ekhe sambul he at ebe anggembu dewa Nisrokh eroma omanogo nen obaget hilingitunemen he, at ebe hun Adramelekh inom Sarezer inom at againafuri omanogo nen karok oba talogo watukwa. Ariginhukwasik he Esarhadon amlogo ekhe amu mene at obali'mo raja menlagaikhe.

YESAYA 40:23

Ap inalong werek mene re, iren hilingisu elo'lekhogo hilingisogo fisigik, nen, ap hokho inap he it inomame legasuageluk hilingisogo fisigik, ikherek.

YESAYA 45:1

Tuhan nen Kores raja logouwageluk wenagaisogo fesikhesik he, Aren yi afuni ti afuni inunggulenu lombok omanogo sebelogo fisigik, raja inomame werek mene inomame leget fisigik uageluk menfesikhe. Tuhan nen at obaget o kota-kota kwe ambe palek omanogo hurik lamo re, kwe sou we misik iluk ogo ekhe yagarek logogin lek. At oba Tuhan nen yagati logolik,

YESAYA 5:27

It inebe re weim yabuogeluk inoba liklouksek logolik, inaberali agi'lek, nen nogo igi'lek, nogo ineilinafi'lek welagaikharek inap.

AMOS 2:3

O Moab oba andoma inoe enggi faginarek mene inom, nen at a'ma pemerintah ba yabu hilingitarek mene inom he An nen inebe pinggi inoasigin,” iluk ikhe isikhe.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

EFESUS 6:14

Hinom yabubagaigen ikfuluk mendek logogun he, ebe re yi, mul pagaluk isu hak, wene ebe wene andiat itik, hinamik oba labesu hak, Allah endawimo amolo mene nek hilingitarek andi mene itik,