AYUB 12:14 - Allah Wene Fano Wene Hupla Inane

¹⁴ Aren meisalisugunem he, obali'mo wusu re elo'lek, nen Aren afuni hele warogo fisugu mene andi re lologo wulakfisa re elo'legat.

AYUB 12:14 ပူးပေါင်းရင်းမြစ်များ

AYUB 11:10

At Allah nen hat senhobagaluk wokharek Aren awene tegeterek oba habogari lamo nen he, ap sa hagen ambong serogo Aren hilingitunem andi kwe palu hak nogo?

AYUB 16:11

An a'nogo At Allah nen he it ap inobabut mondok weak mene inenggiba nobagaikhe, nen it ap inendawirinafi'lek inoaterek mene inenggimo kofologo heraknobagaikhe.

AYUB 19:10

Aren he, kwe fena nen noatik, fena nen noatik, mondok noatemo re elo'lek welagi. Afuni nen yi mene ti mene awi yago mene omanggen inom mondok feisalogo lakfisaluk, herakfisugunem wela'luk, sawet agarek andi hak an nendawimo nen fano asigin iluk anggikhi lagi mene mondok leget fisikhemo welagi.

AYUB 37:7

Aren enek hilingitarek iluk inelu asuageluk he, it afuni nen yabu hilingitu mene omanogo mondogat aloget fisikherek.

PENGKHOTBAH 7:13

Allah eabu hilingitu mene fanorogo futfikhi logoni. Allah nen afe kwanit fugu mene re ap sa hagen higirabesu hak nogo?

YESAYA 14:23

O Babel andi An nen i lopkobenggeri'lagoba hilingisogo foumo re sue sumu-sumu werek oba hilinglasigin. Nen o Babel he An nen mondogat horogo lakfisagain. An hineisena Tuhan Nomame Mondok Hokho mene a'nogo nen igi o,” iluk ikhe ino.

YESAYA 22:22

At he, raja Daud en tagomangge mene a'ma logolik omame hokho mene logogin. Nen aren o kerajaan omame werek mene andi faget kwe kunci enggen fisogo logogin, Aren hutu halok he it ekhe nen yagasu lek hak logogin, Nen Aren yagatu halok he it ekhe nen husu lek hak logogin.

YESAYA 25:2

Kota a'nogo re Haren mondok lilibukhogo fegen, nen o kota omame werek awi a'nogore Haren langguk-langgakhogo fegen. O istana raja ebe werek oba ap pok mene nen wuta mene a'nogo re mondogat lobakhogo pikhe, nen hobuk wuti'legat mondok-mondok logogin.

YEREMIA 51:58

O Babel oba pak leget mondok omamerogo waganek mene andoma re An nen meisalogo lakfisamo re kweang inom higirasigin. Kwe ambe palek hokho mene uanhogo wurogo liabek mene andoma re An nen mondogat endu noligin. It afuni andi mene nen yi yabu ti yabu hokhorogo hilingiri'lagwi mene andoma re endu nen nagain andi nen he alomarogo hilingiri'lagwi, iluk An Tuhan Nomame Mondok Hokho mene a'nogo nen nane mondogat igi,” ikhe.

YEREMIA 51:64

hane yi'nogo ino, ’Babel oba re yi'nogo nek hilinglasigin. O kweang yi re Tuhan nen enggin-fenggin oba fei wesigin mene andiba re mondogat ubukhogo pumo re ekhe weinam asigin lego,’ ” iluk ikhi logolik hukhano yagati. Nen at Yeremia nen ane isikhe mene elugun warogo re huli yiba.

YEHEZKIEL 26:14

An nen herakfisagain mene re we helep unggul esi lek mene misik andi nek he it ap ikan watarek mene nen su ikan su letuba faget fagain. Kota andi hobuk ekhe inom obalikwe wusugun mondok lego, iluk An Tuhan Lego Mondok welagirek mene a'nogo nen nane mondogat igi o,” ikhe.

MALEAKHI 1:4

Nen it Esau ambisangma mene o Edom mene nen ikhi logolik he, ”Nit ninawi kota mondogat meisalogo potfisaga oba nen, niren hobuk ambotkwe wusugun o,” iluk ili'lagwi oba nen ogo re, At Tuhan nen onggo ikhi logolik he, ”It inawi kota andi hobuk ambotkwe wusugun fano meneat he, an nen meisalogo potfisagain o. A'nogo meisalogo potfisamo, afuni nen he mel ikhi logogun: Afuni weak hilingitu welagaikharek mene inaiba, igik, inebe Tuhan nen a'mage inoba fikhemo werek mene o, igik, ikhi logogun,” iluk ikhe.

ROMA 11:32

At Allah nenat he, afuni weak hilingitunem inenggi hele hobuk fikhaluogeluk warogo fisagarek andi hak, afuni inebe mondogat endawirinabigiluk he, inebe mondogat aren at ane hologo hilingiti'legen honggole'ma fisasikhe andi.

WAHYU 3:7

A'nogo yaganetesik hobuk yaganeti logolik he: ”An weak hilingiti'lek, tegelek logolik, nane eberogoat enek igirek mene nen kwe hutarek mene Daud mene waluk kwe huti halok, afuni ekhe nen yagasugun elo'lego. Nen, kwe yagati halok, afuni ekhe nen husugun elo'legat mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Filadelfia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino.

1 SAMUEL 17:46

O yogondak yibaat, neisena Tuhan nen he, hat hebe nenggiba foumo, hoasimbik he, halonggop paligin o. Hat hagoromi tentara mene hinom hinebe warek sue, wam, noagaluk wogosigin o. A'nogo hilingisigin andiba, afuni o kweangma yi awi ti awi welagaikharek mene mondogaren he, it afuni Israel mene ineisena Allah fogeratarek mene andi ebe eberogoat werek, iluk inelu asugun o.

1 SAMUEL 24:18

A'nogo le agaikhesik, Daud mel yagatikhe: ”Hat weak hilingiti'lek meneat he, anat weak hilingitimo o.

1 SAMUEL 26:8

A'nogo nogogunem he Abisai nen Daud oba ikhi logolik he, ”Allah nen he o yogondak hup yiba hat haselei mene a'nogo henggiba arat fikhe yi. Enggere an nen we nenggi pireba lek oba nen he nenggi misigamat onggwarek arige ariba ebe talogo kweang inom hun feiyogen he, io hilingisin iluk in o,” iluk yagatikhe.