AYUB 12:13 - Allah Wene Fano Wene Hupla Inane

¹³ Oba nen he inendawinggen wenggelek mene inom, inomame agarek mene inom andi re we Allah oba nek welagarek. Fanorogo wenggelhalugen hilingitarek mene inom, furogo ebethalugen hilingitarek mene inom andi re At oba nek werek.

AYUB 12:13 ပူးပေါင်းရင်းမြစ်များ

AYUB 11:6

Nen, hebelogo wenggelhu mene andi re ero hokhorogo hilingi'mo re afuni nen mondok fut fili'lagwi lek iluk andi re we At Allah nen enek yagahesuak. Andiba re hat hafe hebelasimbik he, an unggum wo'nesu mene re mondok hokho-pokhorek oba nen he, we endebat yi noba fikhemo iluk anggikhi logoino.

AYUB 12:16

At Allah andi re, mondok omame logolik along-palonghogo werek! It ineranhogo wene lalinafarek mene inom it lalogo fisagarek mene inom mondogat he At omame a'ma nek werek.

AYUB 26:12

At omameba re i laut esinggen fonyalik lenggalik wagarek mene ogore elok abolok legetfikherek. Nen At endawinggen wenggelek oba inom, obabut hebelek oba inom he i laut wonoget fakhikherek mene a'nogo re wolelenggenhogo fikherek.

AYUB 36:5

Allah andi re anggiluk mondok were'ma re, yi wene ti wene mondogat fut fikherek enek, Aren he ap misik ekhe sebelek hak iluk anggikherek mene ekhe werek fuk.

AYUB 38:36

I Nil andi hobuk hetokhogo lagagin, iluk sue enu ibis andi sa nen yagatunem elu agarek nogo? Nen, o hobuk meiso nagain, iluk sue ayam ap mene andi sa nen yagatunem elu agarek nogo?

AYUB 9:4

At Allah andi re hebelek mondok logolik along werek agun hilingi'mo re, ap sa hagen, At ane sagalogo fulugen eluk mondok logou hak nogo?

MAZMUR 147:5

Nit nineisena Tuhan andi re Mondok Hokho agun logolik elalin hilingiterek mene werek, At endawi wenggelek mene andi re huli warogo fou re elo'lek.

AMSAL 8:14

Komo wene inom, walhugungge inom andoma re an noba nek werego, fut fugungge inom, inomame agarek mene inom andoma re an nobaat werek.

YESAYA 31:2

Tuhan he endawinggen hebelek logolik Aren ningginik mene hilingisigin iluk elu mondok werek. Aren he it ap ina'mage weak mene inom, ap ina'mage weak mene nen leberisagarek mene omanogo inom unggum inoba fugunem enggin-fenggin inoba agarek.

YESAYA 46:10

An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.

YEREMIA 10:12

Tuhan Omameba kweang elalogo fesikhe, ungguloak kagalek obare kweang mondogat hilingisogo fesikhe, nen awenggelek obare pogot tiaganet fesikhe.

DANIEL 2:20

A'nogo fogerati logolik yi'nogo isikhe, ”Allah andi re inendawinggen kagalek welagaikharek andi inom, inomame hokho welagaikharek andi inom, ero re At werek, andi nen he Arenek fogeratu mondok logogun!

ROMA 11:34

Wene andi faget he, lisu yi'nogo palogo fesukwama werek: ”Nineisena Tuhan endawimo ebeterek andi, sa elu? At he, sa hagen komorasigin nogo?

1 KORINTUS 1:24

A'nogo meneat he, it afuni Yahudi mene inom, Yunani mene inom, Allah nen inayonggo fesikhe mene nen he: ”Allah omame Kristus ebe andi aro. Nen, Allah awene kagalek wene, Kristus ebe andi aro,” iluk futfili'lagwi.

EFESUS 1:11

At Allah nen he, ”Yi'nogo hilinglasuak, ti'nogo hilinglasuak,” iluk endawimo anggikherek higithogoat yi mene ti mene mondogat hilingitunem hilinglagarek andi nen he, ”It inebe an nonggwarek nagainafuri asuageluk,” wenagaisogo wo'ninafikhemo re, eisewerek agagu andi.

KOLOSE 2:3

Allah endawimo wenggelek logolik, yi wene ti wene mondok elu mene andi re, at endawimo hinago welagaikhe meneat he, Kristus alegaren fakhogo yaganisikherek.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.