AYUB 12:10 - Allah Wene Fano Wene Hupla Inane

¹⁰ Aren enek yi mene ti mene ineluk werek mene andoma faget halogo fisikherek, afuni inebe nineluk welago mene andi re, at omame a'ma nek welagorek.

AYUB 12:10 ပူးပေါင်းရင်းမြစ်များ

KEJADIAN 2:7

Tuhan Allah nen kweang endebat mene ekhe enggim wanhikhesik, ap misigat ekhe pugunhogo hilingitikhesik he, set inebe inelugerinaferek mene eleage ambisang elekwe furogo kwelakfesikhe. A'nogo kwelakfesikhemo, ap a'nogo arat eluk agaikhe.

KEJADIAN 6:17

A'nogo wutfugunem, afuni inom, yi mene ti mene kweangma welagarek mene mondogat inom, inoasuageluk, An nen i fu hokho mene ekhe lakfei wesigin o. A'nogo lakfei wesumo, yi mene ti mene kweangma eluk welagarek mene mondogat wa'lasigin o.

AYUB 27:3

an nen hombuk palhi lagi andi: At Allah nen set wo'netu were'ma inom, nen an nebe neluk logolik oba andem inom he,

AYUB 27:8

At Allah nen ap obabut mondok weak mene ebe eluk faget awene umo nen he, at oba inendawinggen eberek logou mene ekhe logou hak nogo a?

AYUB 33:4

At Allah Areagun nen he an elalinafesik he, an neluk logouwageluk Omame Hokho meneba hilingnobagasikhe.

MAZMUR 104:29

It Haren elalinafigin mene andi, Hat helokhe kwani ugunem he, inailo mondok agarek. Nen Haren set it mene andi wanhunem he, inebe mondok wa'lagaikharek. Inebe kweang aling mene nogo nen he, inambotkwe kweang alingat agaikharek.

MAZMUR 104:30

A'nogo meneat he, it inoba Haren set wogisugunem he it a'nogo ineluk hilingisogo fisugunem, Haren kweangma ambotkwe ineluk ket mene hilingisogo fisikhi lagen.

PENGKHOTBAH 9:1

Mondogat hilingik mene andoma re an nen ero pilingisogo wenggel hikhi lagimo re, At Allah nen he ap fano hilingitarek mene andi inom, inendawinggen kagalek inap andi inom, nen inobabut ekhe inendawirinafarek andi inom, inabit welagaikharek andi inom mondogat andoma faget ineluk logouwageluk halogo fisasikhe. Nen hobuk yi'nogo hilinglasigin iluk he ap misigen iluk ogo ekhe elu welagarek mondok lek.

YESAYA 42:5

Nineisena Tuhan Allah nen pogot elalogo fesikhesik talogo figik, kweang ebe inom, yi mene ti mene oba fuleligin mene inom elalogo figik isikhe. Aren afuni inoba set inom ineluk logogun mene inom wogisasikhe, nen At amingmingengge mene oba re wene yi yagate:

YESAYA 57:16

An he nagainafuri inoba mondok- mondok faget weagerinafirek mondok lego, hobuk faget inom An nen na'mage inoba fikhi lagi legaro, An nenat it ineluk logouwageluk hilingfisikhi lagimo re, iren inoba lebelek a'luk hilingiti logoinogo.

DANIEL 5:23

Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

YOHANES 3:6

Nen, afuni nen taginaferek andi, afuni meneat ta'lagaikharego. Nen Allah Areagun en taginaferek andi, Allah Aregun nenat ket taginaferego.

KISAH PARA RASUL 17:25

Nit afuni mondogat he, arenat ninebe nineluget ninafik, nineleage wo'nisigik, yi mene ti mene wo'nisigik, ikherek andi nen, yi mene ti mene at elagaik iluk nit afuni nen wogosugun elo'lego.

KISAH PARA RASUL 17:28

It ekhe nen a'nogoat iluk mel isukwa: At Allah omameba ebe ninom hundik nineluk logolik, kwe lagik, yi mene ti mene hilingitik, ugu mondok welago, iluk isukwa. A'nogoat wuni ap hit mene nen mel iluk felalhukwaat: Nit mondogat he, at againafuri welago, iluk isukwa andi.