AYUB 11:7 - Allah Wene Fano Wene Hupla Inane

⁷ Haren he At Allah endawimo hinago mene inom, Aren wenggelherek mene inom andoma re hendawimo wanumo re eloga? Athe, At Allah omame mondok hokho werek mene a'nogo haren fut foumo re eloga?

AYUB 11:7 ပူးပေါင်းရင်းမြစ်များ

AYUB 22:12

At Allah andi re Lego Mondok welagarek mene At ebe re pogot inom hesagal inom he a'ma hak werek kwelek At enek he mondok legoma po'lima welagarek.

AYUB 26:14

Oba nen he mondogat andoma re At omame hokho werek mene a'nogo enek hoageluk hilingitikhemo re, we inane ling-longengge ugu mene nek nit ninesanggoma asi weri'lago. Oba nen he At Allah ebe hilingik welagarek mene faget inom, At Omame Mondok hunikhogo hilingik welagarek andi faget inom, we endebengge nek nineluo!” iluk isikhe.

AYUB 27:11

An nen he hit hinoba At Allah omame mondok hokho werek mene a'nogo yagahisigik, At Lego Mondok werek mene a'nogo nen hilingisigin iluk wenggelhe mene a'nogo hineluet hinobagagik, igin.

AYUB 33:12

Ayub ao, afuni re mondok endep kwelek At Allah andi re Ebe Hokho agun hilingi'mo re, Haren anggegendik ikhi lagen mene andoma re mondok heranhogo wene ikhi lagen!

AYUB 33:13

Afuni nen At Allahba inane yagatu mene holhi'lek hilingiri'lago andoma nenahalok iluk, haren At oba wene fikhi lagen?

AYUB 35:5

Hineilenggen pogoroba liakhambik he, o pogot anggulok walek po'lima werek andi fogera'ni o.

AYUB 36:26

At Allah ebe re ombak-bak mondok hokho mene were'ma re, afuni nen ebe yiginik agun iluk senggerogo futfou re elo'lek. Athe At welaga mene tahun yi huli iluk wenasu elo'legat.

AYUB 37:23

Nit nineisena Allah andi re eberogo omame hokho mene were'ma re, niren At horokhogo asi la re elo'lek. Aren he higithogo nek hilingitik, katokhogo nek hilingitik, hilingiterek. Aren afuni enggin-fenggin inoba fuluk sebelinarek welagarek mondok lek.

AYUB 37:5

At Allah ane miming oba re omame werek mene inom, elalin mene niren futfou elo'lek mene inom, hilingiterek.

AYUB 42:3

Haren heinok an wo'niikhi logolik, An Allah nendawimo kagalek logolik yi mene ti mene hilingitirek meneat he, hat honggot logolik, nane sebeligiluk ikhi lagen andi nenahalok? iluk heinok wo'neegen andi, hat elalin hilingiti lagen mene andi an nen futfigi'lek nonggot logolik igimo o, neisena.

AYUB 5:9

At Allah nen, elalin mene mondok hokhorogo hilingiri'lago mene andi, niren futfigik, ninenggi wenatik, u re mondok elo'lek. At Omame hokho meneba hilingiri'lago mene andoma re mondok hokho-pokhorogo hilingi'mo re legasu lek hak.

MAZMUR 139:6

Haren yi wene ti wene mondok elonggoma mene helu welagendek mene andoma re, an nen futfoumo re mondok elo'lek, an nendawimo nen wenggelhamo nen ogore wenggelogo lalek hak.

MAZMUR 145:3

At Tuhan andi ebe re mondok lego mene were'ma enu mondok legeisogo fagarek andi nen he, At andungdang werek mene andi re it ekhe nen iliresumo re elo'lek.

MAZMUR 77:19

Unggunggu ane supuk etunem he, eilabut yegelogo kweang abolok ikhi logolik he leigeterek.

AMSAL 30:4

Ap koma mene pogoroba lagagik pigik ikhe mene ekhe werek nogo? Ap andi nen sogoi enggimo yinggilogo wanhe mene werega? Athe asuba i yinggilogo wanhe mene ekhe werega, athe huli-huli o kweangma yoma mondogat filik lagaikhe mene ekhe werega? Ap andi re sa, nen at amlogore sa nogo? Eberogo nen hat he helu welagen!

PENGKHOTBAH 3:11

At Allah nenat, yi mene ti mene mondogat, O ti sambul ti'nogo hilinglasuwak anggigik, Nen Aren nit hobuk mondok-mondok logogun mene andi nelu logoile, iluk anggikhi logouwageluk hilingninafikhe meneat he, ero ba nen elugun oba Allah hilingiterek mene andoma niren fut fou re mondok elo'legat welagorek andi.

PENGKHOTBAH 7:24

Sa nen eluk ero ari yi'nogo hilingik iluk herasu hak nogo? Andi futfugu aplere mondok elonggoma hilingi'mo re mondogat elo'lek!

YESAYA 40:28

Tuhan Allah etok mondok welagarek mene a'nogo nen kweang mondogat elalhikhe iluk ugunem, hat honggorengge hesanggo holhi'lek welagen a? At he afe sogou agik, oba lebelek agik ikherek mondok lek, Aren wenggelherek mene andoma re uanhogo wenggelhere'ma re, ap misigen iluk ogo fut foumo re elo'lego.

MATIUS 11:27

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Nen, an Allah amlogo yi afuni mondogat inonggot meneat he, neisena Allah amuat enek elu welagarek. Andi hak he, an neisena Allah andi, afuni mondogat inonggot meneat he, amlogo an namuat enek nelu welagirego. Nen, Allah amlogo anenat nendawimo anggaluk neisena ebe afuni ekhe inelu asuageluk fakhogo yagaisugunemat inelu agaikharego.

ROMA 11:33

At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?

1 KORINTUS 2:10

Ninobagaikhe mene andi, at Allah Areagun en yi mene ti mene obabut palherek andi nen, Allah endawimo hinago welagarek mene andi inomat kwelakhikhi logolik, fakhogo yaganisasikhe o.

1 KORINTUS 2:16

Wene andi faget, Allah aneba lisu mel iluk palogo fesukwa: ”Nineisena Enupogot endawimo ebeterek andi re, sa nen elu? At he, sa nen komorasigin nogo?” iluk, it ap Allah ane yagaisikhi lagaukwa mene nen, lisu palogo fesukwa. A'nogo meneat he, niren Kristus endawimo ebeterek mene andi fisogo welago o.

EFESUS 3:8

Allah againafuri mene mondogat inenuwerek werek kwelegat he, an nenu lek, elo'lek mene, at Allah obabut fano nen, fano wene pilingisogo u elo'lek mene, Kristus nen wogisikherek a'nogo afuni endakwe mene yagaisilik nikhi logouwageluk nayonggo fesikhesik neabu andi wo'netikhemo welagi.