AYUB 11:10 - Allah Wene Fano Wene Hupla Inane

¹⁰ At Allah nen hat senhobagaluk wokharek Aren awene tegeterek oba habogari lamo nen he, ap sa hagen ambong serogo Aren hilingitunem andi kwe palu hak nogo?

AYUB 11:10 ပူးပေါင်းရင်းမြစ်များ

AYUB 11:9

At Allah omame re kweang talek mene ari onggoksek kwelek he mondok wuri'logo yatma andomaba hilingik. I yenggelogo tiagansek mene ari re onggoksek oba nen he mondok lang-fanghogo hilingik.

AYUB 12:14

Aren meisalisugunem he, obali'mo wusu re elo'lek, nen Aren afuni hele warogo fisugu mene andi re lologo wulakfisa re elo'legat.

AYUB 34:29

At Allah nen An nane legengge logogin iluk hilingisigin halok he, ap misigen ogo ekhe ailo legengge nenahalok hane lek welagen iluk u lek hak. Aren elokhe hinakfuluk were'ma re ap misigen iluk ogo ekhe herasu re elo'legaro.

AYUB 38:8

I laut yenggelek mondogat kweang elema nen wulibisogo yenggelhunem, i ele'lagat oba heilanghogo wulibinogo iluk sa nen sa'lip warogo fesikhe nogo?

AYUB 9:4

At Allah andi re hebelek mondok logolik along werek agun hilingi'mo re, ap sa hagen, At ane sagalogo fulugen eluk mondok logou hak nogo?

MAZMUR 31:8

Haren hendawi hundik hilingnafu mondok welagenma re, an nen fogerakhigik, nagaiyegetik, hilingiti lagi o. An noba enggin-fenggin hikhi lagi mene inom, nendawimo weak peakhogo hikhi lagi mene inom andoma re we Harenat futnobagakhi lagen.

YESAYA 14:27

A'nogo hilingisigin iluk andi re Tuhan Omame Mondok Hokho mene a'nogo nen wene mondogat tekhogo fikhe. At enggi re unggum inoba fagain iluk lego logolik were'ma re, ap ekhe nen Haren a'nogo hilingisigin lek iluk kwe palumo re elo'lek.

YESAYA 41:27

We An Tuhan nen enek he, attak-attak o Sion oba nen yagaisasigi. An nen he, ap fano wene waluk Yerusalem loageluk yonggo lakfisasigi.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

ULANGAN 32:30

Ap ebe misigat mene nen, inebe seribu mene, ninggi'nogo nen mugisikhe, Ap inebe pire mene nen he, inebe sepuluh ribu mene, ninggi'nogo mugusogo wulakfisaga, Nineisena Tuhan nen, inebe onggo palogo woginafemo, Allah omame hokho a'nogo nen, inebe herakfisikhemo.

WAHYU 3:7

A'nogo yaganetesik hobuk yaganeti logolik he: ”An weak hilingiti'lek, tegelek logolik, nane eberogoat enek igirek mene nen kwe hutarek mene Daud mene waluk kwe huti halok, afuni ekhe nen yagasugun elo'lego. Nen, kwe yagati halok, afuni ekhe nen husugun elo'legat mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Filadelfia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino.