AYUB 10:8 - Allah Wene Fano Wene Hupla Inane

⁸ An nebe yi re Hat henggi nen elalogo nobagasigin, oba nen he, yogondak Haren

AYUB 10:8 ပူးပေါင်းရင်းမြစ်များ

AYUB 10:3

Haren ebeti logolik he, An nonggwarek nenggi nen elalhi mene ari re enggin-fenggin oba fou higit obaat fikhi lagi iluk anggikhi logolik hilingiti lagen a? Nen it ap weak hilingiri'lagwi mene inoba re Haren fanot fisikhi logolik meneat.

AYUB 13:19

Tuhan neisena, hat weak hilingiten iluk wene noba fei wagunem andi re, an nane legengge alokhogo logolik ki sambul wa'lasigin iluk nenangot hikhi logogin.

AYUB 30:23

Haren it afuni ineluk werek mene wa'laluk lagaikharek oba mondogat kaboget fisikhi lagen oba andoma, wo'narek laga lagen mene andi re an mondok nelu o.

AYUB 9:17

Aren wene yi'nogo ti'nogo lek kwelek oba nen enggin-fenggin ekhe inom noba fugunem, an nebe sogoi hokho mene anggele'ma al perelogo nobagaikhemo welagi.

MAZMUR 100:3

At Tuhan andi ebere, Allah werek a'nogo hinendawimo ebe'no. Nit ninebe re Arenat elalninafikhemo re, At onggwarek meneat welago. Inanggo tegelharek andi hak, ninebe At againafuri mene welagoma, Arenat tegelninafu welagarek.

MAZMUR 119:73

We Haren enek an nebe pugunhogo elalnafigin, Haren wene yi'nogo hilingiti logoino ti'nogo hilingiti logoino iluk werek mene andi yanggulikhi logoiyogen he, an wenggelhu mene wo'nom o.

MAZMUR 138:8

Haren an wene watnetigin mene a'nogo higithogo tibet fikhi logogin, it Hat hagainafuri mene inobaget hilingiri'lagwi mene andoma palfou fuk.

MAZMUR 139:15

Nagaisa alabutmo nen he, nebe elalnafi logolik he, noak ebe hunhigik, tegelogo elalnafigin. Nafe halogo nobagasiginmo, hinagoma logolik nalue agagi. A'nogo meneat he, Hat heilhanem enek he weinam welagagi.

MAZMUR 139:16

An nagaisa alabutmo nen, nebe oan werek kwelek, Hat heilenggen neasigin, An hilingnafigin mene andoma mondogat he, Hat hambuku ba lisu palogo fesigin. An nebe elalnafi'lek logolik, An neluk ti huli nen logogin iluk andi re Haren yi mene ti mene misik iluk ogo oan elalhi'lek logolik mondogat wenagaisogo fesiginmo welagi.

MAZMUR 33:15

Arenat afuni mondogat inendawinggen hilingisogo fesikhe andi nen he, it hilingitarek mene mondogat he elu welagarek.