Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AYUB 10:7 - Allah Wene Fano Wene Hupla Inane

7 An eberogo nen weak hilingiti'lek mene andi re, Hat he afe hebelek logoligenat a'nogo hilingnafi lagen. Nen an nebe Hat enggiba welagi mene yi ap ekhe nen telogo wo'nabu lek hak a'nogo re Harogo helurek.

အခန်းကိုကြည့်ပါ။ ကော်ပီ




AYUB 10:7
35 ပူးပေါင်းရင်းမြစ်များ  

Nen an weak hilingiti halok he, an nebe welagi mene yi re, ibi-eberogo nen alomat lasigin werek. Oba nen he, an weak hilingiti lek mene ogore, at weak hilingite iluk anggili'lagwi. An mondogat ap weak mene logolik nendawinggen mondok heiselhunem welagimo re, nelokhe nailo lekhogo legeisogo yerisa re elo'lek.


Haren anggikhi logolik he, an nane igi mene andoma re weak mene ekhe igi lek anggegen a, nen haren he an Allah elokhoma ap mondok fano nagun welagi anggikhi lagen a?


An nawene andi igiluk logolik mondok fik-foukhogo welagimo re, hat weakhogo hilingiten iluk yaganesu lek hak iluk nendawimo anggikhi lagi!


Ariginik kwelek he an kwe laga-lagi mene a'nogo At mondogat elurek, nen an nen ikhi lagi mene andoma ogo At eluregat. Afuni emas eil fano mene yi emas ebe mene a, athe amu mene a? iluk halhagarek a'nogo hakhogo an ogo andi hak halogo nobagaumo nen he, an nendawimo weak mene legengge mondok pugunsek welagi mene a'nogo weinam asu hak.


An nen At ane hologo mondok tiphogo nek hilingiti lagi, nen Aren kwe loageluk an nobaget fougetukwe a'nogo nen taganhogo wulibi laga-lagi lek.


Endawirati'lek a'nogo oba asi wagunem, ningginik-ningginik koma hina'lasi lak iluk he leil warik nikherek.


A'nogo meneat he, an nen a'nogo hilingiti lagi lek halok, an Allah nelokhoma ferekhogo weinam asumo, an At ninom ninggi'nogo ambi asu hak nogo? Aren an wene noba figik, kotik, igiluk wagu kwelek he an nen wene onggo ninggi'nogo yagasu hak?


An nane ikhi lagi andi, afuni ekhe inesanggo holugun mene inebe logoilebe. An nen mondogat igi andi eberogoat igi, iluk Allah enu hombuk palogo igi o. Neisena Allah Omame Hokho mene a'nogo nen nane onggo uago Ap ekhe wene noba fili'lago mene andi nen, wene andi an neilenggen hoagaluk mondogat lisu paluago.


An hilingiti lagi mene andoma we At Allah nen enek kilo eberogo meneba walhoago. A'nogo walhambik he, At weak oba le'maat, iluk andi re elu asigin o.


At Ayub en an weak hilingiti lek iluk endawinggenma nen eberogo anggikhi lagaikhemo re, it agaila'lak inebe henagan aremnogo nen ogore at ane wurep wanhu aple herafisasukwa.


Haren ikhi logolik he, ”An he wene ekhe taganhogo hilingiti lagi le'ma nebe nagap horek welagi. Nen An nen weak mene ekhe hilingiti mene ekhe werek lek, an nebe selekhogo welagi.


An fano igi mene, iluk hoba nonggologo re, An higithogo hilingitirek mene andi seramet fanhendik, Wene weak ikhi lagen, iluk yaganeti lagen a?


At Tuhan nen Ayub a'nogo yagatikhesik, ap Elifas a'nogo mel yagatikhe: ”An nen hat inom, hagaila'lak inebe pire arem inom, hinomen he, wene an nebe faget namingmingengge Ayub en higithogo ikhe hak iren ogo a'nogo egep lek andi nen he An na'mage inoba figi o.


Aren telhunem he, ap sa nen ambong serogo At oba nangge iluk ili wanu hak nogo? Athe at heinok wokhikhi logolik, ”Ao, Hat he, ningginhi lagen,” iluk heinok wanu hak nogo?


An weak hilingiti lek oba nen he, an nonggwarek nebe faget he wenggel hikhi lagi lek. An neluk yi faget he esin mene ekhe werek lek andi nen he, an neluk ekhe inom werek mene faget ebeti lagi lek. Afuni weak hilingitarek mene inom, fano hilingitarek mene inom andi re Allah elokhoma re higit enek hilingi'mo re Aren enek inebe pirenet mondogat legaphogo fisagain werego.


Andi re, At Tuhan he afuni at ane hologo hilingitarek mene andi, at awe a'ma fisaluk ferinarek welagarek. A'nogo meneat he it inobabut weak hilingitarek mene andi, alomat lasugun oba andoma louwogeluk hilingitarego.


Nen Hat hebe o hubanggo an nambit we'luk, an nebe hilingik welagi mene kwelakniigik, nendawimo nobabut palnafik, hilingisumo nen he, an nen nane ikhi lagi mene andoma re nendawimo nen wenggel hikhi lagi mene nek ikhi lagimo re, ap yi mondok higithogo nek hilingiri'lago mene iluk futnobagau hago.


Hit Allah hinonggot a'luk hilingitu welagep mene andoma re futfakhikhi logoni o. An nen hit hinebe alomat hinobagagi hanogo re, it afuni ekhe mene nen hinagap telhinabugun lek hilingi'mo re, kagalek logoni o.


Mene singa nen yi mene ti mene nageluk aigen hamborogo li'luk lagunem lebetha re elo'lek agarek a'nogo hak, it afuni nen an a'nogo hilingnabuageluk heraknobagagun o.


An nebe munen agi'lek Allah netok mondok logogin o. It ekhe An nenggimo nen polokhogo wulibi lagik, An nen hilingisigiluk ebetirek mene andi leget fisigik, ugun mondok lego,” iluk ikhe.


Eberogoat halok, yogondak pinggong omanogo anethugu kwelek an nen tugwi kembu wuti mene andi hineindep awi yagaisogo sagaum iluk fogerasugun a? Hinabira? Hinabit halok he, an nen hit hinebe endu amulok wabunak nunggunem hambokhogo kwelakhinobagaumo re kembu ningginik mene nen an nenggim engge andi elok telhinabu hak anggegep? Mondok elo'lego,” iluk yagaisasikhe.


An nen, at ebe ap inom nikharek mene andi ineilhanem asu nonggologo alfulukwa kogouk logouwageluk hilingfagain. At ebe an nenggiba logolik, nomameba a'nogo hilingitunem, it ap andi ekhe nen at ebe telugun mondok lek.


Ma re mene singa nen afuni inoaterek andi hak, An nen hit afuni Israel mene inom, Yehuda mene inom, hinom hinoasigin aro. Hit hinebe An nonggwaregenat libi'labakhogo hinoasimbik he, herakhinobagagin o. An nen hinebe lisogo wokhinarek lagunem afuni ekhe nen telhinabugun mondok lego.


Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.


Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.


Yethani, Allah an namunek, Allah amu mene ekhe werek lek, An nen inebe inoatik, inelugerinafik, igirek mene, Inoumo asuagaluk, inoatirek mene, fano asuagaluk hilinginafirek mene, An nen hilingitunem, it ekhe nen an nane ugunem, sebelumo re mondok elo'lek.


Nit hit wene eberogoat iluk wanhigip mene halok ninom logolik afuni nen, ”It weak hilingita,” iluk wene ninoba figi'legat, tegelek logolik higithogo nek hilingiti lagagu a'nogo, hit Allah hinomat hinelumo re, ”Andi eberogoat,” iluk ugun andi.


At Tuhan andi re Omame Mondok Hokho mene werek! At Allah andi re Lego Mondok werek! Athe niren ebetosik hilingito mene andi re elurek, nen hiren ogo ninggi'nogo hilingita iluk andire hinelu asuak anggikhi lago! Niren ambi Tuhan ane sagalogo fogoin iluk hilingito halok a, athe niren At oba eberogo angga mene werek legen a'nogo hilingito halok a, nit yogondak ya nen wa'lasugun fano aro!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ