Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AYUB 10:22 - Allah Wene Fano Wene Hupla Inane

22 O hik weak hilingi'mo mondok nong-hongsekma andoma re, o selek werek oba nen he selek a'nogo mum hangge hilingi'mo andoma lagain,” iluk ikhi laga.

အခန်းကိုကြည့်ပါ။ ကော်ပီ




AYUB 10:22
15 ပူးပေါင်းရင်းမြစ်များ  

Eil misik wela'luk he an nebe mondogat lagainmo re, nekhengge nambotkwe lagokhogo wesigin lek, o kweangma mondok mum hikhak se'ma andoma lagain.


A'nogo isikhemo at Zofar en ikhi logolik he, ”Ap wene ebe halek legengge obakhe palek ikherek mene yiba onggo u mene ekhe werega? Athe ap ane hokhorogo ili'lago andi fano ikhe iluk herakfisogoin a?


We afuni wa'laluk lagaikharek oba andoma nek eberek mondok welagimo re, we o mum se'ma andoma laluk nogokhi logogin.


Andem sambul an nebe wa'la'lesik lelema nen he, nabolok lek logolik set walikhi logouwem agwi,


O andi sambul haren he, mondok te'met figik, mumet figik, henanggulok sebelogo weaget figik ino o. Mo yasinogoluk ohena nen sebelek mondok logouwak.


O mum se'maba nen ogore, it afuni weak hilingitarek mene re hina'lasu lek hak?


Afuni ekhe nen, afuni wa'la'luk lagaikhare'ma o mum mondok hik-hakse'ma kwe ambe pale'ma andoma yagahetukwa mene ekhe werega?


An nebe tonggwe mum hikhaksekwe lagain halok ogore, Haren fetnarek mondok logolik, ap wam domba halherek mene nen, anggo ebe wasinogoluk, arigeba ebe telherek andi hak, telnafi lagen andi nen he, nailo lekhogo logogin.


Nit ninendawimo re Hat hoba ninonggot aga lago mondok lego, Hat hawene melalek omanogoba nen higilogo esanggomat fikhi lago legaro.


Haren hendawi hundik hilingninafi lagen mene faget o afuni salinafarek oba omanogo logolik elok yagaisa hak nogo a? Nen haberali agi'lek hilingiti lagen mene andi re ap inebe ineiloak legasi lagaikharek oba andoma sagarik lamo re higira?


Nen Haren elalin mene hilingiti lagen andoma o mum oba andoma nen inelu agaikha mene ekhe werek nogo a? Athe o afuni nen inonggora'luk lagaikharek oba omanogo Haren fano mene nek hilingfisikhi lagen mene andoma futfou hak nogo? Elo'lego.


Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.


Aren hup agarek mene andi oan lakfei wagi'lek werek kwelek, nen hineisok tom oba tunget figi'lek werek kwelek, o selek faget eberek welagep mene andi Aren agaumhogo mum mene hilingfigi'lek werek kwelek, hit hineisena Tuhan Allah andi legeisogo fikhi logogun halok fano.


A'nogo hilingirilik laga logolik iren he, Nineisena Tuhan o Mesir en wo'ninarek wulibi waga logolik, kwe o leikwe yi mene ti mene fulelek legat, mondok weakwe, kiling ele hokhorogo werekwe, puk halongorekwe, afuni lagaikharek lekwe, wo'ninarek wagaikhe mene a'nogo ebe koma werek iluk mel heinok wo'nafi lagaukwa legat andi.


Nen, ekhe re, afuni nit were'ma yoma nen hat were'ma andoma hoba wagik, nen, hit andoma nen nit ninoba wagik, inogo iluk tulem andoma pile uan mene hulirogo fesikhemo werego, iluk isikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ