AYUB 10:16 - Allah Wene Fano Wene Hupla Inane

¹⁶ An nen hilingiti meneba ambisangma fano aga mene re, wenagaisogo we endebengge hak oba nen he, an he, wam singa hakhogo Haren mu'niikhi lagen. Nen, an nailoap kwelaknafi logolik he, Hat hebe homame welagen mene a'nogo inuk niikhi lagen.

AYUB 10:16 ပူးပေါင်းရင်းမြစ်များ

AYUB 13:24

Hat he nenahalok an nagaiserogo hale'ma higi logo laga lagen? Haren an ninom weim palek mene hakhogo hilingnafi lagen andi re ero kiba nogo?

AYUB 16:9

Allah aniniba an nagap mondok pil-palhogo nobagaikhe. Nen, At a'mageba an eil kwelakniugu werek.

AYUB 5:9

At Allah nen, elalin mene mondok hokhorogo hilingiri'lago mene andi, niren futfigik, ninenggi wenatik, u re mondok elo'lek. At Omame hokho meneba hilingiri'lago mene andoma re mondok hokho-pokhorogo hilingi'mo re legasu lek hak.

YESAYA 38:13

O hubanggo re an nebe ouen nane kweti lagi, nen an noak he mene singa nen halumet hugunem hakhogo nafunem, an nen anggikhi logolik he neluk welagi mene a'nogo Allah nen arat wurep oba hilingnobagaikhe higi, iluk anggigiba nen o.

YEREMIA 5:6

Andiba it inebe re mene singa enggama nen senggelinafik, nen olomene serigala o leimo nen senggel fogat inafik, igin o. No macan tutul he it inawi kota horok-horokwe andoma lagik wagik hilingiti logolik senggelinabigiluk heraginafi logogin, nen afuni wulibi lagu mene omanogo re senggelinafi logogin. Andoma mondogat he iren inaweak hokho pokhorogo hilingik welagik, nen hundik-handik Allah inambot woge'luk welagik, hilingiri'lagwi andiba hilinglasigin andi.

RATAPAN 3:10

At he no beruang en hakhogo nenanggotnafu werek, nen mene singa nen hakhogo kagalnabi'logo.

HOSEA 5:14

Ma re mene singa nen afuni inoaterek andi hak, An nen hit afuni Israel mene inom, Yehuda mene inom, hinom hinoasigin aro. Hit hinebe An nonggwaregenat libi'labakhogo hinoasimbik he, herakhinobagagin o. An nen hinebe lisogo wokhinarek lagunem afuni ekhe nen telhinabugun mondok lego.

AMOS 3:8

Mene singa ane kouwatu halok, sa hagen ailo'lek hambuk haluk logou hak nogo? Nen At Tuhan Lego Mondok welagarek mene ane ikhe halok, sa nen it afuni ekhe yagaisigi'lek kamo u hak nogo?” iluk isikhe.

ULANGAN 28:59

At hineisena Tuhan nen he, hit inom hiren tagomangge meneba inom ou inoba fano asu lek mene inom, ou age-age mene inom, ina'maforok mondok palasu elo'lek mene inom lakfei wesigin.