AYUB 1:8 - Allah Wene Fano Wene Hupla Inane

⁸ A'nogo yagatikhemo, At Tuhan nen heinok wokhikhi logolik he; An namingmingengge Ayub he futfegen a, lega? ”Afuni o kweangma yi awi ti awi welagaikharek mene inobabut he, an namingmingengge Ayub ebe An Nebe endawirogo logolik noba lombokhogo werek andi hak he ekhe werek lek. At andi re An nobaget fogetnafu logolik weak endephogo iluk ogo ekhe hilingiterek mondok lek.

AYUB 1:8 ပူးပေါင်းရင်းမြစ်များ

2 RAJA-RAJA 23:25

Nen at raja Yosia Tuhan amingmingengge hilinglagaikhesik, endawinggen inom obabut inom misigat logolik, wene Allah nen, ”Yi'nogo hilingiti logoin o, ti'nogo hilingiti logoin o,” iluk komotninafikhe wene at Musa nen lisu palogo fesikhe mene andi mondogat higithogo hilingiti lagaikhe andi hak, ap raja-raja ekhe Yosia obabut hakhogo, attak a'nogo ekhe hilingiti lagaukwa mondok lek. Nen, at ebe wa'lagaikheba nen ogo re, ap raja at higit mene hobuk ekhe welagaukwa mondok legat.

NEHEMIA 5:15

It ap gubernur an menlagi'lek were'ma, welagaukwa mene andoma nen he afuni holhu mene nen, linggene misik meneba at gubernur nunggu mene faget inom, nen anggur inom faget he uang perak mene 40 nen wo'nisani iluk kino yagaisugunem he afuni inoba enggin welagaikhe. Oba nen, an he neisena Allahba nailorogo logolik he, a'nogo hilingiti lagagi lek.

AYUB 1:1

O Us andoma ap ekhe enu Ayub welagaikhe. Ap andi ebe Allah ailorogo logolik, oba lombokhogo mondok welagaikhe. A'nogo logolik, wene oba mondok legengge, weak endebat iluk ogo ekhe hilingiti'lek, obabut higit mondok welagaikhe.

AYUB 12:4

Attak he Allah nen lebetnabuageluk an nen kino yagatunem, At Allah nen nane esanggo holhi lagaikhe. Nen an he, ap eberogo nek hilingiti logolik, kwanirek mene ekhe hilingiti lagi lek, oba nen he, yogondak it nagaila'lagen inom nen ninom enggawe fano mene nen inom endo ya'nabi'lagwi andi.

AYUB 2:1

A'nogo hilinglagaikhemo, Tuhan nen elalogo fisasikhemo, pogoroba welagaikharek mene omanogo hobuk Allah oba inambotkwe andogotukwama, at Iblis afuni inendawimo kagalik nikherek mene a'nogo inom it andi inanggele'ma kwisikhesik welagaikheat.

AYUB 2:3

A'nogo yagatikhemo, Tuhan nen heinok wokhikhi logolik he, An namingmingengge Ayub he arat futfegen a, lega? ”Afuni o kweangma yi awi ti awi welagaikharek mene inobabut he an namingmingengge Ayub ebe an nebe endawirogo logolik noba lombokhogo werek andi hak he ekhe werek lek, at andi re haren wene ero lek kwelegat weaget fagain iluk an nendawimo kagalhen meneat he aren An kofologo herak nobagagi'lek noba lombokhogo mondok werek a'naga heilenggen hegen a, lega?” iluk yagatikhe.

AYUB 34:14

At Allah nen it afuni ineluk a'nogo waganogo, it mene set a'nogo lisogo wanumo nen he,

AYUB 8:20

Oba nen At Allah nen he afuni At oba himbirik logolik hilingitarek mene re oboget isikherek lek, nen afuni kwanirogo nek hilingitarek mene re Aren mene ekhe leberinafe aple werek lek.

MAZMUR 18:23

Aren wene yi'nogo hilingiti logoino ti'nogo hilingiti logoino iluk isikhe wene a'nogo an nen fi-furogo futfuluk hilingitu welagi. At awene melalek andi re an nen endephogo iluk ekhe taganet fikhi lagi mondok lek.

MAZMUR 34:14

hiren wene weak mene ekhe igik, Hit hinambeba nen it ekhe lalinafik, ikhi logogubo.

MAZMUR 36:1

Afuni nen wuni wulak fuluk inebe ambine seberogo ugunem melalinafu mene faget, Tuhan amingmingengge Daud a'nogo awuni.

MAZMUR 37:27

Weak hilingitare mene andi herakfisaluk fano mene nek hilingiti logogun halok he, it inambisangmangge mene re o kweang wogisasikheba andoma mondok-mondok logouwageluk hilingfisagain o.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

MAZMUR 89:20

O attagat andoma inabikanggo wokhagarek hak, Haren hamingmingengge tiphogo hilingitarek mene inoba yagaisikhi logolik he, ”Ap misik ekhe ambong siserek mene kware-kware mintago ungguloba puget figi o. Afuni inanggele'ma nen ap misik ekhe An nen heragaisogo figi mene a'nogo arat menfigi o.

AMSAL 8:13

Tuhan ebe inailorogo welagaikharek andi re, weak hilingitarek mene inabit welagaikharek andi aro. Inonggwaregen fogerakhagarek andi inom, ”It ekhe elo'lek, an enek he, esin,” iluk anggagarek andi inom, inobabut weak hilingitarek andi inom, ineranhogo wene lalinafarek andi inom, an mondok nabit isigirego.

YESAYA 1:16

Weak mene hinoba werek halok he fanorogo sobalikhi logoino. Hit hinobabut An neilhanem weak hilingiti lagep mene andi herakfisaluk hobuk weak hilingiti logou fuk.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

YEHEZKIEL 40:4

Ap andi nen an noba yaganeti logolik, ”Afuni wa'lagaikharek mene yi re, fanorogo holin o, nen ekhe mene ekhe mene an nen hat hoba inuk heagain mene andomare furogo fut feino o. Andi faget an nen hat hebe hondok harek yoma wagi o. Ma re haren mondogat hagain mene andoma re it inunggulenu Israel mene inoba yagaisano o,” iluk yaganete.

BILANGAN 12:3

At Musa andi obabut he, afuni kweangma yoma welagaikharek mene mondogat inom higitsek lek. It ekhe inobabut fetaksek hangge meneat he, arenek he obabut mondok sebelek agun welagaikhe.

YOHANES 1:47

A'nogo yagatikhemo, at Nataniel Yesus oba wesigeluk wagunem at Yesus nen eilenggen yethasikhesik at abok mel yagaisasikhe: ”Ap ari ebe Israel eberogo mene. Ane pire ikherek mondok lek mene ari yethani!” iluk yagaisasikhemo,

YOSUA 1:2

”An namingmingengge Musa ebe arat wa'lagama re, yogondak hat inom, afuni Israel mene mondogat inom, i Yordan palogo, o An nen wokhisagain oba andoma kwi lobagaigen he, yi mene ti mene tik-tukhogo feino o.

YOSUA 1:7

Ma re, An namingmingengge Musa nen he, yi'nogo hilingi'no, ti'nogo hilingi'no, iluk yagahisasikhe mene andi mondogat ekhe sagalogo hilingiti'lek hologo hilingi'nogen he, hendawingggen hambukhogo hailo lekhogo logoino o. Wene andi mene endebat halok ekhe pelakfigi'lek, higithogo nek hilingisigin halok, haren yi mene ti mene faget hilingitunem he, higirenek hilinglaga logogin o.