AYUB 1:7 - Allah Wene Fano Wene Hupla Inane

⁷ A'nogo were'ma, Tuhan nen heinok wokhikhi logolik he, mel yagatikhe: ”Hat hebe o koma nen wagen?” iluk heinok wokhasikhemo, aren he, ”An hamingmingenggere, o kweangma yi awi ti awi neil kogolik yi kwe, ti kwe, nikhi lagarik wagi o,” iluk yagatikhe.

AYUB 1:7 ပူးပေါင်းရင်းမြစ်များ

2 RAJA-RAJA 5:25

A'nogo lakfisasikhesik he, at ebe ambotkwe oloba at Elisa were'ma kwisikhemo, mel yagatikhe: ”Hat hebe koma nen wagen,” iluk heinok wokhasikhemo, aren he, ”An he, yi kwe ti kwe lagi'lego we oloba welagarik, noe,” iluk yagatikhe.

AYUB 2:2

A'nogo were'ma, at Tuhan nen, Iblis afuni inendawimo kagalik nikherek mene a'nogo mel yagatikhe: ”Hat hebe o koma nen wagen?” iluk heinok wokhasikhemo, aren he, ”An he, o kweangma yi awi ti awi neil kogolik ya lagik, ta lagik, nikhi lagarik wagi o,” iluk yagatikhe.

ZAKHARIA 6:7

A'nogo higimo nen he, kuda esi ambigit waganek mene a'nogo wulifunem aremnogo re, iren o kweang yoma mondogat ineil kogolik louwogeluk he weak-weakhogo nek set kwalhunem isigi. A'nogo hilingitunem he at malaikat a'nogo nen he o kweangma mondogat hineil kogolik lani o!” iluk yagaisugunem, it a'nogo laga lagaikha.

MATIUS 12:43

A'nogo yagaisasikhesik ekhe mel yagaisasikhe: ”Munggwarengge obabut weak mene andi afuni inendawimo nen wuliferesik he, an naiba komakwe logoigen lak he, iluk set walogo logogin oba obuluk herarik, lei puparekwe i mondok le'ma andoma nikherek-nikherek he, herakhikherek mondok lek.

1 PETRUS 5:8

At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.

WAHYU 20:8

A'nogo liabi wagunem he, weim yabuogeluk, afuni inunggulenu lombok pogot ero-ero po'likwe, ma'likwe, elikwe, yikwe, welagaikharek mene lalinabigeluk inendawimo kagalik laga-laga higi. Andi re, o enu Gog mene inom, Magog mene inom, inoba weim yonggo lagasik, inebe mondok hokhorogo ial laut yenggelek esanggokwe welagarek andi hangge andogorogo fisikhemo welagaikha isigi.