AYUB 1:5 - Allah Wene Fano Wene Hupla Inane

⁵ A'nogo hilingitunem, ap Ayub endawimo nen he, ”An nagainafuri a'nogo hilingiti logolik, ineranen hilingiti'lek meneat he, ekhe weak hilingitasik Allah enu weagetfaga he a,” iluk endawimo anggikhi lagaikhe andi nen he, againafuri pesta a'nogo hilingiti lagaukwa mene omanogo ebe lombok faget, mondogat hilingitu halok he, Ayub ebe huberat siakhogo, it weak hilingitu mene andi nineisena Tuhan nen sebelogo leget fisoageluk, inebe lombok faget wam Allah warogo noleti lagaikhe.

AYUB 1:5 ပူးပေါင်းရင်းမြစ်များ

KEJADIAN 22:3

A'nogo yagatikhemo, ohealek huberat siakhogo, Abraham en Allah faget warogo nolesugun mene faget e wurogo anggo keledai amboroba homagaisogo fesikhe. A'nogo fesikhesik, amlogo inom, amingmingengge inebe pire inomat, o Allah nen yagatikheba a'nogo lagaukwa.

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

KEJADIAN 8:20

At Nuh nen wam yi mene ti mene warogo Tuhan faget noleti logogin mene obalik helep sengget watikhe. A'nogo watikhesik, sue, wam, paik, yi mene ti mene enggi lek mene inom, werek mene inom, nenggarek mene inom nenggarek lek mene inom omanogo inunggulenu tomok misiktek warogo fesikhesik eisena Allah faget noletikhe.

1RAJA-RAJA 21:10

A'nogo yagasimbik he, ap inebe pire inobabut mondok weak mene at Nabot elokhoma hu'lasimbik, enggali warogo wene oba fikhi logolik, mel yagasuak: Haren Allah inom, raja Ahab inom, inenu weak hilingisogo fisegen andi, mondok weak hilingiten o, iluk o kota leget pa'leget abel endakwe waluk wulibi lambik, ebe helep oba fukhogo mondok pinggi wasuagen yagaisano o,” iluk lisu palogo lakfesikhe.

1RAJA-RAJA 21:13

A'nogo yagatukwasik, ap inebe pire inobabut mondok weak mene at Nabot elokhoma hu'lasuagaluk yagaisasukwama, inebe hu'lagaukwasik afuni ineilhanem enggali warogo wene oba fikhi logolik, mel yagatukwa: ”Haren Allah inom, raja Ahab inom, inenu weak hilingisogo fisegen andi mondok weak hilingiten o,” iluk yagatukwasik ebe o kota leget pa'leget abel endakwe waluk wulibi lagaukwasik helep oba fuk fakhogo mondok pinggi watukwa.

NEHEMIA 12:30

A'nogo kabogesi wagaukwasik he, it ap Lewi inap inom, it imam andoma inomen he it inonggwarek inebe enogo logogun iluk horigik, afuni inobaget horinafik, kwe kugu kwe omanogo horatik nen leget pak leget a'nogo horatik, hilingitukwa.

AYUB 1:11

Oba nen he, at angge yi mene ti mene andoma mondogat Hat helamo nen he, aren, Hat helokhoma nenat Allah hebe nabit iluk ane hombuk palogo herakhobagau hak werego,” iluk yagatikhe.

AYUB 1:4

A'nogo logolik, Ayub againafuri ap inebe 7 nen andi re inetokhogo inaiba lombok pesta at ekhe were'ma hilingitik, at ekhe were'ma hilingitik, hilingitare'ma re, pesta a'nogo hilingiti logolik, inerugwi inebe henaganet aremnogo inayonggo fuluk, inamburu inom, inagai inom, ninggi lagaukwa.

AYUB 2:9

A'nogo kibilhu were'ma, at agwe nen he, mel yagatikhe: ”Hat he, Allah oba lombokhogo mondok logogiluk hilingiti lagen a? Elo'lego. Haren he, Allah weak. Ebe nabit, iluk kofologo herakfisaluk he, hebe wa'lakhan o,” iluk yagatikhe.

AYUB 27:10

Ebe eberogo mene re aren inagaiyek agarek mene a'nogo Allah nen wo'nelebe e, iluk endawinggen eberek logolik, aren samban Allah ba ninghogo ikhi logogin halok fano.

AYUB 41:25

At ebe menlagunem he afuni inomame hokho mene ogore, youk laluk, inailo hokho agunem he iren yi'nogo ti'nogo ekhe hilingisu re mondok elo'lek.

AYUB 42:8

Andi nen he, yogondak wam sapi ai mene 7 nen inom, nen domba ai mene 7 nenat wanimbik he, Ayub oba we'no o. Wasimbik he, hit faget wam mondogat andi warogo an nolne'no o. Nolnetunem, Ayub en samban hit faget nayonggo fugunem, at ane nesanggo holigin o. Hiren he, An namingmingengge Ayub en An faget higithogo ikhe andi hak igi'lek, herakfisegepsik weak mene egep andi nen, wene hinoba fuluk hinenggali wasugun meneat he, An nen wene hinoba figi'lek herakhinobagagin o,” iluk yagatikhe.

AYUB 6:14

At Allah Omame Mondok Hokho mene a'nogo oba re an nen nane taganet fuluk ekhe hilingiti hea, oba tiphogo nek hilingiti logolik welagimo nen hea? Ou-pou yi'nogo hikhi logolik andi re an nagailak mondok fano mene ekhe logoilep agwi iluk nendawimo nen ebethikhi lagi.

AYUB 8:4

Hat hagainafuri nen At elokhoma weak hilingitama halok he, At Allah nen unggum inoba fou higit obaat fikhe o.

MAZMUR 5:3

Hat he, an noe Raja logolik neisena Allah re Hat welagenma re, an nen nane hoba ikhi lagi mene ari fano anggambik lebetnabin o.

KELUARAN 18:12

A'nogo isikhesik he, at Yitro nen Allah obaget fugu mene iluk inom, warogo noletu mene iluk inom, wam miren mene hakhogo waluk wagaikhe. A'nogo waluk wagaikhemo re, it Harun inom Israel mene inogogwi kaindek lenggalinafarek mene omanogo inom, at Yitro ebe inom at he, Allah ebe weinam agarek oba elokhoma omanogo wagaukwasik inom seberogo nasukwa.

KELUARAN 19:10

Hat yogondak he, it inoba pin o. Pimbik he, it An fogetnabuogeluk o yogondak inom, ohealek inom, tegelogo fakhambik logouwagen yagaisano. Tegelogo filik logolik, inasu fanorogo sobalogo fakhambik logouwak.

KELUARAN 24:5

A'nogo hilingisogo fesikhesik, ap alage Israel mene ekhe nen yi mene ti mene nineisena Tuhan endawimo agaiyekhogo warogo noleti logolik, Allah ninom lambuluogeluk wam sapi ekhe warogo senggelogo fouwageluk inayonggo fesikhesik, lakfisasikhe. Lakfisasikhemo a'nogoat hilingitukwa.

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

YEHEZKIEL 14:14

It ekhe Nuh inom, Daniel inom, Ayub inom, omanogo o andoma inanggele'ma logoilepma nen ogore, it inebe henagan andem en fano hilingiti lagoilepma re, we it inonggwaregat ineluk faget inili helelebo. Iluk An Tuhan Lego Mondok welagirek mene a'nogo nen nane mondogat igi.

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

YOHANES 11:55

Welagaukwa andem sambul he, it afuni Yahudi mene seni enu Paskah nenggarek a'nogo mene nogoin oba arat horogasi wagaikhemo nouwogeluk logolik, it inenggi sabul horogo iluk, Yahudi mene hilingitarek hak hilingisuogeluk, inawi lombogen o Yerusalem andogoti lagaukwa.

KISAH PARA RASUL 21:26

Yagatukwama, at Paulus nen ap inebe 4 en aremnogo woginarek he, ohealekwe inoba horogo, inomat Allah awi wuri'mo kwisukwa. Kwisukwasik aren he, ”Ninenggi yiba ninoba horogo Allah faget logombik he, huli yiba nen it yoma inebe lombok faget Allah anggo waresugun,” iluk enggi wenagaisogo yagaisasikhe.

KISAH PARA RASUL 8:22

Hat hobabut he, it ekhe inoba pou ikhi lagen andi, wam amise awi ale weak andi hangge hendawimo peterek werek. Were'ma, weak hilingisigeluk hendawimo ebeti lagen andi nen, hele hangge warogo fetharek werek andi, hobabut futfigi. Weak hilingisigeluk egen andi, herakfisaluk, hobabut hebela'no. Hebelasumo re, hat hendawimo anggegen andi ninoe Tuhan Yesus sebelogo legetfisoageluk ayonggo feino o,” iluk yagatikhe.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

2 KORINTUS 11:2

Helime yenggerugwi inobabut ap inom nogo igi'lek mene, inaguni inoba lombologo fisagarek hak, an nen he, hit Kristus oba lombologo hinobagagi meneat he, hiren ap hunogo mene ekhe lombolhep halok he, Allah a'mage lagagik, an na'mage lagagik u hagaro.

EFESUS 6:18

A'nogo mondogat hilingiti logolik he, Allah nen lebethisoageluk samban ikhi logoino. At Areagun hinendawimo logolik hinendawimo kagaligin hagat, hundik-handik samban oba Allah ayonggo figik, kino yagatik, ugu mondogat logoino. A'nogo ikhi logolik he, hinendawimo puk agi'lek, hinobabut hebelek mondok logoino. A'nogo logolik he, Allah againafuri mondogat faget samban Allah ayonggo fikhi logoino aro.

1 SAMUEL 16:5

A'nogo yagatukwama, at Samuel en he, ”Eberogoat. Wam nineisena Tuhan faget warogo nolesuogeluk wagi o. Andi nen he, hit ninom wam warogo nolugun anggegep halok he, afuni inenggisabul hotarek andi hak, hinoba fanorogo horasimbik, hinebe Allah faget fisano o,” iluk yagaisasikhesik, ap Isai againafuri inom inebe lombok inoba fanorogo horatukwasik he, wam warogo Allah noletunem wesuageluk inayonggo fesikheat.