AYUB 1:3 - Allah Wene Fano Wene Hupla Inane

³ Nen, at amingmingengge inebe mondok hokhorogo welagaukwa. Anggo ogore, domba 7.000, nen unta re, 3.000, nen sapi re, 1.000, nen keledai re 500 nen welagaikhe. A'nogo welagaikhe andi nen, afuni o mo ero fikhit andoma welagaukwa mene inangge endebat hangge meneat he, at Ayub andi nek he, mondok kain eilmo wulalhak welagaikhe.

AYUB 1:3 ပူးပေါင်းရင်းမြစ်များ

KEJADIAN 12:16

Waluk lagaukwama, at ap Firaun a'nogo nen, he Sarai alisikhogo Abram fano hilingfigik, afuni Abram amingmingengge logouwageluk wogotik, domba, kambing inom, sapi inom, keledai, unta inom, wogotik, isikhe.

KEJADIAN 13:6

It emberek inanggo mondok hokhorogo welagaikhe andi nen, engga endebatma re, emberek misi'mo logou elo'lek agaikhe.

KEJADIAN 24:35

Neisena Tuhan nen he, an noe andi mondok fanotfigik, ebe mondok kainet figik, angge yi mene ti mene mondok hokhorogo hilingisogo figik, ikhemo. Nineisena Tuhan nen wogete mene re, wam domba inom, kambing inom, sapi inom, unta inom, keledai inom, uang perak mene inom, emas mene inom, afuni at amingmingengge logouwageluk ap inom, hemi inom, wogetikhemo werego.

KEJADIAN 25:6

At ebe eluk logolik angge yi mene ti mene fena hokhorogo at amlogomi agagwi heihe mene nen tago mene omanogo inendawimo fanorogo iluk wogisasikhe. Wogisasikhesik at Ishak horokhogo yoma logogin enggere, hit he at were'ma ya herakfisaluk o yatma lani isikhe. Isikhemo o Kanaan mo lagai wagarek fikhit andoma lagaukwa.

KEJADIAN 29:1

At Yakub a'nogo laga lagaikhesik, o Kanaan mo wulibi wagarek higit lagaikhe.

KEJADIAN 34:23

Andi halok, it nit ninom logolik iren yi'nogo hilingi'ni iluk yaganisaga mene andi hilingisuok. Nen, it inangge yi mene ti mene inom inanggo inom ogore nit mene asugun o,” iluk yagaisasikhe.

2 SAMUEL 12:2

Logolik, ap kain enggi werek mene a'nogo re anggo yi wam ti wam inom, domba inom, hokhorogo welagaikhe.

1RAJA-RAJA 4:30

O kweang mo lagai wagarek fikhit andomaba ogo nen o Mesir en ogore ap misik ogo Salomo enggat agun welagaikhe andi hakhogo ekhe welagaukwa mondok lek.

2 RAJA-RAJA 15:20

At Menahem en uang andoma kabogetikhe menere, aren afuni Israel meneba andoma nen inenggi werek mene omanogo inoba re ap inebe lombogen uang perak 50 nen figikwo'ne'ni, iluk ane ninghogoat kino yagaisasikhemo wogetukwama kabogetikhe. Andiba re hun Pul a'nogo o andoma herakfuluk he at onggwarek aiba ambotkwe lagaikhe.

2 RAJA-RAJA 3:4

A'nogo hilingitu were'ma raja Mesa afuni Moab mene ineisena andi re anggo domba tati lagaikhe agun. A'nogo tati logolik he, aren kweang onggo fagarek hakhogo re raja Israel mene faget fei waga logolik he, tahun hundik-hundik oba domba eagwi re 100 ribu nen inom, nen domba ai mene ebe 100 ribu nen omanogo esi palek inom fei waga lagaikhe.

2 TAWARIKH 26:10

Hun andi re yabu wanhu mene faget agaiyek welagaikhe andi nen he, o tomkwe omanogo anggur yabu hilingiti logouwageluk inom, kweang muli kwe omanogo hilingiti logouwageluk inom he, ap hokhorogo kwelaginafikhe. Aren he o leimo omanogo helep oba mondok omamerogo uanhogo wurik lagagik, at anggo tati lagaukwa mene mondok hokhorogo welagaikhe mene agai nunggu mene faget tonggo kwe inom, punukwe inom, mo ubuk ikherek fikhit inom, i mogo yenggelhukwe iluk kweang hokhorogo habulik lagaikhe.

2 TAWARIKH 32:29

At Allah nen yi mene ti mene tuget fesikhe mene andoma re hokhorogo hilingi'mo re aren, o kota ogo hokhorogoat wurik lagaikhe.

AYUB 1:10

At ebe inom, againafuri inom angge yi mene ti mene inom Haren ferinarek mondok logolik, at eabu yi yabu ti yabu hilingitunem fanotfigik, anggo hokhorogo wogetik, ugunem at anggo o andoma ekhema-ekhema mondok hokhorogo hilinglarik lili'lago andi.

AYUB 1:4

A'nogo logolik, Ayub againafuri ap inebe 7 nen andi re inetokhogo inaiba lombok pesta at ekhe were'ma hilingitik, at ekhe were'ma hilingitik, hilingitare'ma re, pesta a'nogo hilingiti logolik, inerugwi inebe henaganet aremnogo inayonggo fuluk, inamburu inom, inagai inom, ninggi lagaukwa.

AYUB 21:28

Hiren heinok wanhi logolik he, ”Ap along werek agun a'nogo koma werek? Enggin fenggin inoba fikherek agun a'nogo ebe werek oba re koma he,” iluk heinok wanhi lagep.

AYUB 29:25

An he it inoe melalinafu mene logolik he, wene yi wene ti wene andem he an nen enek tegeti lagagi, ap raja nen agoromi sikhe fisogo mene inaggele'ma kuluk hilingitarek higit an nen it melalinafi lagagi. Nen it inendawi heiselogo were'ma re an nenat inendawimo koninafi lagagi.

AYUB 31:25

Athe, yabu nenggi omameba nangge yi mene ti mene saburogo fakhaluk, neilmo wulalhak welagi iluk fogerakhigirek legaro.

AYUB 31:37

An nen mondogat hilingiti lagi mene andi nungguloak uan asimbik nenggali lek Allah yagasi lagain o.

AYUB 42:10

At Ayub en agaila'lak inebe henagan aremnogo faget samban Allah yagatikhemo, hobuk Tuhan nen at Ayub ebe ambotkwe eilmo wulalhak hilingisogo fikhi logolik, angge yi mene ti mene mondogat attak welagaikhe mene lek agaikhe mene omanogo obulu'mo ebe higithogo wogetikhesik he, hobuk ekhe inom enggi pireba hakhogo oba loukhogo wogetikheat.

AYUB 42:12

Attak at Ayub weak oba agi'lek logolik fano welagaikhe meneat he, andi endebat elo'lek hangge, nen weak a'nogo oba agaikhesik oba nen Tuhan nen mondok fanot fesikhemo hobuk fano mondok welagaikhe. A'nogo fanot fesikhemo, hobuk anggo kambing, domba 14.000, nen unta 6.000, nen sapi 2.000, nen keledai 1.000 nen wogotikhemo eise agaikhe.

AMSAL 10:22

Tuhan nen fanot fisugunem afuni inenggi werek mene hilinglagaikharek, yabu inomamerogo hilingisugun andiba inangge ekhe inom hilinglasumo re, elo'lek.

YEREMIA 49:28

Tuhan nen unggulenu Kedar inom o sili Hazor a'ma werek mene inom hun Nebukadnezar raja Babel mene a'nogo nen telhikhe mene omanogo faget ikhe mene re yi, ”Hat Nebukadnezar yi, haren he o Kedar pin kwi lambik he afuni timur fikhit werek mene andoma mondogat legerinabin o!

BILANGAN 23:7

A'nogo wagaikhesik, at Bileam en wene hilinglagaikhe mene inom, hobuk hilinglasigin mene inom, yi'nogo yagatikhe: ”O Aram tom mo wulibi wagarek higit ali'ma were'ma, ap kain Balak afuni Moab mene inoe raja nen an wolniikhi logolik: Afuni Israel mene homan fisanogen eme o, iluk wolnafemo wagi.

HAKIM–HAKIM 6:3

A'nogo hinago logolik he it Israel mene nen yabu waganogo yi mene ti mene yatunem he ap Midian mene inom Amalek mene inom ap amu mene o leikwe werek mene omanogo inom seberogo re it Israel mene inoasugun iluk wagaukwa.

HAKIM–HAKIM 6:5

Afuni omanogo re inebe esa-esangge inanggo inom, inawi sabu salhu mene inom, inenggi wenasu mondok elo'lekhogo helaluk wagaukwasik he, iren afuni Israel mene inanggweang oba mondogat weaget fikhi lagaukwa.

HAKIM–HAKIM 7:12

Pisukwa re, ap Midian mene inom, Amalek mene inom, ap ekhe inaiba o leimo mo liabi wagarek higit andoma mene inom, omanogo inebe pulue andogorek welagarek hangge inebe tonggoma andoma ya logalek ta logalek welagaukwa. Nen, inanggo unta re, mondok hokhorogo ial i esanggokwe welagarek andi hangge welagaikheat.

HAKIM–HAKIM 8:10

At Gideon nen a'nogo yagaisasikhe andi sambul he, at Sebah inom, Salmuna inom, inagoromi tentara mene esa logalek inaiba o leimo mo wulibi wagarek higit andoma mene attak esa logalek wagaukwa mene omanogo, it Israel mene nen inebe 120.000 nen inoatukwama, we, 15.000 nen hangge nek hilinglagaukwasik o enu Karkor lagaukwasik welagaukwa.

1 SAMUEL 25:2

At omanogo lagunemen he o kota Maon omanogo re ap misik ekhe enu Nabal hun Kaleb ambisangma mene nen tagongge mene welagaikhe. Hun andi re aren anggo takhuguba faget he kweang o Karmel horokhogo andoma welagaikhe. At ebere enggi werek agun logolik anggo domba re 3.000 nen welagaikhe. Nen anggo kambing he 1.000 nen welagaikhe. At agwe Abigail andi re mondok hebelek logolik he, ebe ogo mondok fano welagaikhe. Oba nen he at agun Nabal andi re obabut mondok haferek logolik mondok weak mene nek hilingiti lagaikhe. Linggene misik sambul he at Nabal a'nogo o Karmel andoma anggo domba esi palhi lagaikhe.

1 SAMUEL 27:9

Aren he ap inom, hemi inom, felelenghogo inoati logolik he, inanggo domba, sapi, keledai, unta inom andoma mondogat hogouk erikhi logolik he, inasu labetarek meneba nen ogo mondogat helasikhe. A'nogo hilingitikhesik he ambotkwe hun Akhis a'nogo oba wagaikhe.