Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AYUB 1:21 - Allah Wene Fano Wene Hupla Inane

21 ”An nagaisa alabutmo nen yi mene ti mene ekhe waluk ta'lagagi lek andi hak, nebe wa'lasimbik ogore nangge yi mene ti mene ekhe waluk lagain legaro. Neisena Tuhan nen wo'netendik hobuk Tuhan honggwarek hambotkwe helegen andi re, fano. Andi nen he, Tuhan henu nek lego mondok logouwak,” iluk fogeratikhe.

အခန်းကိုကြည့်ပါ။ ကော်ပီ




AYUB 1:21
35 ပူးပေါင်းရင်းမြစ်များ  

Nen, hat hebe kweang mene fanorogo hilingisogo elalhafi andi nen, kweangma yi mene ti mene awi fulelhi logouwageluk yabu likhak yugulogo, set kwil-kwalhogo hilingiti logombik, hebe wa'lasimbik hambotkwe kweang asigin o,” iluk yagatikhe.


A'nogo yagatikhemo, at Yakub en he, he Rahel wenagati logolik mel yagatikhe: ”An nebe yi Allah fugo. Arenat hat heak takhanogeluk hilinghabi'lago o,” iluk yagatikhemo,


Afuni hokhorogo inagap telinabuageluk at Allah nen hit wagi'le'ma attak wo'narek o yoma wagaikhemo re, hiren an onggo palnafigip mene andi faget hinailo agik, ninambigen hilingito ago igik, hilingisu fugo.


We At Tuhan eilenggen werek kwelek a'nogo yaganeri'logo halok, Arenat onggo fikhi logolik, homan nobagaikhe mene andi onggo fano hilingnabigin weregat anggigi o,” iluk yagaisasikhe.


Wene andi faget, At Tuhan endawimo anggasikhebaat, Aren ap Ahia, Allah ane yagaisikhi lagaikhe mene, aiba Silo mene nen Yerobeam yagatikhe mene ebe agunem enegat asuageluk, at Rehabeam en it ap andi kino yagatukwa mene inane holhi'lek herakfisasikhe andi.


Andi isikhemo raja Hizkia nen onggo ikhi yagati logolik he, ”Tuhan nen a'nogo hilinglasigin iluk ekhe mene haren yaganesi wagen mene andi mondok fano. A'nogo isikhe andi re aren anggikhi logolik he, ”An neluk logolik ferinarek were'ma weim legengge mondok liokhogo logogun andi fano,” anggasikhesik isikhe.


Samban a'nogo isukwasik, o andi sambul he, ap Lewi mene, Yesua inom, Kadmiel inom, Bani inom, Hasabnea inom, Serebya inom, Hodia inom, Sebanya inom, Petahya inom, it andemen Allah againafuri nen Allah fogerasuagaluk mel isukwa: ”Ninebe menlasimbik he, nineisena TUHAN Allah fogerasuogo. Nineisena TUHAN fogeratu mondok werek mene a'nogo fogerasuok. It ekhe endebat hangge fogerinabugun mene re, At enek he, enu elalin mene yi awi ti awi mondogat lili'lago a'nogo enu seralhu mondok logouwogo,” iluk isukwa.


Oba nen he, at angge yi mene ti mene andoma mondogat Hat helamo nen he, aren, Hat helokhoma nenat Allah hebe nabit iluk ane hombuk palogo herakhobagau hak werego,” iluk yagatikhe.


A'nogo yagatikhemo, at Ayub en he, ”Allah nen he, fano mene wo'nisugunem helikhi logolik, weak mene wo'nisugu halok herakfisogoin nogo? Hat he, hemi inendawinggen lek mene nen agarek hangge egen o,” iluk yagatikhe. A'nogo yagatikhesik, at Ayub oba a'nogo agaikhe andi nen, ”An Allah nabit,” iluk ambe ba nen weak mene ekhe wulabi waga lagaikhe mondok lek.


Aren telhunem he, ap sa nen ambong serogo At oba nangge iluk ili wanu hak nogo? Athe at heinok wokhikhi logolik, ”Ao, Hat he, ningginhi lagen,” iluk heinok wanu hak nogo?


At Daud eranen ap Abimelekh eilhanem ebe kembu mene hangge hilingiti lagaikhemo, mugusogo ale'ma laga logolik wuni watikhe mene.


An nen he, hundik-handik Tuhan enek fogeratu welagirek, nenggi ekhe kamo igi'legat hai watik, fogeratik ugu mondok welagirek.


An naweak omanogoba nen lologo nobagain, an ap kembu mene nen li'not nafungge hilingnobagau fugo.


Ap inangge hokhorogo werek mene re inebe wa'lasimbik inangge hokhorogo andoma helaluk logoin lego. Inenggi werek logogun mene andi re salinafarek oba andoma inom logoin lek andi nen he, inangge hokhorogo werek halok he, eige nailo e iluk fogerinabugun lego.


Nen ninagap he ambotkwe kweang al agik. Nen set ninelugeraterek mene a'nogo re sugulogo Allah were'ma lagik, igin. Andi re we At endawi fano nen weat wo'nisikhe mene hilingi'mo re a'nogo hilinglasigin.


Nit ta'laga logolik ninalfulukha kogoik ta'lagagu hak, kweangma yoma nen herakfuluk logoin ogore ninangge andogorikhi lago mene andoma ekhe helaluk logoin legat.


Andi re inendawinggen mondok heiselu hak! Nit logoin aple andi re yogondak wagalago yi hak hilingi'mo re, nit set hoporogo sogoi faget murok laga lago mene andoma re, ambisangma ki mene weinam asigin iluk nogo?


Allah nen ap andi at endawimo amolo anggikherek mene faget enek ninghogo hilingiti logouwageluk obogerisugunem he, aren an neluk ninggi'nogo welagi iluk mel endawimo wenggel hikherek mondok lek.


nen afuni mo ero fikhit werek mene nen he At enek fogerati logogun. Nen, afuni i esanggokwe werek mene andoma nen he it Israel mene ineisena Tuhan Allah esin anggaluk legeisogo fikhi logogun.


It Israel mene andi it ekhe inenggiba asuageluk sa nen wogisikherek nogo? At Tuhan amu nen he lek nogo a? Nit he Aren wene yaganisikherek mene omanogo furogo hilingiti'lek welagik, nen Aren yi'nogo hilingiti logoino, ti'nogo hilingiti logoino iluk komotninafikhe wene omanogo higithogo hilingiti'lek welagorek andi nen he, At elokhoma niren weak hilingisogo fogorek andi o.


An nen mum inom selek inom elalogo fesigi, An nenat enggin- fenggin inoba lakfei wagik, fanoaberinafik igirek, Andoma mondogat he An Tuhan nenat hilingitirek.


Fano mene weak mene hilingitarek andoma re Tuhan nen hilingisuageluk ugu halok enek hilingitarego.


Afuni o kota welagaikharek mene, Weim werek, iluk inendawinggen wenggelogo pinggong anethugunem ina'manggen lagi'lek logou hak nogo a? Nen, Tuhan nen enggin-fenggin lakfei wagi'lemaat afuni o kota welagaikharek mene andoma weak mene andi inoba asi wesu hak nogo a?


an nonggwarek eiseweregen igin mene nenat igi andi elo'lek anggegen? An nonggwaregen nendawi fanorogo wogisigi andi nen hat wene palhen, iluk yagatikhe.


Mene re, wene andi hat henggi omame werek mene nen, hendawimo nen he, A'nogo hilingisuak, iluk anggasigin obaat, a'nogo hilingita andi.


Hundik-handigat yi mene ti mene mondogat faget he, Tuhan Yesus Kristus enu hombuk palogo re, nineisena Allah hai wati logoino o.


Allah endawimo nen he: ”Hit Kristus Yesus hinom hundik logolik yi mene ti mene mondogat faget an hai wa'nafi logoguno,” iluk anggikherek andi nen he, a'nogoat hilingiti logoino.


Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.


Weagerinafu kwelek, inafe morogo welagaukwa andi nen, niren inabok fano ikhi logolik, ”It fano agaikhasik inendawimo inagaiyek anggili'lagwi,” iluk ogorek andi. At Ayub endawinggen abolok igi'lek afe morogo welagaikheba, nineisena Enupogot obabut fano logolik hokhorogo endawirinaferek mene a'nogo nen wurep oba fanot fesikhe andi abok hinesanggo holhi lagebaro.


An nebe o yoma nen lagagi re, nenggi werek hogoat lagagi, meneat he, yogondak neisena Tuhan nen nambotkwe nenggi lekhogo wo'narek waga. Andi nen he hiren an nenu Naomi re ikhi logou fuk, an he ”Tuhan Omame Mondok Hokho mene a'nogo nen enggin-fenggin hokhorogo hilingisogo nobagaikhemo welagarik waginggere,” iluk yagaisasikhe.


Nen, Haren, afuni inenggi lek hilingisogo fisigik, nen inenggi werek hilingisogo fisigik, egendego. nen, it ekhe sebelfisigik, ekhe legetfisigik, egendegaro.


Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.


A'nogo yagatikhemo, at Samuel en he, wene Allah nen yagatikhe mene omanogo ekhe hinati'lek mondok felelenghogo yagatikhe. A'nogo yagatikhemo, at Eli nen he, ”Andi re Tuhan nenat yagahetemo re, Aren yi fano anggikhe mene andi nek hilingisuago,” iluk isikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ