AYUB 1:20 - Allah Wene Fano Wene Hupla Inane

²⁰ A'nogo yagatukwama, ”At Ayub endawimo weak agasik hilingite,” iluk inendawi wenggelasuagaluk, asu laberek mene tilibisigik, esi palisigik, isikhesik he, Allah fogerasigeluk kweangma eindep awi yakfilik, mel isikhe:

AYUB 1:20 ပူးပေါင်းရင်းမြစ်များ

KEJADIAN 37:29

Helaluk lagaukwama, at Ruben pogolema a'nogo eilenggen ha lagaikhe re, Yusuf ebe le'ma hasikhesik, endawi nen he asu libilogo lakfisasikhe.

KEJADIAN 37:34

A'nogo isikhesik, endawi nen asu libi'labak hogo lakfisasikhesik, asu weak mene laberogo pelagwi fesikhesik welagaikhe. A'nogo labetikhesik, hundik-handik amlogo faget le agu mondok welagaikhe.

2 RAJA-RAJA 2:12

A'nogo lagagunem, Elisa eilenggen hasikhesik, ane hokhorogo mel isikhe: ”Elia neisena, neisena. Nit afuni Israel mene ninoasinogoluk ninagoromi tentara mene kereta ba inom, kuda ba inom, lagaluk, yenal palninabu hak, hat homame hokho logolik, fetninarek welagendek mene a'nogo hebe longgogen higi, neisena,” iluk yagati logolik eilenggen liago were'ma Elia ebe arat longgoi lagasikhe. A'nogo longgoi lagasikhemo, Elisa endawimo mondok weak agaikhesik, asu sogoi su mene pire tiliphogo lakfisasikhe.

2 TAWARIKH 7:3

Ariginhikhe sambul andi it afuni Israel mene nen endu pogoroba nen pi wagik, Tuhan Aselek ombak-bak a'nogo Tuhan Awi wurik a'nogoba hoposi pi wagik, ugunem a'nogo ineilenggen mondogat hasukwasik he, At Tuhan mondok fano mene nen endawi hundik mondok-mondok ninafi logolik were'ma, iluk Tuhan fogeratukwa.

EZRA 9:3

A'nogo yaganetu mene a'nogo nesanggo holhirik he nendawimo mondok weak agama re, nasu tilip-talaphogo herak figirik, nesi inom nomboro inom felelenghogo herak figirik, nendawinggen warugu hurek welagi.

AYUB 1:19

Sielu anini weak mene o leimo afuni le'ma higiren funha waga logolik, o a'nogo tamakhogo laga logolik he, hat hagainafuri inebe mondok felelenghogo sebelinafemo, an hamingmingengge namu nek neluk wulifirik, wene hilinglaga mene andi hat yagahesi wagi o, noe,” iluk yagatikhe.

AYUB 2:12

A'nogo wagaukwasik, inebe yatma nen Ayub ebe ineilenggen yetha wagaukwasik he, ebe sa heat futfou lek hangge were'ma hasukwasik, le inane hokhorogo aga logolik he, inebe lombok inasu laberek mene libik-labakhogo lakfisasukwasik, wul inunggul oba pialhik, hesangge pogoroba higit liafik, hilingitukwa.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

YEREMIA 7:29

Tuhan nen ikhi logolik, ”Yago, hit afuni Yerusalem mene yi sani! An Tuhan nen nanini arat hinoba figirik, hit mondogat obokhogo lakhinobagagi andi nen he, fong watu logolik, hinesi palogo hugisigik, o tom-tom alonggopkwe andoma nen le wuni wulagaisogo watu welagik ikhi logobagaigen he andogosi we'ni o!

YOEL 2:13

Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

MATIUS 26:39

at ale'ma horogat lagaikhesik elokhe sagaum weing lagaikhesik he, Allah ayonggo fikhi logolik, mel yagatikhe: ”Neisena! An weagetnabugun andi telnabigin halok he, telnabino,” iluk u hak, ”Amusu hinago noageluk wo'nesugun andi, wokhagain halok he, wokhano. Nen, lek halok he, an nendawimo anggigi mene andi lego. We, hat hendawimo anggegen mene andiat hilingnabino o,” iluk samban isikhe.

ULANGAN 9:18

A'nogo lakfisaluk hobuk tom oba lagagirik he, i inom sumburu inom, ninggi'lek nineisena Tuhan eilhanem neindep awi yagaisogo fogeratu nenggi 40 nenat, welagagi andi. A'nogo hilingitigi andi re, At nineisena Tuhan nen he, An neilhanem mondok weak hilingitebo, iluk isikhesik he, a'mage hokho mene lagasikhe.

YOSUA 7:6

Yosua inom it afuni a'nogo melalinafu mene inogogwi omanogo inom inendawimo mondok weak agaukwasik he, inasu mondok tilip-talap isasukwasik, fong warogo pelagi logolik wul yalelogo inunggul oba fesukwasik, lingge hundik hup hundik he Tuhan nen Peti Wene Warek a'nogo era'lu inelokhe sagaum logolik inendawi warikhi lagaukwa.

1 PETRUS 5:6

A'nogoat, Allah nen hobuk hinenuwerek menhinobagauwageluk, yogondak ya hinonggwaregen fogerakhigi'lek, at enggi omame werek mene awe a'ma kuluk hinendawinggen sebelogo logolik hilingiti logoino o.