AYUB 1:18 - Allah Wene Fano Wene Hupla Inane

¹⁸ A'nogo oan yagatu were'ma, Ayub amingmingengge ekhe wagaikhesik he, mel yagatikheat: ”Noe. Hat hagainafuri omanogo inoe manggusa mene aiba seni hilingiti logolik, inamburu ninggik, anggur enggen amusu ninggik, ugu were'ma,

AYUB 1:18 ပူးပေါင်းရင်းမြစ်များ

2 SAMUEL 13:28

Isati logolik aren amingmingengge omanogo inoba komotfisikhi logolik he, ”Hiren he at Amnon andi hineilenggen wanino o. At ambi anggur amusu nambik lugu-lugwi palhunem andem an nen enegengge hilinghugu halok he, hiren weak-weak ebe pinggi wa'no. Hinailo su fuk, wene andi faget he we an namu nen enek ambisangma noba asigin halok ogore wanigin enggere, iget figi'lek inambong siserogo nek hilingi'no!” iluk komotfisasikhe.

AYUB 1:13

A'nogo wagaikhesik oba, inenggi ekhe sambul at Ayub againafuri omanogo manggusa mene aiba seni hilingiti logolik, inamburu ninggik, anggur enggen amusu ninggik, ikhi lagaukwa.

AYUB 1:17

A'nogo oan yagatu were'ma, Ayub amingmingengge ekhe henaganek mene wagaikhesik he, mel yagatikheat: ”Noe. Ap Kasdim mene ekhe inenggiabisak wanharek mene esa henagan mene kagali wagaikhasik, hanggo unta helikhi logolik he, hamingmingengge konhu welagaikharek mene inebe mondok inoatama an namu nek neluk poloksek wulifirik, wene hilinglaga mene andi yagahesi wagi o, noe,” iluk yagatikhe.

AYUB 1:19

Sielu anini weak mene o leimo afuni le'ma higiren funha waga logolik, o a'nogo tamakhogo laga logolik he, hat hagainafuri inebe mondok felelenghogo sebelinafemo, an hamingmingengge namu nek neluk wulifirik, wene hilinglaga mene andi hat yagahesi wagi o, noe,” iluk yagatikhe.

AYUB 1:4

A'nogo logolik, Ayub againafuri ap inebe 7 nen andi re inetokhogo inaiba lombok pesta at ekhe were'ma hilingitik, at ekhe were'ma hilingitik, hilingitare'ma re, pesta a'nogo hilingiti logolik, inerugwi inebe henaganet aremnogo inayonggo fuluk, inamburu inom, inagai inom, ninggi lagaukwa.

AYUB 16:14

Aren he ap weim inanini mene inoba hilingfisagarek hakhogo an noati logolik he, hundik-handik nagap pal nobagagu werek.

AYUB 27:14

At againafuri hokhorek halok he it inebe mondogat weim oba nen wa'lasugun, nen at againafuri inom ombawi tagomangge mene inom ineluk logolik he nunggungge inelagaikhogo nek logogun.

AYUB 8:4

Hat hagainafuri nen At elokhoma weak hilingitama halok he, At Allah nen unggum inoba fou higit obaat fikhe o.

MAZMUR 34:19

Tuhan he, it ekhe inendawenggen eak a'luk, inendawimo mondok weakhogo welagaikharek mene andi, inera'lu we'luk inebe telinaferek.

PENGKHOTBAH 9:2

Eberogo nenat, ap mondogat inobabut he misigat asugun: Ap higithogo hilingiterek mene andi ogo, ap kwanirogo hilingitarek mene andi ogo, ap obabut fano mene ogo ap obabut weak mene ogo, ap pugunsek mene ogo, ap emerek mene ogo, ap obaget fikherek mene ogo, ap obaget fikherek lek mene ogo mondogat he higirenek. Ap weak hilingiterek mene inom weak hilingiterek lek mene inom, nen ap ane hombuk palherek mene inom ane hombuk palherek lek mene inom emberek he higirenek.

YESAYA 28:19

Hit hinoba weak mene andi asi wagu mondok were'ma re, hiren hinenggi hundik-hundik, hubet inom hubanggo inom enggin-fenggin hugu mondok logogun. Nen, Allah nen yi'nogo hilingi'no iluk ikhe mene andi hit hinesanggo holhaluk he hinailo nen hinoak leigeti logogun.

YEREMIA 51:31

O kota a'nogo unggut fena-fena pin kwi wagaikha o, iluk inoe raja Babel mene a'nogo yagasuogeluk he, ap yonggo hobugalep lagik wagik hilingiri'lagwi.

RATAPAN 1:12

”Yago, hit afuni kwe bene laga lagep mene nen hineilenggen nealuk kwela'neani o! Tuhan nen anini hokho mene an noba fikhesik, enggin hokho mene noba fikhe mene yi foge'ni! Ou pou hokho mene an nen yogondak hikhi lagi mene ari higit mene re ekhe werek anggegep?