AYUB 1:10 - Allah Wene Fano Wene Hupla Inane

¹⁰ At ebe inom, againafuri inom angge yi mene ti mene inom Haren ferinarek mondok logolik, at eabu yi yabu ti yabu hilingitunem fanotfigik, anggo hokhorogo wogetik, ugunem at anggo o andoma ekhema-ekhema mondok hokhorogo hilinglarik lili'lago andi.

AYUB 1:10 ပူးပေါင်းရင်းမြစ်များ

KEJADIAN 15:1

A'nogo hilingitukwasik oba nen, At Tuhan nen Abram elokhoma weinam asi wagaikhesik ane yagati logoik: ”Abram, hailo agun o. Hoasuogeluk ugu halok An nen fetharek logolik, onggo hokho mene wokhesigin o,” iluk yagatikhe.

KEJADIAN 26:12

At Ishak en o andoma yabu wanhikhesik enggen awi feik lakfesikhemo At Tuhan nen enggen awi a'nogo fanot fugunem tahun andiba enggen itikhe re yatikhe mene a'nogo we endebat oba nen, we ekhe inom sik-pik arik laga logolik altap 100 nen mangorogo ekhe inom itikhe.

KEJADIAN 30:30

An oan yoma wagi'le'ma hat hangge yi mene ti mene we wenagaisogo miren mene hangge hilingik welaga, oba nen he, yogondak an nalisikhogo Tuhan nen hat fanot hobagagunem hat henggi werek mene agenma re yogondak halok he an nonggwarek ogo nagwe nagainafuri faget yabu hilingisuba asi waga,” iluk yagatikhe.

KEJADIAN 30:43

A'nogo hilingiti lagaukwama at Yakub enggiwerek agaikhasik, enu werek agun logolik anggo kambing, domba, unta, keledai inom, uluk pambialhogo hilinglagik, amingmingengge hokhorogo hilinglagik isikhe.

KEJADIAN 39:5

Eabu wogotikhemo, huli andi nen, At eisena Tuhan nen Yusuf alisikhogo ap aiba Mesir mene a'nogo againafuri inom inebe fanorinafik, angge yi mene ti mene oloba mene inom, yabu kwe yago mene inom, fanotfigik, ikhi lagaikhe.

KEJADIAN 49:25

An heisena neisena Allah nen lebethiikhi logolik, Yi mene ti mene hilingisu hagenek mene a'nogo nen fanothafi logolik, Meiso pogoroba nen pelakhesi wagik, I kweangma nen liakhesi wagik, Hagainafuri wokhetik, hanggo sapi wokhetik,

AYUB 1:3

Nen, at amingmingengge inebe mondok hokhorogo welagaukwa. Anggo ogore, domba 7.000, nen unta re, 3.000, nen sapi re, 1.000, nen keledai re 500 nen welagaikhe. A'nogo welagaikhe andi nen, afuni o mo ero fikhit andoma welagaukwa mene inangge endebat hangge meneat he, at Ayub andi nek he, mondok kain eilmo wulalhak welagaikhe.

AYUB 29:2

”An nebe attak Allah nen fetnarek logolik halnafunem welagagi aremnogo hakhogo, nebe a'nogo logoile ago iluk anggikhi lagi.

AYUB 29:6

Nanggo sapi, domba inom omanogo nen he eilak amusu hokhorogo keralhi lagagi. Nen, nagayo zaitun omanogo nen he, kweang helep enggen werek kwe yak fuguba nen ogore amusu hokhorogo keralhi lagagiat.

AYUB 31:25

Athe, yabu nenggi omameba nangge yi mene ti mene saburogo fakhaluk, neilmo wulalhak welagi iluk fogerakhigirek legaro.

AYUB 42:12

Attak at Ayub weak oba agi'lek logolik fano welagaikhe meneat he, andi endebat elo'lek hangge, nen weak a'nogo oba agaikhesik oba nen Tuhan nen mondok fanot fesikhemo hobuk fano mondok welagaikhe. A'nogo fanot fesikhemo, hobuk anggo kambing, domba 14.000, nen unta 6.000, nen sapi 2.000, nen keledai 1.000 nen wogotikhemo eise agaikhe.

MAZMUR 107:38

At Tuhan nen, it inagainafuri hokhorogo wogisikhi lagaikhe. Inanggo lek agi'lek logouwageluk, eagwi sik-pikhogo wogisikhi lagaikhe.

MAZMUR 34:7

Afuni inonggwaregen hilingisu elo'lek mene nen Tuhan ayonggo fugunem, enggin-fenggin inoba werek mene mondogat he Aren leget fikherek.

MAZMUR 5:12

It afuni Haren hawea'ma fisaluk ferinarek werek mene re inagaiyek haluk, mondok-mondok inanggilugeti logouwak. It afuni Hat hoba inendawi hundik anggaluk hilingiri'lagwi mene andoma re Haren ma'murogo ferinarek logoin, iren Hat faget enek inagaiyegeti logouwak.

MAZMUR 71:21

Haren he an nebe nalong logouwageluk legeisogo nobagagik, nen an nendawimo konafu mene nagaiyegap nobagagik, igin weregaro.

MAZMUR 80:12

Enggi talogo lagaresik he, i laut tengah huli andomaba hilingi'mo, erembul he i Efrat huli sebelogo werek.

MAZMUR 90:17

Tuhan Allah nit neisena. Nit nineabu hilingiti lago mene andoma ambisangma enggen fanorogo nek i'lagunem hikhi logogun nen he, Haren fanot ninobagakhi logoino o, neisena,” iluk Allah ayonggo fesikhe.

AMSAL 10:22

Tuhan nen fanot fisugunem afuni inenggi werek mene hilinglagaikharek, yabu inomamerogo hilingisugun andiba inangge ekhe inom hilinglasumo re, elo'lek.

YESAYA 5:2

Aren eabu ebe wanhi logolik he helebenggen yogologo fanorogo pugunhogo wanhe, a'nogo wanhesik anggur ebe mene awi yatesik he kagalek werek oba faget he o ekhe uan mene legeisogo wute. Wutfikhesik anggur agai perelogo pelafuba faget kweang fate ekhe habulhesik he, aren enggen fano mene isigin iluk nenangot ikhi logolik welaga, oba nen he anggur a'nogo enggen he arik weak mene ite.

YESAYA 5:5

Halok he an neabu anggur yabu andi faget he yi'nogo hilingisigin: Leget haningisogo waganek mene andi re mondok meisalogo pot fisamo re, wam maro eisogen altam-tamhogo weagerogo fagain.

ZAKHARIA 2:5

Tuhan nen wene wati logolik, At onggwarek ebe o kota andi faget pa'leget higit endu meneba haningisogo logolik along palogo fisogo logogin, nen, At ebe re along-palonghogo logolik omame hokho mene logogin, ikhe iluk yagasi lan o,” ugunem higi.

ZAKHARIA 2:8

Ap sa nen hit hinoasugun iluk hilinghinafu halok he, An nendawinggenma kagaukhogo noasu hagat hilingisugun o,” iluk ikhe. Andiba re, Tuhan Omame Mondok Hokho mene a'nogo nen an mimingnafi logolik wene a'nogo iluk andi it inunggulenu inap Tuhan againafuri telogo helasukwa mene andoma yagaisoageluk mimingnafi logolik,

ULANGAN 33:11

Tuhan neisena, afuni inunggulenu yi mene inomame werek hilinglasuagaluk fanorogo leberisikhi logoino. Iren yabu hat faget hilingitunem hoba liok ikhi logoino, neisena. It inaselei mene mondogaren hobuk inoasuogoluk weim abok inogo iluk, haren legetfisikhi logoino o,” iluk yagatikhe.

ULANGAN 33:27

Allah awe a'ma fethinarek mondok logolik, enggi omame hokho mene andiba lebethisugu mondok logouwago. Aren hit hinelokhoma nen hinaselei mene mugusogo lakfisikhi logolik, Hiren it mondok legetfisani, iluk yagahisikhi logouwago.

ULANGAN 7:13

Aren, hit endawit hinabimbik, fanothinafu mondok were'ma, hit hinagainafuri hokhorogo taginafunem inebe sik-pik ikhi logogun o. Nen, hit hineabukwe yi mene ti mene yago mene fanotfugunem, gandum inom, anggur inom, e zaitun enggen amusu minyak keralhi logogun mene inom, enggen hokhorogo iti logogin aro. Nen, Aren he, hinenggim mene fanotfugunem, hinanggo sapi, kambing, domba inom, hokhorogo hilinglasigin aro. Nineisena Tuhan nen ninombalak yagaisikhi logolik, yi'nogo wokhisikhi logogin o, iluk wene warisasikhe higithogoat, hit o logogun oba andoma were'ma mondogat wokhisugunem a'nogoat helikhi logogun o.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

1 SAMUEL 25:16

Nit it inebe horokhogo wam halhi logolik were'ma, iren hup hundik lingge hundik nit fetninarek werek kwelek oba nen hilingite.