AMOS 9:7 - Allah Wene Fano Wene Hupla Inane

⁷ Tuhan ane ikhi logolik he, ”Hit afuni Israel mene yi. An nen ap Sudan mene neilenggen woginafi lagi andi re, hit faget ebeti lagi hakhogo it inoba ogo eberisugu welagirek andi. An he hit hinebe o Mesir en wokhinarek wulibi wagagi hakhogo re, ap Filistin mene o Kreta nen woginarek wagik, nen afuni Siria mene o Kir en woginarek wagik, isigi andi.

AMOS 9:7 ပူးပေါင်းရင်းမြစ်များ

2 RAJA-RAJA 16:9

A'nogo lakfisasikhemo re raja Tiglat Pileser a'nogo nen he at Ahas nen kino yagatikhe mene a'nogo fano anggasikhesik, aren o Damsyik pin kwi wagaikhe. A'nogo kwi waga logolik he afuni Damsyik mene inoe raja Rezin a'nogo ebe wati logolik, nen afuni o andoma welagaukwa mene re hele warogo feleleng inarek o Kir lagaukwa.

2 TAWARIKH 14:12

A'nogo samban isikhesik he Asa inom, agoromi tentara inom a'nogo it Sudan inap inom weim yabi wulifukwama nen he, Tuhan nen it tentara Sudan mene mabenet fisasikhemo re inailo nen heise wulifukwa.

2 TAWARIKH 14:9

Linggene misik sambul he ap mene ekhe awi Sudan agun enu re Zerah andi nen he agoromi tentara mene inebe satu juta nen inom, nen angge kereta amboloba lagaluk weim yafarek mene re 300 nen inom, he o Yehuda pin kwi wagaukwa. A'nogo kwi wagaukwasik andoma nen wagaukwa-wagaukwa re o Maresa huli andoma asi wagaukwa.

KELUARAN 12:51

Linggene andi sambul he, Tuhan nen it afuni Israel mene mondogat o Mesir en woginarek wulibi wagaikhe.

YESAYA 20:4

Raja Asyur mene nen he o kweang pire andem oba afuni andoma hele warogo sebelogo fisambik he inebe inalfulukwa kogouk hilingfisambik lirinarek lagain o. Yaman mene inom, souge mene inom mondogat he inasu laberek legengge ineisok agut kwelabek legengge inalele weinam-weinam o Mesir mene sebel fisikhi logolik enegenggerogo iluk a'nogo lirinarek lagain andi.

YESAYA 22:6

Ap Siria mene re inangge kuda inom kereta inom weim yabuogeluk waluk weri'lagwi, ap Elam mene re sige-sikhe waluk weri'lagwi, ap Kir mene re tok kwe palengge fik-foukhogo hilingiri'lagwi.

YEREMIA 13:23

Afuni inagap sing mene re inagap elokhe amu mene inom agam esumo re elok nogo, athe no harimau esi lel fenggenek mene andoma leget foumo re eloga? Mondok elo'lego! Andi higit he hit hinaniniba nek hilingiti lagep mene andoma re fano mene hilingisu re elo'lek welagebo.

YEREMIA 47:4

Afuni Filistin mene mondogat leget fisogoin huli arat asi waga, ma re Tirus inom Sidon inomen ekhe leberisogoin lek. An Tuhan nen he ap Filistin mene fena o Kreta ba andoma ineluk logogun mene re legetfisagain.

HOSEA 12:13

Yakub nit ninambu a'nogo re weak-weak o Mesopotamia lagaikhesik at agwe helagain mene faget he, ap andoma mene inamingmingengge agaikhesik logolik ap inanggo domba halhi lagaikhe.

AMOS 1:5

O Damsyik kwe ambe palek hokho mene andoma An nen mondogat weaget fisigik, afuni o Awen tonggoma welagaikharek mene andoma, inebe werek oba andoma nen felelenghogo mugusogo wulakfisigik, igin o. At Bet-Eden along welagarek agun andi re at ebe hurek welagarek oba nen An nen pelabi wagik, nen afuni o Siria welagaikharek mene hele warogo woginarek o Kir kweang oba andoma loageluk hilinginafik, igin o,” ikhe isikhe.

AMOS 2:10

An nen hit hinebe o Mesir en wokhinarek wulibi wagagisik, o leikwe afuni mondogat lekwe nen wokhinarek wagu kwelek 40 tahun hilinglagaikhe. A'nogo wokhinarek wagagisik, afuni Amori mene inaiba yoma hit eise asubagaigiluk wokhisasigi.

ULANGAN 2:23

Nen kweang uanhogo i hokho mene Laut Tengah yenggelek era'lukwe liabek pelabek andi it afuni kereta inap he, i alonggen kwe andoma welagaukwa. Andoma logolik he iren afuni Awi inap inaggweang eisewerek omanogo mikhasukwasik he o Gaza nen abel a'ma fikhit huli mondok uanhogoat fesukwasik welagaukwa.