AMOS 9:5 - Allah Wene Fano Wene Hupla Inane

⁵ Kweang leigetunem afuni inendawimo weak hikhi logogun, andi re At Tuhan Lego Mondok logolik Omame Hokho welagarek mene a'nogo nen sebethugunem hilingiti logogin. I Nil fu wagunem hetogerik lagagik, hibi agunem firitokhogo pigik, ikherek andi hak he, it inalong asimbigen hobuk maben asugun o.

AMOS 9:5 ပူးပေါင်းရင်းမြစ်များ

MAZMUR 104:32

Hat heilenggen kweangma yetha wagunem he kweangma mondok leigeterek. Henggi tom unggul fakhugunem he, so'le wulibi wagarek.

MAZMUR 144:5

Tuhan neisena, pogot heal haluk he Hebe pi me o, tom-tom andoma endu so'le wilibuageluk henggi senhan.

MAZMUR 32:6

A'nogo hilingiti lagen andi nen, afuni inebe lombok Hat hoba inailorogo werek mene re, yi enggin ti enggin hikhi logolik, Hat hayonggo fikhi logogun halok, i fu waga logolik, yi mene ti mene sebelherek hak, inebe sebelogo fisagain lego.

MAZMUR 46:6

At Allah ebe o andoma welagarek andi nen he, o kota andi, leget fisamo re mondok elo'lek. O hil mogolhu kwelek At ebe we'luk leberisugu mondok logogin.

MAZMUR 97:5

At Tuhan o kweangma mondogat sagarek werek mene a'nogo elokhoma andoma nen he tom-tom omanogo hendali hakhogo ubun-ubun lek ari'lago.

YESAYA 64:1

Tuhan neisena, pogot heal hambik he hebe pime o, tom-tom andoma re Hat helokhoma nen erak kwerak isoageluk hilingfein.

YEREMIA 12:4

O kweang yiba iringik mondok werek kwelek nek he ki huli logogin nogo, nen yabukwe omanogo engga puk mondok logogin nogo? Sue inom eluk-elugengge amu mene inom omanogo re nit ninunggulenu mene inanini mondogat weak andiba re wa'lagaikha andi. Iren ikhi logolik, it inoba ari'logo mene andoma An nen hagain lego, iluk aga andi faget heinok wokhiikhi lagi o,” iluk yagati.

HOSEA 4:3

Andiba o kweang yiba re mondogat puk iringik weak mene asigin, nen yi mene ti mene kweang yiba eluk werek mene mondogat he wa'lasigin. Eluk-elugengge tulemkwe tari'lago mene inom, kweang oba welagarek mene inom, i laut elonggoma welagarek mene inom mondogat he legasigin o,” ikhe.

AMOS 8:8

A'nogo igi andi nen kweang abolok igik, afuni mondogat le hokhorogo agik, ugun o. O kweangma yi awi ti awi mondogat abolok ikhi logolik, i Nil laga logolik esinggen founalik lenggalik, lagarek andi hak hilingisigin o.

NAHUM 1:5

Nen at elokhoma nen he tom-tom mondogat leigetik, nen punu-punu louk lagenggetik, ikherek. Nen At Tuhan ebe weinam asi wagunem he, kweang mondogat abolok ikherek, nen a'nogo hilingitunem kweangma werek mene inom, afuni inom ogore mondogat inoak abolok ikherek.

NAHUM 1:6

A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.

HABAKUK 3:10

Hebe wagunem, tom en eilenggen healuk he abolok igik, pogoroba nen i kweangma houwalanghogo pelabi wagik, i kweang elema nen eindep ane hokho mene igik, i ha'labu esinggen foinalogo hugesi lagai wagik, ikherek.

MATIUS 7:27

meiso hokho pi wagik, i fu hokho wagik, sogoi hokho funha wagik, ikhi logolik, o a'nogo wathasikhemo, sanokhogo waluk laga logolik mondok meisak lambukhogo weaget fesikhe andi hagaro,” iluk yagaisasikhe.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.